Ŋikol. 3:4 - Ebaibul

⁴ Apaki ŋina etakanunia Kristo ŋolo erae akiyar kus, itakanunete iyes daŋ kaapei ka iŋes anapolou keŋ!

Ŋikol. 3:4 Iomraidhean Croise

Ŋikiru. 17:15

Ani eruwor ayoŋ, eŋolikini ereet kon, anerae eyookino ayoŋ, ani akyenyuni, alakar ayoŋ eŋolikini epite ŋolo iyakar iyoŋ.

Ŋikiru. 73:24

Ikitenit iyoŋ ayoŋ a ŋakitatameta kon, ekaku, ikijaari iyoŋ ayoŋ tooma napolou.

Mat. 13:43

Ecaunete nai ikwa akoloŋ ŋulu iyookino a Napukan a Papa kec. Iŋes ŋini eya ŋaki ŋuna kiiraret, kiira.

Luk. 17:30

Ikokinete ŋakiro neni Akoloŋit ŋina etakanunia Lokoku a Ituŋanan.

Yoa. 11:25

Tolimok Yesu iŋes tema, “Arae Ayoŋ ayarun ka akiyar, ŋinituŋanan akanupi ayoŋ, eyaruni tari ketwana daŋ.

Yoa. 14:3

Ani kalot ayoŋ akitemokin akibois aŋuna kus, aboŋuni nai ayoŋ okocuna iyes neni kaŋ, ikotere kiboiyoto iyes daŋ aneni ayai ayoŋ.

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Yoa. 17:24

“Papa! Acamit ayoŋ ŋulu ikiinakinit iyoŋ ayoŋ, oruko ka ayoŋ aneni ayai ayoŋ, ikotere eanyunete ikes apolou kaŋ, ŋina ikiinakinit iyoŋ ayoŋ; anerae ikimina iyoŋ ayoŋ eriŋa tari akwap nyesubuna.

Yoa. 20:31

Nai igiritae nu, ikotere tonupyata iyes atemar erae Yesu iŋes erae Kristo, Lokoku ka Akuj, ka alotooma anupit kus iŋes, toryamut akiyar alokiro keŋ.

Ŋitic. 3:15

Ido toara ekainakinan akiyar ŋolo abu Akuj kiteyaru alokatwak. Ikirae isua ŋisuudae ŋulu a ŋakiro a ŋun.

Ŋirom. 8:18

Ayeni ayoŋ atemar ŋican ŋulu ikiryamunit iwon tokona, nyepedoryo akisikwaanikin ka apolou ŋina ikidaritere iwon, ŋina nyisileereuno.

Ŋirom. 8:19

Idarito nooi ŋisubuna daadaŋ apaki ŋina iseleereunio Akuj ŋidwe keŋ.

1 Ŋikor. 1:7

Aŋun, emam ainakinet ŋina ke Etau a ŋolo Asegan ŋina nyiryamunito iyes eriŋa idarito kitoodiunae Ekapolon yok Yesu Kristo anapolou keŋ.

1 Ŋikor. 15:43

Apaki ŋina enukere, eŋotor ka epalag; ani iteyarunio, ibusiar ka egogoŋior.

2 Ŋikor. 4:17

Anerae ŋican ŋulu ikiryamunit iwon ŋulu esalunete, erae koŋin kisikwaani ka apolou ŋina ajokan nooi ŋina nyesaluni ŋina itemonokinete ŋican ŋul aŋuna yok.

Ŋigal. 2:20

Aŋun nai, nyarubakinit ayoŋ arae ŋolo ayari, nai Kristo eyari alotooma kaŋ. Akiyar kaŋ ŋina anakwap a na, ayari ananupit Lokoku ka Akuj, ŋolo abu okominak ayoŋ ka tojal akiyar keŋ aŋuna kaŋ.

Ŋipil. 3:21

Ilocokini iŋes ŋawat yok ŋuna palag ka ŋuna etwakete, kituruwo ikes ŋuna ikwaan ka akuwan keŋ ŋina ka apolou a ŋina anakuj. Isitiyae iŋes apedor ŋina epedoritor akiwuakin ŋiboro daadaŋ Napukan keŋ.

1 Ŋites. 4:17

ido nai orukosi iwon ŋulu eriŋa ikiyari kaapei ka ikes kidiama lodouwon akiryamun ka Ekapolon. Oruko nai ka Ekapolon jwi jwi.

1 Tim. 6:14

akiwuap ŋakiro ŋun alopite a ŋolo ajokan a ŋolo nyepedorya idiotuŋanan akitoronia iyoŋ Akoloŋit ŋina etakanunia Ekapolon yok Yesu Kristo.

2 Tim. 1:1

Ayoŋ Paulo ekiyakia a Yesu Kristo, aŋuna ka acamit a ŋina ka Akuj, ŋolo ekeyakitae akisera akiyar ŋina ikimori iwon anakimorikina ka Kristo, ŋina abu Akuj ikiik iwon

2 Tim. 4:8

Ekedaritere ayoŋ ebokot ŋolo ka akiyookino ŋolo erae ainakinet ŋina ka akiloun, ŋolo akainakini ayoŋ Ekapolon ŋolo erae ekatubon ŋolo iyookino Akoloŋit ŋina ka atubokino--meere neni kaŋ bon, nai neni a daadaŋ a ŋulu iitanito atakanun keŋ.

Tito 2:13

eriŋa ikidarit arereŋu ŋina ikigeno iwon, iŋes atemar itatakanunio apolou ŋina ka Akuj yok a ŋina etiron ka ŋina ke Ekaiunan yok Yesu Kristo.

Ŋibur. 9:28

Ikwaŋinapei, alemunio Kristo daŋ alemunet apei toruwor amuronot ŋina elemari ŋasecisya a ŋikalalak. Etakanuni iŋes atakanunet ŋina a ŋaarei, meere aŋuna ka alemar ŋasecisya, nai aiun ŋulu idarito iŋes.

1 Pet. 1:13

Aŋun, totenito anatameta kus aŋuna ke etic. Totenito anatameta ka kiwuakinito akigeno kus daadaŋ najokis ŋina ikiinakinio iyes apaki ŋina isileereunere Yesu Kristo.

1 Pet. 5:4

Ani nai etakanuni Ekeyokon ŋolo Apolon, iryamunete iyes ebokot ŋolo ka apolou a ŋina nyedaun akibuses keŋ.

1 Yoa. 2:28

Ŋidwe ŋuluminan, kiboiyoto alotooma Kristo, ikotere ani etakanuni iŋes, oyakatar iwon atitinyu ŋina nyikirumiata iwon ŋileec apaki ŋina etakanunia iŋes.

1 Yoa. 3:2

Ŋikaakonei ŋuluminan, ikirae tokona iwon ŋidwe ka Akuj, nai nyileere neni ikikokini iwon. Nai ikiyeni iwon atemar ani isileereunio Kristo, ikikokini iwon iŋes; anerae ikiŋolikini iwon iŋes ikwapei eyakar iŋes.

1 Yoa. 5:12

Ŋini eyakar Lokoku, eyakar akiyar na; ŋini nyeyakar Lokoku ka Akuj, nyeyakar akiyar.

Yud. 1:24

Epedori Akuj akiyok iyes nyikiguk ananupit ka ikiyau iyes emam asecit ka iyakatar alelyan tooma nakica ŋina ka apolou.

Akis. 2:7

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, ainakini apedor ŋinakimujet arait ŋina ke ekitoe a ŋolo ka akiyar, a ŋolo eyai lomanikor ŋolo ka Akuj.”

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.

Akis. 22:14

Erereŋ ŋulu ilotarito ŋilowi kec, ikotere toryamut apedor ŋina nyamet arait ŋina ke ekitoe a ŋolo ka akiyar ka kitoro lopidiŋ elomarete lotaun ŋolo apolon.