Ŋikol. 3:23 - Ebaibul

²³ Ibore ŋini itiyaete iyes daadaŋ, kitiyata ka agogoŋu kus a daadaŋ esibit itiyaete ŋuna ke Ekapolon, meere ŋuna a ŋituŋa;

Ŋikol. 3:23 Iomraidhean Croise

2 Ŋakiro a ŋirwa 31:21

Etic daadaŋ ŋolo abu iŋes kitiya aŋuna ka Akai ka Akuj ka anakiwuapit ŋikisila ta Ŋakiciketa, abu iŋes kitiya a etau keŋ a daadaŋ anakitopoloorit ka anainakina neni ka Akuj keŋ. Aŋun, abu apukan keŋ tolot kiŋaren ejok.

Ŋikiru. 103:1

Okoe etau kaŋ, kipur Ekapolon, akuwan kaŋ daadaŋ, kipur ekiro keŋ ŋolo asegan.

Ŋikiru. 119:10

Ekewarit ayoŋ iyoŋ ke etau kaŋ a daadaŋ; nyikimyek ayoŋ ooliyo anakiciketa kon.

Ŋikiru. 119:145

Anyara ayoŋ ke etau kaŋ a daadaŋ, toboŋokino ayoŋ, okoe Ekapolon, ikotere ewuapi ŋakiro ŋuna itubunit iyoŋ.

Ŋikiru. 119:34

Inakinae ayoŋ ayenut, ikotere ewuapi ŋikisila kon, ewuap ikes ke etau kaŋ a daadaŋ.

Ekal. 9:10

Etic daadaŋ ŋolo itiyaete iyes kitiyata anagogoŋu kus a daadaŋ, anerae emam etic, kori atamatam, kori ayenut, kori aosou anakibois a ŋikatwak a ŋina ilosete iyes alomar.

Yer. 3:10

Kikote neni daŋ apotu ŋituŋa a Yudaya nyeboŋut neni kaŋ a ŋitai kec a daadaŋ, nai anakitusubuna ŋulu kaŋ nyerae bo.”

Mat. 6:16

“Ani ikanyi iyoŋ, nyitasyono ikwa itasyonotor ŋikaŋisoswae. Elosete ikes esecec ŋireetin, ikotere eanyuniata ŋituŋa atemar ikanyete ikes. Akalimokini ayoŋ iyes kire atemar, adaut ikes aryamun eropit kec.

Ŋirom. 14:6

Ituŋanan ŋini itopoloorit akoloŋit ace, itiyae ŋun anakerit Ekapolon. Iŋes daŋ ŋini enyami ibore daadaŋ, itiyae ŋun anakerit Ekapolon, anerae elakari iŋes neni ka Akuj aŋuna ka akimuj. Ŋini daŋ eŋeri akinyam ŋiboro ŋice, itiyae ŋun anakerit Ekapolon ka elakari iŋes neni ka Akuj.

Ŋirom. 14:8

Ani kikiyari iwon, ikiyari aŋuna ke Ekapolon, ka ani kikitwaka, ikitwaki aŋuna ke Ekapolon. Tari nai kikiyari kori kikitwaka, ikirae iwon ŋulu ke Ekapolon.

Ŋiep. 5:22

Ŋaberu, topupete ŋikilyok kus, ikwaŋina ipupyoto Ekapolon.

Ŋikol. 3:17

Ŋinibore daadaŋ itiyaete kori irworosi iyes, itemokino kitiyata alokiro ke Ekapolon Yesu, tolakara neni ka Akuj Papa alotooma Yesu.

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

1 Pet. 2:13

Aŋuna ke Ekapolon, tokerito ŋikepukak daadaŋ: ekepukan ŋolo epolokinit ŋuluce daadaŋ,

1 Pet. 2:15

Anerae ecamit Akuj iyes kitiyata ŋakiro ŋuna ajokak, ikotere kisililiŋa ŋibaŋaanotin ŋulu irworosi ŋuna nyeyenete.