Ŋikol. 3:15 - Ebaibul

¹⁵ Kimyekisi ekisil ŋolo a Kristo ikipuka iyes alotai kus--ekisil ŋolo aponere itonyaraunere iyes aruwor akuwan apei. Itemokino tolakaros neni ka Akuj.

Ŋikol. 3:15 Iomraidhean Croise

Ŋikiru. 100:4

Tolomasi Kai keŋ ilakara neni keŋ, tolomasi nalapatui ŋuna ka Akai keŋ ieosi. Tolakaros neni keŋ ka kipuro iŋes.

Ŋikiru. 107:22

Emaikina ikes inakis Ekapolon ŋamuronisya ŋuna ka alakara ka tolimosi ŋiticisyo ŋulu ke Ekapolon alotooma ŋieosyo ŋulu ka alelyanu.

Ŋikiru. 116:17

Ayauni ayoŋ neni kon amuronot ŋina ka alakara, ido onyara ekiro kon okoe Ekapolon.

Ŋikiru. 29:11

Einanakini Ekapolon agogoŋu neni a ŋituŋa keŋ; iterereŋi Ekapolon ŋituŋa keŋ a ekisil.

Isa. 26:3

Iyokit iyoŋ a ekisil ŋulu nyiryaŋiryaŋasi anatameta kec, iyokit iyoŋ ikes, anerae ikikinyomito iyoŋ.

Isa. 27:5

Ani kecamit emanikor ŋol, emaikina iŋes kimiidiun neni kaŋ aŋuna ka akiyokiyo, emaikina iŋes esila ka ayoŋ, emaikina iŋes esila ka ayoŋ.”

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 57:19

Eyakaun ekisil neni a ŋulu eapiyete ka ŋulu elwaka, etaŋaleuni ayoŋ ikes.

Yona 2:9

Nai ke etoil a ŋolo ikitalakarit iyoŋ, akainakini ayoŋ iyoŋ amuronot; esiyookini ayoŋ ŋuna adau akikoŋ. Anerae Ekapolon bon eyai apedor aiun ayoŋ.”

Yoa. 14:27

“Ekemyekinia ayoŋ iyes ekisil; ekisil kaŋ iŋes akainakini iyes, nyikoni iŋes ekisil ŋolo ka akwap. Nyiyaloloŋo kori nyikibul!

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Ŋirom. 1:21

Eyenete ikes Akuj, nai nyitopoloorito ikes iŋes ikwa Akuj, kori nyitalakarito. Nai aruworosi ŋatameta kec ŋakoŋinae ka elelebikin akiryonut nakyes kec ŋuna ebaŋaaka.

Ŋirom. 14:17

Anerae meere Apukan ka Akuj ŋina ca imujere ka emasere, nai erae ŋina ka akiyookino ka ŋina ke ekisil ta ŋina ka alelyan a ŋina ikiinakinit Etau ŋolo Asegan.

Ŋirom. 15:13

Elipi ayoŋ Akuj, ŋina erae alope akigeno; kilelebik neni kus alelyanu ka ekisil alotooma anupit kus; ikotere torubak akigeno kus iyata anapedor a ŋina ke Etau a ŋolo Asegan.

Ŋirom. 5:1

Aŋuna tokona ikicamunere iwon alokiŋaren Akuj ikirae ŋulu ikiyookino ananupit yok, ikiyakar iwon ekisil kaapei ka Akuj alotooma Ekapolon yok Yesu Kristo.

1 Ŋikor. 10:17

Aŋuna eyakar amugati apei, ikirae iwon ŋulu alalak akuwan apei, anerae ikimori iwon daadaŋ amugati apei.

1 Ŋikor. 7:15

Nai ani kecamit ŋini nyerae Ekristoit atyakar aneni ke Ekristoit, kimyekisi totyakar. Anakiro a ŋuna ikote ŋun, nyereikinitae ŋini erae Ekristoit, kerae ekile kori aberu. Anerae adau Akuj anyarare iyes akiboi alotooma ekisil.

2 Ŋikor. 4:15

Ŋun daadaŋ itiyasi aŋuna kus, ikotere ajokis ŋina iyata alokimar a ŋikanupak iyatakini akipuro ŋina ka alakara neni ka Akuj.

2 Ŋikor. 9:11

Ikitabari iŋes iyes jwi jwi, ikotere toruworos ŋulu irimaaka ŋarwa daadaŋ, ikotere nai tolakaros ŋikalalak neni ka Akuj aŋuna a ŋainakineta kus a ŋuna eryamunete ikes aneni kosi.

Ŋiep. 4:16

Aŋuna epolokinitor iŋes ŋinerin ŋulu ka akuwan, eyeunito ŋinerin daadaŋ akuwan apei ka erae akuwan daadaŋ apei ka ikamuna ŋaruceta daadaŋ anakuwan. Ani nai itiyae ŋolokiner ikwapei itemokino itiyaa, epolouni akuwan daadaŋ toduko anamina.

Ŋiep. 4:4

Eyai akuwan apei ka Etau epei ŋolo ka Akuj ikwapei eyakar akigeno apei ŋina adau Akuj anyarakin iyes.

Ŋiep. 5:1

Ikwapei iraakatar iyes ŋidwe ka Akuj ŋuluminan, itemokino iyes kituputo iŋes.

Ŋiep. 5:20

Alokiro ke Ekapolon yok Yesu Kristo, tolakanaros jwi jwi neni ka Akuj Papa aŋuna a ŋakiro a daadaŋ.

Ŋikol. 1:12

Tolakanaros neni ka Akuj Papa, ŋolo ikitemok iyes aryamun atyaketait a ŋarereŋisyo a ŋuna iŋadakinit Akuj aŋuna a ŋituŋa keŋ a Napukan keŋ a ŋina ka akica.

Ŋikol. 2:7

Torubakisi icasito aneni keŋ ikwa isicasitotor ŋataagor ekitoe alokwap, ido toduko akusikiyar neni keŋ; kicasito ananupit kus, ikwapei ikitatamitere iyes. Torubakisi ilakanarosi neni ka Akuj!

Ŋikol. 3:17

Ŋinibore daadaŋ itiyaete kori irworosi iyes, itemokino kitiyata alokiro ke Ekapolon Yesu, tolakara neni ka Akuj Papa alotooma Yesu.

1 Ŋites. 5:18

tolakanaros neni ka Akuj anakiro a daadaŋ; anerae erae ŋun ŋuna ecamit Akuj aneni kus alotooma Yesu Kristo.

1 Tim. 2:1

Ŋuna iŋarenete, ekemaimai ayoŋ iyes daadaŋ atemar toyai akimaima, akilip, akiŋita ka alakanar neni ka Akuj aŋuna a ŋituŋa a daadaŋ;

1 Tim. 6:12

Tojiye ejiye ŋolo ajokan ŋolo ka anupit, ikotere iryamuni akiyar ŋina nyedaun, ŋina abu Akuj ikinyarak iyoŋ apaki ŋina iserakinia iyoŋ alokiŋaren ŋisuudae ŋulu alalak anupit kon Kristo.

Ŋibur. 13:15

Aŋun, oinakisi nai akipuro neni ka Akuj jwi jwi erae amuronot yok alotooma Yesu, ainakinet ŋina erae akituk irworo, itopoloorit Yesu erae Ekapolon.

Akis. 7:12

ebasi, “Amen! Akipuro, apolou, aosou, akitalakanar, akerit, apedor ka agogoŋu toyakas neni ka Akuj ŋikaru ka ŋikaru! Amen!”