Ŋikol. 2:8 - Ebaibul

⁸ Nyicamut nai idiotuŋanan ikisupari iyes alotooma aosou a ŋituŋa ŋina erae amodiyo ŋina koŋinait, ŋina ebunit anakitatam a ŋituŋa ka aneni a ŋipyan a ŋulu ipukato akwap na, meere aneni a Kristo.

Ŋikol. 2:8 Iomraidhean Croise

Eete a Ŋie. 2:15

Kikamutu ŋikweei, kikamutu ŋikweei ŋulucicik, ŋulu enyasut ŋimanikorin a epiini, anerae aturout ŋimanikorin yok ŋulu a epiini.”

Yer. 29:8

Alimu Ekapolon ŋolo a ŋajoresyo, Akuj a Ŋisirael ebe, “Nyimyekis ŋikadwarak ka ŋimurok ŋulu iboiyete ka iyes ikimodyanakis iyes ka nyinupa ŋakiro ŋuna irujaete ikes,

Mat. 10:17

Tocoikinito ŋituŋa, anerae eya ŋulu ikikamunete iyes itorikosi loikiikoe ka ikibuŋata alosinagogae kec.

Mat. 16:6

Tolimok Yesu ikes tema, “Tocoikinito ŋakinyalet ŋuna a Ŋiparisayon ka a Ŋisadukayon.”

Mat. 7:15

“Tocoito ŋikadwarak ŋulu alyokonok; epote ikes neni kus epataka ikwa ŋamesekin, nai alotai kec ikote ŋipeei.

Ŋitic. 17:18

Kimocoto daŋ iŋes ka ŋikaosok ŋulu anyaritae Ŋipikuriyae ka Ŋisitoikae. Temasi ŋice, “Inyoni ecamit ekile ŋolo irworo car lo alimun?” Temasi ŋice, “Esibit elimonokini iŋes ŋakiro ŋuna a ŋakujo a ŋuna egelaaka.” Alimunete ikes ŋun, anerae alimonokini Paulo ŋakiro ŋuna a Yesu ka ŋuna ka ayarun alokatwak.

Ŋitic. 17:32

Ani iirarete ikes ŋuna ka ayarun alokatwak, tojamuwasi ŋice iŋes; nai temasi ŋice ebe, “Ikicamit isua akiirar iyoŋ irworo ŋakiro ŋun nabo.”

Ŋirom. 16:17

Ŋikaitotoi kaŋ, ekemaimai ayoŋ iyes atemar tocoikis ŋulu etyakatyakaete ŋituŋa, ido kitooliyosi ananupit kec; ŋulu eŋerito ŋakiro ŋuna aponi ikitatami iyes. Tocoito irukete ka ikes!

1 Ŋikor. 10:12

Aŋun, itemokino ituŋanan ŋini etami atemar eboi ecasit, tocoite nyibusokin.

1 Ŋikor. 8:9

Nai tocoito nyeruwor alacakina kus ŋina nyamet ŋamuja, ŋina iteseci ŋulu epalag ayenut kec anakiro a ŋun.

2 Ŋikor. 10:5

Inyasunio isua ŋipegeta ŋulu nyiyookino ka ŋinibore eturon daadaŋ ŋini epedori akiretakin ayenut Akuj; ikikatakinit isua akikamun ŋatameta daadaŋ etacamutu akipup Kristo.

Ŋigal. 1:14

Eloit paaran ayoŋ Ŋiyudayan ŋulu alalak ŋulu arae ŋikesa kaŋ alotooma akitiya ŋuna ke edin a Ŋiyudayan, ka ewuapit ayoŋ ka alelakinit ŋitalyo ŋulu atapapaa kosi.

Ŋigal. 4:3

Ikwaŋinapei, ikipotu iwon daŋ eriŋa nyeyenuna ŋuna a kire, oruworos ŋipi ŋulu a ŋipyan a ŋulu ipukato akwap.

Ŋigal. 4:9

Nai ikwaŋina tokona iyenuniata iyes Akuj, kori ikiyenunia Akuj iyes, ikokinete iyes icamito aboŋor neni a ŋipyan a ŋulu ipukato topalag ka topapanito ai? Kaanukiro icamitotor iyes aruwor ŋipi kec nabo?

Ŋigal. 5:15

Nai ani kitiyaete iyes ikwa ŋityaŋ ŋulu ka ariet ŋulu ekonyokonyasi ka tonyamas make, tocoito nai nyirikarosi make.

Ŋiep. 2:2

Apaki ŋin ipotu iyes kiwuapa ŋipitesyo ŋulu ka akwap ŋulu aronok; ipotu iyes kisipukas ekepukan ŋolo epolokinit ŋipyan ŋulu eyakasi kidiama, ekipye ŋolo tokona epolokinit ŋituŋa ŋulu nyiwuapito ŋakiro ka Akuj.

Ŋiep. 4:20

Meere ŋakiro ŋun ipotu iyes toyenut aneni a Kristo!

Ŋiep. 5:6

Nyicamut idiotuŋanan ikimodikini iyes a ŋakiro a ŋuna ka amodiyo; anerae aŋuna a ŋakiro a ŋun, ebuni anyunyura ŋina ka Akuj neni a ŋulu nyepupete ŋakiro keŋ.

Ŋikis. 6:12

tocoito nyikimuryak Ekapolon ŋolo ikiyauni iyes anakwap a Ijipit, anakwap a ŋina ka apitoonut.

Ŋipil. 3:2

Tocoikinito ŋituŋa ŋulu itiyaete aronis, ŋiŋokwo ŋul, ŋikilyok ŋulu erubakinito iitanito atubutub ŋawat.

Ŋikol. 2:18

Nyicamut ikimodikini iyes idiotuŋanan ŋini iitanit aanyunun ŋakitoodikineta ŋuna a ŋimalaikan ka torubakinite itatami ŋuna ka akitiditeuna a ŋina erae alyokonu ka kilipi daŋ neni a ŋimalaikan. Aŋuna a ŋakiro a ŋuna emam apolou, ituro ituŋanan ŋin ikoŋin aŋuna ka akitam keŋ a ilope

Ŋikol. 2:20

Idaut iyes atwakare ka Kristo ka ikilacakin iyes aneni a ŋipyan a ŋulu ipukato akwap. Kaanukiro nai iyaryata iyes esibit ŋikaakwap a na? Kaanukiro ipupyoto iyes ŋikisila ŋulu ikote lu:

Ŋikol. 2:22

Erae ŋiboro ŋul daadaŋ ŋulu isitiyao todaunos; erae ikes ŋikisila ka ŋakitatameta ŋuna erae ituŋanan iwuakinit.

Ŋikol. 2:23

Nai kire ŋikisila ŋulu ikote ŋul, etakanete esibito ŋulu ka aosou alopite a ŋolo itiŋakinitotor ikes ŋituŋa akilip neni a ŋimalaikan ka akitiditeuna ŋina ka alyokonu ta akisican akuwan; nai emamukatar ikes ajokis adio daŋ ŋina epolokinitotor ekibure ŋolo ka akuwan.

1 Tim. 6:20

Timoteo, kidar ejok ŋuna ikicikakin iyoŋ akidar. Toŋer ŋakiro ŋuna nyecamakina aneni ka Akuj ŋuna koŋinae ka ŋipegeta ŋulu enyarito ŋituŋa ŋice atemar “Aosou.”

2 Tim. 3:13

Nai ŋituŋa ŋulu aronok ka ŋulu a ŋisoswae erubakinete erae ŋulu aronok ka iyatakin aronis kec nooi, emodyanakinete ŋuluce ka emodikin ikes ŋilopeyek.

Ŋibur. 13:9

Nyicamakis ŋakitatameta ŋuna alalak ŋuna egelegelya ikibatarete iyes ananupit a ŋina a kire. Ejok iyes iryamunete alotai kus agogoŋu alotooma ajokis ŋina ka Akuj, meere alotooma akiwuapit ŋitalyo ŋulu a ŋamuja; nyiŋarakina ŋitalyo ŋul ŋituŋa ŋulu iwuapito ikes.

Ŋibur. 3:12

Ŋikaitotoi, tocoito nyeyakar idio alokidiŋ kus etau ŋolo aronon ŋolo nyenupit ŋakiro ka Akuj, ido tooliyo aneni ka Akuj a ŋina eyari.

1 Pet. 1:18

Anerae iyenete iyes ibore ŋini atacaryo, ikotere itolakunere iyes alopitesyo a ŋulu ka akiyar kus a ŋina amam ajokis, a ŋina iryamunete iyes aneni atapapaa kus. Pa arae ibore ŋin, ŋini epedoryo akinyasun ikwa esilipa kori egolid;

2 Pet. 3:17

Nai ŋikaakonei, idaut iyes ayenun ŋakiro ŋun. Totenito nai, ikotere nyikirikosi ŋadyakanareta ŋuna a ŋituŋa a ŋulu ebilibiliyete Ŋikisila, ido ikitaŋayaŋayata iyes.

2 Yoa. 1:8

Tocoikinito nyitwakiasi eropit ŋolo idaut iyes akitiyaun, ikotere iryamunete eropit kus daadaŋ.