Ŋikol. 2:4 - Ebaibul

⁴ Alimunit ayoŋ ŋun, ikotere nyikisupa iyes idiotuŋanan a ŋakiro a ŋuna erae alyokonu.

Ŋikol. 2:4 Iomraidhean Croise

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Mat. 24:4

Toboŋok Yesu ikes tema, “Tocoito nyikimodik idiotuŋanan iyes.

Mar. 13:22

Anerae epote ŋikamodyanakinak ka ŋikadwarak ŋulu amodiyanak ebasi ebe ikirae ikes atakristo. Epote ikes akitiya ŋakitoodyanakineta ŋuna ailiilok ŋuna isuparete ŋituŋa ŋulu seuna erae kepedorete.

Ŋitic. 20:30

Ebuni apaki ŋina elomuniata tari alokidiŋ kus ŋikalyokonok ŋice ecamito atemar kiwuapakis ŋikanupak ikes.

1 Ŋikor. 2:4

Ipotu iyes nyicamut ŋakiro kaŋ aŋuna ka aosou a ŋina a ŋituŋa, nai arae aŋuna abunio Akuj kitoodiu atemar erae ŋuna a kire anapedor a ŋina ke Etau a ŋolo ka Akuj.

2 Ŋikor. 11:3

Nai akuryanit ayoŋ ebe ikwaŋina abunio emun tomodikinia Epa ka aosou keŋ, itooliyoryo ŋatameta kus anakikinyomit ka ananupit Kristo.

Ŋigal. 2:4

Nai acamito ŋice atemar kitiyae ikoŋina. Apotu ŋikilyok ŋul kirepunos natukot kosi erae ŋikaripiripak itusubuna ŋikanupak, aŋuna ka akimimaun alacakina ŋina ayakare isua anakimorikina kosi ka Yesu Kristo. Apotu ikes kitiyata ŋun, anerae acamito akitiŋakin isua akiwuap Ŋikisila a Moses.

Ŋiep. 4:14

Ejoŋoo nai iwon ayakau ikisibit ŋidwe, ŋulu ikiryaŋiryaŋete ŋakitatameta a ŋituŋa a ŋulu alyokonok, ikwa ataker ŋina iryaŋiryaŋete ŋikaguragurae ŋulu a ŋakipi; iteseceneneete ŋituŋa ŋul ŋuluce aŋuna ka amodiyo a ŋina elimonokinete ikes.

Ŋiep. 4:17

Akalimokini tokona ayoŋ iyes alokiro ke Ekapolon atemar: tojoŋoto akiboi alopite a ŋolo a ŋituŋa a ŋulu nyeyenete Akuj, ŋulu erae ŋatameta kec ŋakoŋinae,

Ŋiep. 5:6

Nyicamut idiotuŋanan ikimodikini iyes a ŋakiro a ŋuna ka amodiyo; anerae aŋuna a ŋakiro a ŋun, ebuni anyunyura ŋina ka Akuj neni a ŋulu nyepupete ŋakiro keŋ.

Ŋikol. 2:18

Nyicamut ikimodikini iyes idiotuŋanan ŋini iitanit aanyunun ŋakitoodikineta ŋuna a ŋimalaikan ka torubakinite itatami ŋuna ka akitiditeuna a ŋina erae alyokonu ka kilipi daŋ neni a ŋimalaikan. Aŋuna a ŋakiro a ŋuna emam apolou, ituro ituŋanan ŋin ikoŋin aŋuna ka akitam keŋ a ilope

Ŋikol. 2:8

Nyicamut nai idiotuŋanan ikisupari iyes alotooma aosou a ŋituŋa ŋina erae amodiyo ŋina koŋinait, ŋina ebunit anakitatam a ŋituŋa ka aneni a ŋipyan a ŋulu ipukato akwap na, meere aneni a Kristo.

2 Tim. 2:16

Toŋer ŋakiro ŋuna koŋinae ŋuna nyecamam ka ŋakiro ŋuna ka Akuj; itooliyorete ikes ŋituŋa aneni ka Akuj.

2 Tim. 3:13

Nai ŋituŋa ŋulu aronok ka ŋulu a ŋisoswae erubakinete erae ŋulu aronok ka iyatakin aronis kec nooi, emodyanakinete ŋuluce ka emodikin ikes ŋilopeyek.

1 Yoa. 2:18

Ŋidwe kaŋ, erae na apaki ŋina esidyon! Ikwaŋinapei iiraryata iyes atemar ebunit emoit ŋolo a Kristo, tari tokona daŋ, adolut ŋimoi ŋulu a Kristo ŋulu alalak; aŋun, ikiyenu iwon atemar erae apaki na ŋina esidyon.

1 Yoa. 2:26

Ekegirakinit ayoŋ iyes nu, ŋuna a ŋulu ikatakinito amodikin iyes.

1 Yoa. 4:1

Ŋikaakonei ŋuluminan, nyinupito ŋulu daadaŋ ebasi ebe ikiyakar Etau ŋolo ka Akuj, nai torota ikes erae keponito ŋatameta kec aneni ka Akuj, anerae aloto ŋikadwarak ŋulu alalak ŋulu alyokonok nakwap.

2 Yoa. 1:7

Anerae aloto nakwapin ŋikalyokonok ŋulu alalak, ŋulu eŋerito atemar abu Yesu Kristo bu erae ituŋanan. Ituŋanan ŋini ikoni ŋin, erae ekalyokonon ka erae emoit ŋolo a Kristo.

Akis. 12:9

Aponi kimasunae epiu ŋolo apolon ŋol anakuj, ŋolo erae emun ŋoloŋorot ŋolo enyaritae Ekipye kori Satan; ŋolo abu tomodik akwap daadaŋ. Aponi kimasunae iŋes kwap kaapei ka ŋimalaikan keŋ.

Akis. 13:8

Epote ŋituŋa daadaŋ ŋulu anakwap akilip neni keŋ; ŋituŋa daadaŋ ŋulu pa kigiritae ŋikecerorwa lokitaabo ŋolo ka akiyar, ŋinapei anasubunet akwap, erae ekitaabo ŋol ŋolo a Imesek a ŋini aponi toarae.

Akis. 20:3

Kimasak emalaika iŋes nauwuat ŋina aoyan, togolok auwuat kimuleleiya, ikotere nyepedorya nabo iŋes amodyanakin ŋakwapin tari ŋina elunyarotor ŋikaru aliput. Ani kelunyar ŋikaru ŋul, itemokino tolacakinae iŋes adiouriyen.

Akis. 20:8

Tolot amodyanakin ŋakwapin daadaŋ ŋuna eyakasi nakwap ŋuna enyaritae Gog ka Magog. Ecununi Satan ikes daadaŋ lojiye; elal ekimar kec etya asinyon ŋina ka anam.