Ŋikol. 2:2 - Ebaibul

² Etiyae ayoŋ ŋun, ikotere kimukekiniata iyes alotai kus ka kimorikinos anamina; ido nai toryamut ebari daadaŋ ŋolo eyauni ayenut ka toyenut ejok ŋakiro ŋuna imunono ŋuna ka Akuj, ŋuna erae Kristo elope.

Ŋikol. 2:2 Iomraidhean Croise

1 Ŋirw. 3:28

Kiirasi Ŋisirael daadaŋ epite ŋolo kebunio erwosit totubio ŋakiro ŋun; min akereru neni kec aŋuna a erwosit, anerae apotu ikes kiŋolikis aosou ŋina ka Akuj ŋinatubet ŋakiro iyookino eyai neni a erwosit.

Ŋikiru. 133:1

Ejok nooi ka ikinirari ekiboiye a ŋituŋa a ŋulu ka Akuj anakimorikina.

Isa. 32:17

Elomuni ekisil anakiyookino ka elomuni akiyapara ka akikinyoma ŋina a ŋikaru ka ŋikaru anakiyookino.

Isa. 40:1

Irworo Akuj kus ŋakiro nu: Kisirworiutu, okoe kisirworiutu ŋituŋa kaŋ.

Isa. 53:11

Kedau iŋes akidaŋidaŋ ŋican, eryamuni iŋes alelyanu nabo, eyenuni iŋes anaosou keŋ atemar pa abu oryamu ŋican ikoŋin. Ituruwori eketiyan kaŋ ŋolo iyookino ŋikalalak ŋulu iyookino ka iwuoki iŋes aronis kec.

Yer. 9:24

nai emaikina ŋulu iturosi kituros a ŋakiro a nu atemar eyenete ikes ka akayenete ikes ayoŋ atemar arae ayoŋ Ekapolon, etiyae ayoŋ ka amina a ŋina nyiryaŋiryaŋa, a akiyookino ka atubi ŋakiro anakwap anakiyookino, anerae eketalakarito ayoŋ ŋipitesyo ŋul.

Mat. 11:25

Apaki ŋin, kirwor Yesu tema, “Alakara ayoŋ neni kon Papa, Ekapolon ŋolo anakuj ka nakwap, anerae ibu iyoŋ kiwua ŋakiro ŋun aneni a ŋikaosok ka ŋipiiryanotin, nai kisileereu neni a ŋidwe a ŋulu cicik.

Mat. 11:27

“Akainaki ayoŋ Papa kaŋ ŋiboro daadaŋ. Emam ituŋanan eyeni atemar Lokoku iŋes ŋae, mati Papa, nabo emam ŋini eyeni atemar Papa iŋes ŋae, mati Lokoku ka ŋulu daadaŋ ecamit Lokoku akitoodikin Papa keŋ neni kec.

Mat. 13:11

Toboŋok Yesu ikes tema, “Ikiinakinitae iyes ayenut ŋuna imunono ŋuna ka Apukan a ŋina anakuj, nai nyeinakinitae ikes.

Luk. 1:1

Ekapolon Teopilo, Ageut ŋikalalak akigir ŋiemuto a ŋakiro a ŋuna etiyakinosi alokidiŋ yok.

Yoa. 10:30

Ikirae ayoŋ ka Papa ŋipei.”

Yoa. 10:38

Nai ani ketiyae ayoŋ ikes, tonupa ikes erae tari pa kikinupito ayoŋ; ikotere toyenuniata ayenunet apei jik atemar, eyai Papa tooma kaŋ ka ayai ayoŋ tooma Papa.”

Yoa. 16:15

Ŋinibore daadaŋ eyakar Papa kaŋ, erae ŋini kaŋ, iŋes nai alimunitor ayoŋ atemar, ebuni iŋes akijaar ŋuna kaŋ, itolimok iyes.

Yoa. 17:3

Erae na akiyar ŋina nyedaun, itoyenete ikes iyoŋ, Akuj ŋina erae apei bon ŋina a kire ka Yesu Kristo ŋolo ibu kiyaku iyoŋ.

Yoa. 5:17

Tolimok Yesu ikes tema, “Itiyae Papa kaŋ ŋapakio daadaŋ ka etiyae ayoŋ daŋ ikwaŋinapei.”

Yoa. 5:23

ikotere ŋituŋa daadaŋ tokerito Lokoku ikwa ekeritotor Papa. Iŋes ŋini nyekerit Lokoku, nyekerit tari Papa ŋolo abu kiyaku iŋes.

Yoa. 6:69

Ikinup ka ikiyenu daŋ atemar irae iyoŋ ŋolo donupei, ŋolo ka Akuj.”

Ŋitic. 4:32

Arae atukot ŋina a ŋikanupak ŋina atami ka anupit ŋakiro ŋapei. Amam tari idio ŋini abala arae ŋiboro keŋ ŋulu keŋ ke elope, nai amorete ikes ŋiboro daadaŋ ŋulu ayakatar.

Ŋirom. 15:13

Elipi ayoŋ Akuj, ŋina erae alope akigeno; kilelebik neni kus alelyanu ka ekisil alotooma anupit kus; ikotere torubak akigeno kus iyata anapedor a ŋina ke Etau a ŋolo Asegan.

Ŋirom. 16:25

Oinakisi akipuro neni ka Akuj! Epedori iŋes akiturubakin iyes inupito alopite a ŋolo a Ŋakiro a ŋuna Ajokak a ŋuna a Yesu Kristo, ŋuna etatami ayoŋ ka alopite a ŋolo ka akitoodikinet a ŋakiro a ŋuna koloŋ emunonitae.

Ŋirom. 2:4

Kori imenit iyoŋ Akuj aŋuna epoloo nooi arimao ka akidaŋidaŋ ta atitinyikinit keŋ? Nyiyeni iyoŋ atemar erae narimao keŋ ikirikorya iyoŋ Akuj nakiki ŋasecisya a?

1 Ŋikor. 14:31

Ipedorete iyes daadaŋ akisera ŋakiro ŋuna ka Akuj a ŋipeipei, ikotere eyenunete ŋituŋa daadaŋ ka kimukekis.

1 Ŋikor. 2:12

Nai aryamun isua Etau ŋolo ebunit aneni ka Akuj, meere ŋolo ka akwap, ikotere oyenuniata ibore daadaŋ ŋini ikiinak isua Akuj ikoŋin.

Ŋigal. 3:28

Aŋun, emam atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋipi ka ŋulu nyerae ŋipi, kidiŋ ŋikilyok ka ŋaberu; iraakasi iyes daadaŋ ŋipei anakimorikina ka Yesu Kristo.

Ŋiep. 1:7

Anerae ikituruwor iwon ŋulu ikilakuna a ŋuna a ŋaokot a Kristo, a ŋuna aponi tobukoroe alomusalaba; iŋes nai atemar esyoni ŋasecisya yok. Alopite a ŋol, ikitoodik Akuj iwon epite ŋolo epoloo nooi ajokis keŋ.

Ŋiep. 3:16

Elipenene ayoŋ neni ka Akuj ikiinak iyes anabaru a ŋina a ŋarereŋisyo keŋ apedor ŋina kicaset alotai kus alotooma Etau keŋ

Ŋiep. 3:3

Arae nakitoodikinet abunio Akuj ekesileerek ayoŋ ŋakiro keŋ ŋuna imunono, ŋuna ŋoon sek abu ayoŋ egir euruwuaka.

Ŋiep. 6:22

Ŋakiro ŋun ikes eyakuunitor ayoŋ iŋes neni kus, alimokin iyes epite ŋolo iboiyere isua, ikotere nai ikisimukekis iyes ŋun.

Ŋipil. 2:1

Ani erae kire kiryamunito iyes akisimukekino make anakimorikina ka Kristo, akitalakanar aŋuna ka amina a ŋina ebunit aneni keŋ, akimorikina aŋuna ke Etau a ŋolo ka Akuj, arimao ka akisyonenen;

Ŋipil. 3:8

Meere ŋakiro ŋun bon; emarakinit ayoŋ ŋakiro daadaŋ erae atwaniaret ŋina aronon aŋuna a ŋakiro a ŋuna epolok nooi--ikes ayenut Yesu Kristo Ekapolon kaŋ. Aŋuna keŋ, ajal ayoŋ ŋakiro daadaŋ ka emarak ikes erae agasiya, ikotere aryamuni Kristo

Ŋikol. 1:26

Ŋakiro ŋuna ka Akuj ŋun arae ŋuna emunonitae, ŋuna abu iŋes kiwua alotuŋa a daadaŋ ŋikaru ŋulu alunyarosi, nai tokona esileerek neni a ŋituŋa keŋ.

Ŋikol. 1:27

Abu Akuj tocamu akisileerekin ikes alalau ka apolou ŋina a ŋakiro a ŋuna imunono a ŋun, ŋuna erae aŋuna a ŋituŋa a daadaŋ. Ŋakiro ŋuna imunono ikes Kristo alotooma kus, ŋolo erae akigeno ŋina ikiponia iwon akimor apolou ŋina ka Akuj.

Ŋikol. 1:9

Aŋun, ameun anakoloŋit a ŋina eirarere isua ŋuna itiyaete iyes, ikilipanakini isua iyes jwi jwi. Ikilipi isua neni ka Akuj ikiinak iyes aosou ka ayenut daadaŋ, ŋina ebunit aneni ke Etau keŋ, ikotere nai toyenut ejok acamit keŋ.

Ŋikol. 2:19

ka nyeriŋa imorikina ka Kristo, ŋolo erae akou ŋina ka akuwan keŋ a ŋina erae Ŋikristo. Ageun anakou, itanio akuwan daadaŋ ŋina erucokinito ŋakilenyeta ka ŋamori, ido epoloe ikwapei ecamitor Akuj.

Ŋikol. 3:14

Anakiro a ŋun a daadaŋ, toyakatar amina ŋina erucokinit ŋipitesyo ŋul daadaŋ iwapei anakimorikina a ŋina iyookino.

Ŋikol. 4:3

Kilipeneneete aŋuna kosi daŋ, ikotere ikiinakini Akuj isua apaki ŋina ajokan ŋina limonokinet ŋakiro ŋuna imunono, ŋuna erae ŋakiro a Kristo, ŋuna erae ikes pei ayakar ayoŋ mabus.

Ŋikol. 4:8

Ŋakiro ŋun iŋes eyakuunitor ayoŋ iŋes neni kus, alimokin iyes epite ŋolo iboiyere isua, ikotere nai ikisimukekis iyes ŋun.

1 Ŋites. 1:5

Anerae aponi isua yaunae Ŋakiro ŋuna Ajokak neni kus, meere alorwor bon, nai anapedor a Etau a ŋolo Asegan ka ipotu iyes toanyut kire epite ŋolo ikikinyomitor isua jik ŋakiro ŋun. Iyenete iyes epite ŋolo ikiboiyo isua apaki ŋina ikirukitor iwon; arae aŋuna ka akiŋarakin iyes.

1 Ŋites. 3:2

aponi isua kiyakuunae Timoteo lokaato yok ŋolo ikitiyae ka isua aŋuna ka Akuj alotooma alimonokin Ŋakiro ŋuna Ajokak ŋuna a Kristo. Aponi isua kiyakuunae iŋes akitogogoŋ ka akisimukekin iyes ananupit kus,

1 Ŋites. 5:14

Ikimaimai isua iyes ŋikaitotoi, kisirworiut ŋituŋa ŋulu ekalanyaka, kisimukekisi ŋulu ekuryaka, kiŋarakisi ŋulu epalag, todaŋa ŋituŋa daadaŋ.

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

Ŋibur. 10:22

Aŋun, oapiyasi neni ka Akuj a ŋitai a ŋulu iwuapito ŋuna a kire ka ananupit a ŋina egogoŋ; nabo a ŋitai a ŋulu iteseguna anasecisya ka ŋawat ŋuna adaun akilotar a ŋakipi a ŋuna asegak.

Ŋibur. 6:11

Ŋuna ikicamit isua iŋes akiŋolikin ebe erubakinit ŋinituŋanan alokidiŋ kus iricuna tari nasalunet; ikotere kiyookinos ŋakiro ŋuna igenosi iyes.

2 Pet. 1:10

Aŋun, ŋikaitotoi kaŋ, kimukekisi nooi kitogogoŋo anyarauno ka aseuno kus. Ani kitiyata ikoŋina, nyibusokinosi jik.

2 Pet. 1:3

Ikiinak iwon apedor ŋina ka Akuj ŋiboro daadaŋ ŋulu ikiitanit iwon ayarya kire alopite a ŋolo ecamit Akuj alotooma ayenut ŋolo abu ikinyarau iwon akimor apolou ka ajokis keŋ.

2 Pet. 3:18

Nai torubakisi ipoloete anajokis ka anayenut a ŋina ke Ekapolon ka Ekaiunan yok Yesu Kristo. Toyai apolou neni keŋ tokona ka ŋikaru ka ŋikaru! Amen.

1 Yoa. 3:19

Epite lo iŋes ikiyenia iwon atemar ikirae ŋulu a kire ka epite lo etitinyoto ŋitai yok alokiŋaren Akuj:

1 Yoa. 5:7

Eyakasi ŋisuudae ŋiuni,