Ŋikol. 2:16 - Ebaibul

¹⁶ Aŋun, nyiwuak idio ituŋanan ŋikisila neni kus aŋuna a ibore a ŋini imujete iyes kori imasete kori lorwa ŋulu ilipeneneere kori nasuban ŋuna elomunia elap kori ŋuna a Sabato.

Ŋikol. 2:16 Iomraidhean Croise

2 Ŋirw. 4:23

Kiŋit lokile keŋ iŋes tema, “Kaanukiro icamitor iyoŋ alosit akoloŋit na? Nyerae akoloŋit na Sabato, kori ŋina eanyuwanarere elap ŋolokitete ilamuni.” Tema aberu, “Mam nyerono alosit.”

1 Ŋakiro a ŋirwa 23:31

ka ainanakin neni ke Ekapolon ŋainakineta ŋuna epeyo ŋapakio ŋuna a Sabato ka ŋuna a ŋasuban ke elap a ŋolokitete ta ŋapakio ŋuna itiyaere ŋasuban ŋunace daŋ. Amaikina ikes kitiyanakis Ekapolon a ŋinapaki iwuapito ekimar ŋolo ecikitae ikes kitiyaata a ŋinapaki alokiŋaren Ekapolon.

2 Ŋakiro a ŋirwa 31:3

Abu erwosit tolemu alobaren keŋ ke elope ŋimoŋin ka ŋimesekin erae ŋainakineta ŋuna epeyo taparacu ka eboŋ, ŋapakio ŋuna a Sabato ka ŋuna elomunia elap ŋolokitete ta ŋapakio ŋace daadaŋ aŋuna a ŋasuban a ŋuna amaikina kitiyae ikwapei igiritere tooma ŋikisila ŋulu ke Ekapolon.

Neem. 10:31

tosodi ani keyaut ŋituŋa a ŋakwapin ŋiboro ŋulu egyelanaryo, kori ŋikinyom ŋidi agyelanar akoloŋit ŋina a Sabato, nyegyelio isua ŋiboro ŋul akoloŋit ŋina a Sabato, kori akoloŋit adio ŋina asegan, nyitaunio isua ŋinyomen ŋidi ekaru ŋolo a ŋikanikaarei ka etacio isua ŋamicae daadaŋ ekaru ŋol.

Neem. 10:33

aŋuna a ŋamugati a ŋuna iwuanakinio lomesa a ŋilaino, aŋuna ka ainakinet a ŋina a ŋikinyom a ŋina sek ainanakinio, aŋuna a ainakinet a ŋina epeyo a ŋina sek emaikina einanakinio, aŋuna a ŋainakineta aŋuna a Sabato, aŋuna ke elap a ŋolokitete, aŋuna a ŋasuban aŋuna sek ikicikitae akinumunum, aŋuna a ŋainakineta aŋuna asegak ka aŋuna a ŋainakineta a ŋuna ka asecit, ikotere emookunere Ŋisirael ta aŋuna ke etic a daadaŋ a ŋolo ka Akai ka Akuj kosi.

Neem. 8:9

Apotu nai Neemia ŋolo arae ekepukan ka Esira ŋolo arae esacaradoti ka eketataman a ŋikisila ta ŋilepi ŋulu etatamete, tolimokis ŋituŋa temasi, “Erae akoloŋit na ŋina eseg aneni ke Ekapolon Akuj kus, nyiyaloloŋo, kori nyigworo.” Alimunete ikes ŋun, anerae apotu ŋituŋa daadaŋ kigworo apaki ŋina eiraryata ŋakiro ŋuna a ŋikisila.

Ŋikiru. 42:4

Atamununui ayoŋ ŋakiro nu ŋapakio ŋuna ikalounio etau kaŋ: Epite ŋolo paaran ikirukitor ayoŋ ka ŋituŋa ŋulu alalak, epite ŋolo paaran eŋarenikinitor ayoŋ ikes ikilosi Kai ka Akuj, tocelatei eeoi ka alelyanu ŋieosyo ŋulu ka alakara neni ka Akuj; alalakae isua ikilosi nasuban ŋunakipuret Akuj.

Ŋikiru. 81:3

Tokutakisi abureryaŋ a emesek elomuni elap ŋolokitete ka apaki ŋina ilesikinor elap kidiama, akoloŋit ŋina a ŋasuban yok:

Isa. 1:13

Mam ajokis eyai nayaunun ŋainakineta, nyeketalakarit ayoŋ ekinyate kus. Nyacamit ayoŋ ŋasuban kus ŋuna a elap a ŋolokitete, ŋuna a Sabato ka ŋasuban kus ŋace ŋuna inyaraununotor iyes iwapei, erae ŋun daadaŋ ŋuna aronok. Nyacamit ayoŋ akidaŋidaŋ ŋasuban ŋuna ka asecit ŋuna ilipyata iyes.

Esek. 4:14

Abu nai ayoŋ otema, “Meere ikoŋina Ekapolon Akuj! Nyemunaara ayoŋ ŋinapei akuwan kaŋ. Ŋinapei anasoroko kaŋ akitodol tokona, nyenyama ayoŋ ibore ŋini etwani bon, kori ŋini earito ŋityaŋ ŋulu ka ariet. Nyiwuakina ayoŋ nakituk kaŋ akiriŋ ŋina eketaleo.”

Esek. 45:17

Nai erae etic a ekepukan alemunun ŋainakineta a ŋibaren ŋuna epeyo, ŋainakineta ŋuna a ŋikinyom, ŋainakineta ŋuna a ŋimaten. Emaikina iŋes kitiya ŋun a ŋuna a ŋituŋa a akwap keŋ apaki ŋina a ŋasuban a elap a ŋolokitete, a ŋasuban a Sabato ka anasuban a ŋunace daŋ. Emaikina iŋes yau ŋainakineta aŋuna ka asecit, ŋainakineta ŋuna epeyo ka ŋuna a ekisil aŋuna ka amookunia ŋituŋa alo Isirael.”

Ŋilep. 16:31

Erae akoloŋit ŋin ŋina a Sabato, ŋina emaikina kieŋunere, ido emaikina iyes kiredakis akiron; erae ŋun ŋakiro ŋuna etubunitoe ŋuna a ŋikaru ka ŋikaru.

Amos 8:5

ibasi iyes “Ori kareca edaunotor ŋasuban elap lo, ikotere ogyelanasi ŋikinyom? Ori edaunor akoloŋit ŋina a Sabato, ikotere ogyelanasi ŋaganoi? Itiditeunio iwon akipimet, ikotere oryamutu ŋicekelya ŋulu elalak, ido omodyanakisi ŋituŋa a ŋakipimeta a ŋuna nyiyookino,

Ekim. 10:10

Tari alorwa a ŋulu ka alelyanu kus ka alorwa a ŋulu itiyaata iyes ŋasuban kus ŋuna etubunitoe ka anakisyakinet a elap, emaikina iyes tokutakis ŋarupepe apaki ŋina iauniata iyes ŋainakineta kus ŋuna epeyo ka ŋamuronisya ŋuna ke ekisil, eruwor ŋarupepe akiteyenikinet nabo Ekapolon ŋakiro kus. Arae ayoŋ Ekapolon Akuj kus.”

Mat. 15:11

Meere ibore ŋini elomari nituŋanan epedori akitoroniyar iŋes; nai ŋini elomuni anituŋanan iŋes itoroniyari iŋes.”

Mar. 7:19

Anerae nyelomari ibore ŋin lotau keŋ, nai nakook keŋ, tosodi tolomu kiŋa.” (Alimuni Yesu ŋun akisileereunio atemar, esegak ŋamuja daadaŋ.)

Ŋitic. 15:20

Nai itemokino akigirakin ikes abaruwa, ikotere toesikis akinyam ŋamuja ŋuna nyitesegunitae, anerae einakinitae sek nakujo; toesikis daŋ amalao ka nyenyamete ediotyaŋ ŋolo emyeditae kori ŋaokot.

Ŋirom. 14:10

Kaanukiro nai etubonokiniata ŋice kus ŋuluce? Ka kaanukiro isolooto ŋice kus ŋuluce? Ikilosi iwon daadaŋ akiwo alokiŋaren Akuj, ikitubok iŋes iwon.

Ŋigal. 4:10

Iricito iyes ŋirwa ŋice, ŋilapyo ŋice, ŋatyakiata ŋuna ke ekaru ŋace ka ŋikaru ŋice.

Ŋikol. 2:20

Idaut iyes atwakare ka Kristo ka ikilacakin iyes aneni a ŋipyan a ŋulu ipukato akwap. Kaanukiro nai iyaryata iyes esibit ŋikaakwap a na? Kaanukiro ipupyoto iyes ŋikisila ŋulu ikote lu:

Ŋibur. 13:9

Nyicamakis ŋakitatameta ŋuna alalak ŋuna egelegelya ikibatarete iyes ananupit a ŋina a kire. Ejok iyes iryamunete alotai kus agogoŋu alotooma ajokis ŋina ka Akuj, meere alotooma akiwuapit ŋitalyo ŋulu a ŋamuja; nyiŋarakina ŋitalyo ŋul ŋituŋa ŋulu iwuapito ikes.

Ŋibur. 9:10

anerae etapito ikes ŋitalyo ŋulu italeunitere akuwan bon ikwa ŋamuja ka ibore ŋini emasyo ta ŋace ŋuna alalak ŋuna emookere ŋitalyo. Nai edaunosi ŋun apaki ŋina isyakinia Akuj akituruwor ŋinibore ŋini ekitetyana.

Yak. 4:11

Ŋikaitotoi kaŋ! Nyirworotor ŋuluce aŋuna aronok. Ŋini irworo ŋuna aronok kori etubonokini lokaato keŋ, irworo iŋes ŋuna aronok itoroniyarit Ŋikisila ka etubonokini Ŋikisila. Ani kitubonok iyoŋ Ŋikisila, iŋes atemar nyeriŋa iyoŋ iwuapit Ŋikisila; nai iruwor iyoŋ ekatubonokinan.

1 Sam. 20:18

Tema Yonasan neni a Daudi, “Moi taparacu elomuni elap ŋolokitete, ikiitunio iyoŋ, anerae mam ituŋanan iboikin lokicoloŋ kon.

1 Sam. 20:5

Tema Daudi neni a Yonasan, “Kiira, imujio moi taparacu ŋasuban ŋuna elomunia elap ŋolokitete, ido emaikina ayoŋ emuja kaapei ka erwosit a iwapei; nai kimyekinae ayoŋ olot oŋop anariet, akitodol ataboŋ ŋina a ŋauni anakoloŋit a ŋina egeuniata ŋasuban.