Ŋikol. 2:13 - Ebaibul

¹³ Paaran sek, itwakito iyes alotai kus alokiŋaren Akuj a ŋuna a ŋasecisya kus ka aŋuna pa iraakatar iyes Ŋiyudayan ŋulu iwuapito Ŋikisila ŋulu a Moses. Nai, abu Akuj ikiteyaru iyes ka Kristo ka kisyoni ŋasecisya yok daadaŋ.

Ŋikol. 2:13 Iomraidhean Croise

Ŋikiru. 119:50

Ŋuna ekesirworiunito ayoŋ alocan kaŋ ikes nu, akainanakini ayoŋ akiikinet kon akiyar.

Ŋikiru. 32:1

Erereŋ ŋulu adau Akuj akisyon aŋuna ka aronis kec, ŋulu ekisar ŋasecisya kec.

Ŋikiru. 71:20

Ikisiŋolik iyoŋ ayoŋ ŋican ŋulu alalak ŋulu apipilak; ikisimukekini iyoŋ ayoŋ nabo; ikiuryari iyoŋ ayoŋ ikotere nyatwana.

Isa. 1:18

Irworo Ekapolon ebala, “Iyes ŋituŋa a Yudaya, potu tokona erworiutu ŋakiro, tari kereŋak ŋasecisya kus puu ikwa ŋaokot, ekwaŋunete ikwa ŋalepan; tari kereŋak ikes ikwa ausi ŋina areŋan-kipurat, ekwaŋunete ikwa ŋajul a amesek a ŋina akwaŋan.

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Yer. 31:34

Nyerubakinete nabo ikes itatamasi make, kori elimonokinete ŋuluce ebe, ‘Toyenete Ekapolon,’ anerae akayenunete ikes daadaŋ ayoŋ, ameun alotuŋa a ŋulucaryo tari ŋulu itopolooritae, anerae esyoni ayoŋ ŋasecisya kec, nyatamu nabo ŋasecisya kec jik.”

Luk. 15:24

Anerae lokoku kaŋ lo, atwanit, nai tokona ayaru; aolit, nai tokona atakanu.’ Ido kisyakis ikes akimuj ka akimomwor.

Luk. 15:32

Nai itemokino iwon olakaros; anerae lokaato kon lo, atwanit, nai tokona ayaru; aolit, nai tokona atakanu!’ ”

Luk. 9:60

Toboŋok Yesu iŋes tema, “Kimyek ŋikatwak tonuka ŋikatwak kec. Ape iyoŋ kisera ŋakiro ŋuna ka Apukan ka Akuj.”

Yoa. 5:21

Ikwaŋinapei iteyarununuya Papa ŋikatwak ka inak akiyar, einakini Lokoku daŋ akiyar neni a ŋulu ecamit iŋes.

Yoa. 6:63

Erae Etau ŋolo ka Akuj iŋes ikiini akiyar; ecaryono apedor ŋina a ituŋanan. Ŋuna akalimok ayoŋ iyes erae ŋuna ileleba Etau tooma kec ka eyaunete akiyar.

Ŋirom. 4:17

ikwapei igiritere Nakigireta ebe, “Ayoŋ Akuj eketuruwo iyoŋ papa a ŋibukui a ŋulu alalak.” Aŋun, erae Aburaam Paapa yok alokiŋaren Akuj ŋina abu iŋes tonup--Akuj ŋina iteyarununui ŋikatwak, ŋina iteyakauni analimunet keŋ ibore ŋini sek pa ayai.

Ŋirom. 6:13

Nyijalakis ediokineri kus neni ka asecit, ikotere nyisitiyae ikwa ibore ŋini ejiyere alowae a ŋolo ka aronis. Nai inakisi ŋakusiwat neni ka Akuj ikwa ŋuna eteyarun alokatwak nakiyar ŋina kitete. Tojalakisi ŋinerin kus daadaŋ neni ka Akuj, ikotere kisitiya ikwa ŋiboro ŋulu ejiyere alowae a ŋolo ka akiyookino.

Ŋirom. 8:11

Ani keyai tooma kus Etau ŋolo ka Akuj ŋolo eteyaruni Kristo alokatwak, iteyaruni daŋ iŋes ŋawat kus ŋuna etwakete alotooma Etau keŋ ŋolo eyai tooma kus.

1 Ŋikor. 15:36

Iyoŋ ebaŋaanot! Ŋina iekinia iyoŋ ekinyomit nalup, nyelomuni, nyeyari, mati mono ketwana.

1 Ŋikor. 15:45

Anerae ebasi Ŋakigireta ebe, “Abu Akuj tosub ituŋanan ŋini ke ekiŋaren--Adam--erae ituŋanan ŋini eyari”; nai Adam ŋolo esidyon--Kristo--abu toruwor Etau ŋolo einanakini akiyar.

2 Ŋikor. 3:6

Erae iŋes abu ikiinak isua apedor ŋina kitiyanakinet neni ka Acamunet a ŋina kitete, meere ŋina a Ŋikisila a ŋulu igirir, nai ŋina ke Etau, anerae Ŋikisila ŋulu igiritae ikiarete, nai ikiinanakini Etau akiyar.

2 Ŋikor. 5:19

Akuj iŋes abu kimorikinos ka akwap alotooma Kristo, nyimari iŋes ŋasecisya a ŋituŋa aŋuna ka akisicania ikes. Ikicikak iŋes isua etic ŋolo ka akimoryanakin.

Ŋiep. 2:1

Paaran sek, itwakito iyes alotai alokiŋaren Akuj aŋuna ka aronis ka aŋuna a ŋasecisya kus.

Ŋiep. 2:11

Totamunito epite ŋolo paaran sek ayakar akiyar kus; iyes ŋituŋa ŋulu ikidounitoe pa iraakasi Ŋiyudayan, ŋulu ikinyarito Ŋiyudayan “Ŋulu nyikileŋeritae”. Ebasi Ŋiyudayan ŋul ikirae ikes ŋulu ikileŋeritae, anerae iwuapito ikes etal ŋolo ka akileŋeryo ŋawat, lopite ŋolo ileŋeryata ŋituŋa ŋawat kec a ŋileŋia

Ŋiep. 5:14

anerae akica iŋes itoodiuni ibore daadaŋ ejok. Iŋes elimunitere ebe, “Tokienyu, iyoŋ ekajoton, ido toyaru alokatwak, ikiwuakini Kristo iyes nakica.”

Ŋikol. 2:12

Anerae apaki ŋina ikibatisaere iyes, aponi itonuki iyes ka Kristo ka alobatisimu a ŋolopei, aponi ikiteyarun iyes ka Kristo aŋuna ka anupit kus a ŋina iyakatar iyes anapedor a ŋina ka Akuj, a ŋina abu kiteyaru Kristo alokatwak.

1 Tim. 5:6

Nai apuserut ŋina aruwor akewariton ŋuna italakarito akuwan keŋ, adau atwanare, tari keriŋa eyari.

1 Tim. 6:13

Alokiŋaren Akuj ŋina einanakini akiyar neni a ŋinibore daadaŋ ka alokiŋaren Yesu Kristo ŋolo abu kisera anupit keŋ alokiŋaren Ponitio Pilato, ekecikakini ayoŋ iyoŋ

Ŋibur. 6:1

Aŋun, oloto tokona kiŋaren etatama ŋakiro ŋuna apolok ŋuna ikamunito Kristo, ido emyekisi ŋakiro ŋuna ageunio akitatam anakiro ka Akuj. Nyitemokino tokona nabo ikiboŋokini akitatam ŋakiro ŋuna koloŋ kegeunio akitatam, ŋakiro ŋun ikes nu: akiŋer ŋakiro ŋuna ikirikorete natwanare ka ananupit Akuj;

Ŋibur. 9:14

Ikwaŋina eraakatar ŋakiro ŋun ŋuna a kire, etya nai ai ŋakiro ŋuna erikakis ŋaokot ŋuna a Kristo! Alotooma Etau ŋolo Asegan, abu iŋes inak akeekuwan neni ka Akuj ikwapei amuronot ŋina asegan. Itesegete ŋaokot keŋ ŋitai yok alotalyo a ŋulu ikirikorete natwanare, ikotere ejaanakisi iwon Akuj ŋina eyari.

Yak. 2:17

Anupit daŋ ikoni nen; ani pa kerukito ka ŋiticisyo, erae ŋina etwanit.

Yak. 2:20

Iyoŋ ebaŋaanot! Icamit iyoŋ ikitoodikin atemar anupit ŋina emam ŋiticisyo erae akoŋinait a?

Yak. 2:26

Ikwaŋinapei etwanitor akuwan emam etau, anupit daŋ etwanit emam ŋiticisyo.

1 Yoa. 2:12

Ŋidwe kaŋ, ekegirakinit ayoŋ iyes, anerae esyoni ŋasecisya kus aŋuna a Yesu Kristo.