Ŋikol. 1:6 - Ebaibul

⁶ Erubakinito Ŋakiro ŋuna Ajokak erayete ka epoloete ka ealakin nakwapin daadaŋ, lopite ŋolo etiyakinotor neni kus ameun akoloŋit ŋina iiraryata iyes ekiŋaren ŋuna ka ajokis a ŋina ka Akuj ka ipotu iyes toanyut epite ŋolo eyakatar ikes kire.

Ŋikol. 1:6 Iomraidhean Croise

Ŋikiru. 110:3

Einakinosi ŋituŋa kon anacamit akoloŋit ŋina irikio iyoŋ ŋikajiok kon lojie alokidiama ŋimukura ŋulu asegak. Alopite a ŋolo eponiata ŋakopi taparacu, epote ŋisorok kon neni kon.

Ŋikiru. 98:3

Abu Akuj nyilocok akiikinet keŋ neni a Ŋisirael, alotooma amina keŋ ŋina nyiryaŋiryaŋa ka akikinyoma keŋ. Aanyuwasi ŋituŋa daadaŋ anakwapin akiloun ŋina ka Akuj yok.

Mat. 24:14

Itatamio Ŋakiro ŋuna Ajokak ŋuna ka Apukan ka Akuj nakwapin daadaŋ, toyenut ŋituŋa daadaŋ, ani irikakin todolu asalunet.

Mat. 28:19

Aŋun, toloto kituruwosi ŋituŋa a ŋakwapin a daadaŋ ŋikasyomak kaŋ, kibatisata ikes alokiro a Papa ka a ŋolo a Lokoku ka a ŋolo ke Etau a ŋolo Asegan.

Mar. 16:15

Tolimok Yesu ikes tema, “Apesi nakwapin daadaŋ, kitatama ŋituŋa daadaŋ Ŋakiro ŋuna Ajokak ŋuna ka Akuj.

Mar. 4:8

Todoto ŋice nalup ŋuna ajokak, topolout toraa, ece ŋatomoniuni, ece ŋatomonikanikapei ka ece amiat.”

Yoa. 15:16

Nyeseuna iyes ayoŋ; nai akaseu ka akatyaku ayoŋ iyes, toloto toraa ŋaraito ŋuna alalak ŋuna nyedaun, ikotere ani ŋinibore daadaŋ iŋitasi aneni a Papa alokiro kaŋ, ikiinakini.

Yoa. 17:19

Aruwor ayoŋ ŋolo akatyakunitae aŋuna kec, ikotere toruworos ikes daŋ ŋulu seuna anakirot a ŋina a kire.

Yoa. 4:23

Nai ebunit apaki ka iŋes napei na, ŋina ilipyata ŋikelipak ŋulu a kire neni a Papa alotooma Etau ka alorot a ŋolo a kire, anerae ikes ŋikelipak ŋulu iitanit Papa.

Ŋitic. 11:18

Ani iirarete ikes ŋun, tojoŋoto apega. Kipuro Akuj temasi, “Ainaki nai Akuj ŋulu nyerae Ŋiyudayan daŋ apaki ŋina ekiyata, toyara!”

Ŋitic. 12:24

Nai torubak akirot ŋina ka Akuj iyata ka tokeikin akwap.

Ŋitic. 16:14

Apei alokidiŋ ŋuna ikipupete isua, arae aberu ŋina anyaritae Lidia ŋina alotaun a ŋolo a Tyatira, ŋina agyelanari ŋilowi ŋulu kipura areŋak. Arae iŋes aberu ŋina ainakina neni ka Akuj. Abu Ekapolon toŋaa etau keŋ akiirar tocamu ŋakiro ŋuna erworo Paulo.

Ŋitic. 26:18

Iŋaari iyoŋ ŋakonyen kec, ikotere kibelekinos anakiryonut nakica ka anapedor a ŋina a Satan, pena neni ka Akuj; toryamut nai aŋuna ka anupit kec akisyonio ŋina a ŋasecisya ka akibois aneni a ŋituŋa a ŋulu eturuwo Akuj ŋulu keŋ.’

Ŋirom. 1:13

Acamit ayoŋ iyes ŋikaitotoi toyenut atemar eitanit ayoŋ ŋapakio ŋuna alalak abunore aanyun iyes, (nai akitodol tokona ekeretakinitae). Acamit kaŋ iŋes akitunup ŋituŋa alokidiŋ kus daŋ Ŋakiro a Yesu Kristo, ikwaŋina etunupya ŋuluce ŋulu nyerae Ŋiyudayan.

Ŋirom. 15:19

alotooma ŋakitoodikineta ka ŋakujuwuanisya ŋuna apolok ka anapedor a ŋina ke Etau a ŋolo Asegan. Aŋun, abu ayoŋ erim nooi, ameun alo Yerusalem tari neni enyaritae Illirikom ka adau a nen akiserakin Ŋakiro ŋuna Ajokak ŋuna a Kristo.

Ŋirom. 15:28

Ani nai kadau ayoŋ akirikakin etic ŋol, ainakin ikes ŋainakineta ŋuna ecunakinio, etoruni nai neni kus alosi Sipania.

Ŋirom. 16:26

Nai tokona esileereun ŋakiro ŋun a Nakigireta a ŋikadwarak ka eteyenikin lotuŋa a ŋibukui a daadaŋ lopite ŋolo icikakinitor Akuj ŋina nyesaluni; ikotere tonupa ka kiwuapa daadaŋ ŋakiro ŋuna ka Akuj.

2 Ŋikor. 10:14

Ikimarakinitae iyes nakipimet ŋina abu Akuj ikigerok isua. Aŋun nyitedepakina isua neni sek ikigerokinitoe anaponare kosi akitodol Korinto akisera Ŋakiro ŋuna Ajokak ŋuna a Kristo.

2 Ŋikor. 6:1

Ikwaŋina itiyaere iwon kaapei ka Akuj, ikilipit isua iyes nyicanican ajokis ŋina idaut iyes aryamun aneni ka Akuj.

Ŋiep. 3:2

Kire idaut iyes akiirar ebe adau Akuj ainakin ayoŋ ajokis keŋ akitiya etic keŋ lo aneni kus.

Ŋiep. 4:21

Ipotu iyes kire kiirasi ŋakiro keŋ ikwapei ŋikewuapak keŋ, aponi ikitatami iyes ŋakiro ŋuna a kire ŋuna ka akimorikina ka Yesu.

Ŋiep. 4:23

Itemokino ŋitai kus toruworos ŋulu kitet kaapei ka ŋatameta kus daŋ

Ŋiep. 5:9

anerae eyauni akica nu erae arait: ajokis, akiyookino ka akirworo ŋuna a kire.

Ŋipil. 1:11

Ilelebun nai akiyar kus arait ŋina ebunit anakiyookino kus alokiŋaren Akuj, ŋina erae Yesu Kristo bon eyauni, aŋuna ka akitopoloor ka akipur Akuj.

Ŋipil. 4:17

Meere ŋun ca atemar acamit ayoŋ ŋainakineta, nai acamit ayoŋ ŋiticisyo kus ŋulu ajokak kiyatakis eropit kus aneni ka Akuj.

Ŋikol. 1:10

Aŋun, ipedorete nai iyes akiyar alopite a ŋolo itopolooritotor Ekapolon ka ŋolo italakarit iŋes anakiro a daadaŋ. Eyauni akiyar kus arait ŋina erae ŋiticisyo ŋulu ajokak ka iyatakin ayenut kus Akuj.

Ŋikol. 1:23

Itemokino nai iyes torubakis icasito ananupit kus, nyiryaŋiryaŋanakin anakigeno a ŋina a Ŋakiro a ŋuna Ajokak a ŋuna ipotu iyes kiirasi, ŋuna adaun alimonokin lotuŋa daadaŋ anakwapin--ŋakiro ŋun araakar ayoŋ Paulo ekalimonokinan.

1 Ŋites. 1:5

Anerae aponi isua yaunae Ŋakiro ŋuna Ajokak neni kus, meere alorwor bon, nai anapedor a Etau a ŋolo Asegan ka ipotu iyes toanyut kire epite ŋolo ikikinyomitor isua jik ŋakiro ŋun. Iyenete iyes epite ŋolo ikiboiyo isua apaki ŋina ikirukitor iwon; arae aŋuna ka akiŋarakin iyes.

1 Ŋites. 2:13

Ikilakanar nabo isua jwi jwi neni ka Akuj, anerae ŋina iponiata iyes kiiraryata ŋakiro ŋuna ka Akuj aneni kosi, ipotu iyes tocamut pa erae ŋakiro ŋuna a ituŋanan, nai erae ŋuna ka Akuj ka erae kire ŋakiro keŋ ŋuna tokona itiyaete alotooma kus a ŋulu inupito.

2 Ŋites. 2:13

Ŋikaitotoi, itemokino isua olakaros neni ka Akuj ŋapakio daadaŋ aŋuna kus a ŋulu ikimina Ekapolon. Anerae abu Akuj itoseu iyes anakisyakinet aŋuna ka aiuno alotooma akiteseguno kus aneni ke Etau a ŋolo Asegan ka alotooma anupit kus ŋakiro ŋuna a kire.

1 Pet. 5:12

Silipano iŋes ekeŋarak ayoŋ akigir abaruwa ŋinauriyen na neni kus, ayeni ayoŋ atemar erae iŋes lokaato ŋolo ikinyoma. Acamit ayoŋ akisimukekin iyes ka akiteyenikin atemar erae ŋakiro ŋun ŋuna a kire ŋuna ka ajokis ka Akuj. Torubakisi jik anakirot a na!