Ŋikol. 1:29 - Ebaibul

²⁹ Aŋakiro a ŋun, etiyae ayoŋ ka agogoŋu ka aŋirikinit alotooma apedor ŋina akainakinit Kristo ŋina eketepedorit ayoŋ akitiya ŋun.

Ŋikol. 1:29 Iomraidhean Croise

Luk. 13:24

“Toŋirikisi ka agogoŋu alomar alokek a ŋolo adidiŋan. Anerae akalimokini ayoŋ iyes atemar, eŋirikinete ŋikalalak alomar tooma, nai nyepedorete.

Ŋirom. 15:20

Ŋuna alelakinit ayoŋ jwi jwi, ikes ŋuna ka akiserakin Ŋakiro ŋuna Ajokak anakiboisyo a ŋuna eriŋa ŋituŋa nyiirara ŋakiro a Kristo, ikotere nyarubak erworo ŋakiro ŋuna aris ituŋanan ice kegeu.

Ŋirom. 15:30

Ekemaimai ayoŋ iyes ŋikaitotoi kaŋ atemar, aŋuna ke Ekapolon Yesu Kristo ka aŋuna ka amina a ŋina ikiinakinit Etau ŋolo ka Akuj emorikinos oŋirikisi akilip Akuj aŋuna kaŋ.

1 Ŋikor. 12:11

Ŋainakineta ŋun daadaŋ erae Etau ŋolo Asegan ŋolopei ŋol einanakini, iŋes ekoranakini neni a ŋinituŋanan anacamit keŋ.

1 Ŋikor. 12:6

Egelegelya ŋirotin ŋulu itiyaere ŋiticisyo, nai Akuj apei ekorakinit ŋinituŋanan apedor ŋinakitiyaet etic.

1 Ŋikor. 15:10

Nai aŋuna ka ajokis a ŋina ka Akuj, arae ayoŋ tokona ekiyakia ka nyeruworo ajokis ŋina abu iŋes okoinak ayoŋ akoŋinait. Akilo, etiya ayoŋ nooi adepar Ŋikiyakia ŋuluce daadaŋ, tari pa kerae agogoŋu kaŋ a elope etiyae, nai ajokis ŋina ka Akuj ŋina eyai neni kaŋ.

2 Ŋikor. 11:23

Eraakasi ikes ŋiketiyak a Kristo a? Erworo ayoŋ ikwa ŋolo a ŋikerep--eloit ayoŋ ikes anaraakau eketiyan! -- Abu ayoŋ etiya nooi adepar, aponi ekewuakin mabus ŋarwa ŋakalalak, ekebuŋatae ŋakibuŋa ŋuna nyimarun, ŋapakio ŋuna alalak adikino atwani.

2 Ŋikor. 13:3

Ipote iyes ayenun kire atemar irworo Kristo aneni kaŋ. Nyepalag Kristo ŋina itiyaa aneni kus, nai itiyae apedor keŋ alotooma kus.

2 Ŋikor. 5:9

Aŋun, tari erae kikiya isua lokuwane lo, kori kikiruk ka iŋes anakuj, ŋuna ikilosikinit isua erae akitalakar iŋes.

2 Ŋikor. 6:5

Aponi ikibuŋae isua, ikiwuakin mabus ka itosutonokin; aponi ikisitiyae isua nooi, nyejotooro kori nyimuja.

Ŋiep. 1:19

nabo daŋ alalau ŋina ka apedor keŋ a ŋina apolon a ŋina itiyae alotooma yok a ŋulu ikinupit. Apedor ŋin ŋina itiyae aneni yok, ikwaan ka apedor

Ŋiep. 3:20

Epedori Akuj akitiya alotooma yok ŋuna alalak nooi akilo daadaŋ ŋuna ikipedori iwon akilip iŋes kori ŋuna ikitami iwon atemar ikitiyakini. Itiyae iŋes ŋun anapedor a ŋina itiyae alotooma yok.

Ŋiep. 3:7

Aponi eketuruwor ayoŋ eketiyan ŋolo a Ŋakiro a ŋuna Ajokak alotooma ainakinet ŋina abu Akuj okoinak ayoŋ anajokis keŋ alotooma apedor keŋ ŋina itiyaa iŋes etic.

Ŋipil. 1:27

Tokona ibore ŋini epol iŋes en: itemokino akiyar kus torae ŋina itopoloorit Ŋakiro ŋuna Ajokak ŋuna a Kristo, ikotere ani kabu kori pa kabu ayoŋ aanyun iyes, eira atemar icasito iyes jik alotooma etau epei ka iyakatar akiitanit apei ŋapakio daadaŋ ŋuna imunikinitotor iyes aŋuna ka anupit Ŋakiro ŋuna Ajokak.

Ŋipil. 1:30

Ido tokona ikimunikinit iwon kaapei aŋuna a Ŋakiro a ŋuna Ajokak, lopite ŋolopei iponiata iyes ikiŋolikiniata ayoŋ amunikinit ka ŋolopei amunikinitor ayoŋ tokona, ikwapei ipupyoto.

Ŋipil. 2:13

anerae Akuj iŋes itiyae alotooma kus, ikotere ikitacamu ka ikitepedo iyes akiwuap ŋakiro ŋuna ajokak ŋuna ecamit iŋes.

Ŋipil. 2:16

ikwapei iricitotor iyes ŋakiro ŋuna ka akiyar. Ani kitiyata iyes ikoŋina, aryamuni ayoŋ ŋakiro ŋuna eturokinor aŋuna kus Akoloŋit ŋina a Kristo, anerae itoodiuni neni ebe abu ayoŋ nyecanican agogoŋu ka etic kaŋ.

Ŋikol. 2:1

Acamit ayoŋ iyes toyenut epite ŋolo tokona aŋirikinitor ayoŋ nooi aŋuna kus ka aŋuna a ŋituŋa a ŋulu a Laodikeya ta aŋuna a ŋuluce a daadaŋ a ŋulu eriŋa nyiryamuna ka ayoŋ.

Ŋikol. 2:12

Anerae apaki ŋina ikibatisaere iyes, aponi itonuki iyes ka Kristo ka alobatisimu a ŋolopei, aponi ikiteyarun iyes ka Kristo aŋuna ka anupit kus a ŋina iyakatar iyes anapedor a ŋina ka Akuj, a ŋina abu kiteyaru Kristo alokatwak.

Ŋikol. 4:12

Ikimalae iyes Epapuras, ŋolo erae ekaatukot kus, eketiyan ŋolo a Yesu Kristo. Ikitamunit iŋes iyes nooi jwi jwi anakilip keŋ, ilipenene iŋes atemar ikisicat Akuj iyes ikwapei ŋulu iyenete ŋakiro ŋuna ka Akuj nooi ka ŋulu itiyaete anacamit keŋ.

1 Ŋites. 2:9

Anerae ŋikaitotoi, itamunito iyes epite ŋolo etiyaere isua ka agogoŋu nooi akuwar ka apaaran, ikotere nyikisiyaloloŋ isua iyes alotooma apaki ŋina ikilimonokinia isua iyes Ŋakiro ŋuna Ajokak ŋuna ka Akuj.

2 Ŋites. 3:8

Nyimuja isua akimuj a ituŋanan a idio pa etacitae. Nai ikipotu isua etiyata ka agogoŋu nooi; aponi isua kitiyae akuwar ka apaaran, ikotere nyikisiyaloloŋi isua iyes aŋuna ka aryamun akiŋarakinet adio aneni kus.

2 Tim. 2:10

Edaŋidaŋi ayoŋ ŋun daadaŋ aŋuna a ŋituŋa a ŋulu aseu Akuj, ikotere ikes daŋ eryamunete aiuno ŋina ebuni aneni a Yesu Kristo ka ŋina eyauni ajakaanut ŋina nyedaun.

Ŋibur. 12:4

Alotooma ejiye kus ka asecit, eriŋa iyes nyejiyo akitodol natwanare.

Ŋibur. 13:21

Ikimaimai isua Akuj ŋina ikiinanakini ekisil, ikiinak iyes ibore ŋini ajokan daadaŋ ŋini iitanito iyes aŋuna ka akitiya acamit keŋ. Itiyakini iŋes aneni yok ŋuna italakarito iŋes alotooma Yesu Kristo. Toyai neni keŋ apolou ŋikaru ka ŋikaru! Amen.

Akis. 2:3

Ititiny iyoŋ, iryamu iyoŋ ŋican aŋuna kaŋ ka nyeupa iyoŋ.