Ŋikol. 1:28 - Ebaibul

²⁸ Aŋun, elimonokinio isua ŋakiro a Kristo neni a ŋituŋa daadaŋ. Alotooma aosou daadaŋ icikanakinio ikes, ikotere yaunere ŋinituŋanan neni ka Akuj erae ŋini epakit anakiro a ŋuna ka Akuj anakimorikina ka Kristo.

Ŋikol. 1:28 Iomraidhean Croise

Esir 7:25

“Tosodi iyoŋ Esira, anaosou kon a ŋina ikiinit Akuj iyoŋ, toseu ŋikarikok a ŋituŋa ka ŋikatubok ŋakiro ŋulu etubete ŋakiro a ŋituŋa daadaŋ anakwap a ŋina alokekwaye aŋolol Eupurate, emaikina ŋikilyok ŋul toyenete ŋikisila ŋulu ka Akuj kon, tosodi emaikina iyoŋ kitatam ŋulu nyeyenete ŋikisila ŋulu ka Akuj.

Ŋakit. 8:5

Iyes ŋulu ibaŋaaka, toryamutu ayakau ka ŋipitesyo ŋulu ajokak. iyes ŋulu imamukatar apiiryanut, toryamutu apiiryanut.

Ekal. 12:9

Meere aosou bon ayakatar Ekalimonokinan, abu daŋ iŋes kitatam ŋituŋa ayenun ŋakiro, abu iŋes totamununu ka kiwarununu ŋakitadapeta kigir isibakit ejok.

Yer. 3:15

“‘Akainakini ayoŋ iyes ŋikepukak ŋulu iwuapito ŋakiro kaŋ, ikipukaete nai ikes iyes ka aosou ka ayenut.

Yer. 6:10

Kiŋit Yeremia Ekapolon tema, “Ŋae emaikina ayoŋ olimok tocoik ŋakiro nu? Ŋae iirari ŋakiro kaŋ? Agol ikes ŋaki kec, aŋun, nyepedorete akiirar. Ejamuwarito ikes akirot ŋina ke Ekapolon, nyitojokito ikes akirot a Ekapolon.

Esek. 7:10

Kiirasi aapuu akoloŋit! Abu! Eelun amunyaro kus, alalaar aryenyeo, alalaar akituro,

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Mat. 3:7

Ani iŋolikini Yoana Ŋiparisayon ka Ŋisadukayon ŋulu alalak eponito neni keŋ akibatisao, tolimok ikes tema, “Iyes ŋulu iroko ŋulu ikote ŋapomia, ŋae ikilimokini iyes atemar ipedorete abucar ananyunyura a ŋina ebunit a ŋina ka Akuj?

Mat. 5:48

Itemokino iyes tojokak nooi, ikwaŋinapei eraakar Papa kus ŋolo anakuj ŋolo ajokan nooi!

Mar. 6:34

Ani edokuni Yesu anataker, toanyuwa asepic ŋina apolon; kisyonioto iŋes ŋituŋa, anerae ekote ikes ŋamesekin ŋuna emam ekeyokon. Kisyak nai akitatam ikes ŋakiro ŋuna agelegelya.

Luk. 21:15

anerae ayoŋ elope akainakini iyes ŋakiro ŋuna ka aosou ŋuna emam ipei daŋ alokidiŋ ŋikusimoe ŋini epedori akiloc, kori apegakin.

Ŋitic. 10:36

Iyenete iyes ŋakiro ŋuna abu iŋes kiyakik Isirael--alimonokin Ŋakiro ŋuna Ajokak ŋuna ke ekisil alotooma Yesu Kristo, ŋolo erae Ekapolon a daadaŋ.

Ŋitic. 11:20

Nai apotu ŋikanupak ŋice ŋulu arae ŋulu alo Kupuro ka Kurene toloto Antiokio, kirworo tari lotuŋa ŋulu pa arae Ŋiyudayan, tolimonokis ikes Ŋakiro ŋuna Ajokak ŋuna ke Ekapolon Yesu.

Ŋitic. 13:38

Aŋun ŋikaitotoi, itemokino iyes toyenut atemar alotooma Yesu, iserao neni kus ŋakiro ŋuna ka akisyon ŋasecisya.

Ŋitic. 17:18

Kimocoto daŋ iŋes ka ŋikaosok ŋulu anyaritae Ŋipikuriyae ka Ŋisitoikae. Temasi ŋice, “Inyoni ecamit ekile ŋolo irworo car lo alimun?” Temasi ŋice, “Esibit elimonokini iŋes ŋakiro ŋuna a ŋakujo a ŋuna egelaaka.” Alimunete ikes ŋun, anerae alimonokini Paulo ŋakiro ŋuna a Yesu ka ŋuna ka ayarun alokatwak.

Ŋitic. 17:3

Kisileerek ka kitoodik ikes atemar etemokino Kristo toryamu ŋican ka toyaru alokatwak. Tolimu Paulo tema, “Yesu lo, ŋolo eserae ayoŋ neni kus, iŋes erae Kristo.”

Ŋitic. 20:31

Aŋun nai, totenito totamunito atemar tari anapakio a ŋuna egworor ayoŋ, abu ekesimukek iyes daadaŋ akuwar ka apaaran, tolunyar ŋikaru ŋiuni.

Ŋitic. 3:20

Iyakuuni nai iŋes Yesu, ŋolo erae Kristo, ŋolo aseu iŋes aŋuna kus.

Ŋitic. 5:42

Torubakis Ŋikiyakia a ŋinakoloŋit itatamete ka elimonorete alo Kai ka Akuj ka alorerya atemar Yesu erae Kristo.

Ŋitic. 8:35

Kirworik nai Pilipo, togeu a Nakigireta a ŋunapei a ŋun, tolimonok iŋes Ŋakiro ŋuna Ajokak ŋuna a Yesu.

Ŋitic. 8:5

Tolot epei kec ŋolo anyaritae Pilipo lotaun ŋolo apolon alo Samaria, tolimonok ŋituŋa ŋakiro ŋuna a Kristo.

Ŋitic. 9:20

Kisyak iŋes atipei alimonokin alosinagogae ŋakiro a Yesu ebala, “Erae Yesu Lokoku ka Akuj.”

Ŋirom. 16:25

Oinakisi akipuro neni ka Akuj! Epedori iŋes akiturubakin iyes inupito alopite a ŋolo a Ŋakiro a ŋuna Ajokak a ŋuna a Yesu Kristo, ŋuna etatami ayoŋ ka alopite a ŋolo ka akitoodikinet a ŋakiro a ŋuna koloŋ emunonitae.

1 Ŋikor. 1:23

Nai tolimonokinetei bo isua ŋuna a Kristo a ŋolo aponi kibubukinoe, ŋolo erae akigukinet ananupit aneni a Ŋiyudayan ka ŋolo erae abaŋao alotuŋa a ŋulu nyerae Ŋiyudayan.

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

1 Ŋikor. 12:8

Einakini Etau ŋolo Asegan neni a ipei apedor ŋina kirworet ŋuna ka aosou, neni a ice einakini Etau ŋolopei ŋol apedor ŋina ka ayenut ŋakiro.

1 Ŋikor. 15:12

Ŋakiro nu ikes ikilimonokini isua: adaun akiteyarun Kristo alokatwak. Kaanukiro nai ebaakatar ŋice kus nyiteyarunio ŋikatwak?

1 Ŋikor. 2:15

Ituŋanan ŋini eyakar Etau ŋolo ka Akuj, epedori ayenun aronis ka ajokis a ŋinibore a daadaŋ, nai emam ŋini epedori ayenun aronis ka ajokis keŋ.

1 Ŋikor. 2:6

Tari kikote nen, ikitatami isua ka aosou neni a ŋituŋa a ŋulu epakito anatameta kec tari pa kerae aosou na ŋina ka akwap a na, kori ŋina a ŋikepukak a ŋulu ka akwap a na a ŋulu esaluni apolou kec.

1 Ŋikor. 4:14

Nyekegirakinit ayoŋ iyes nu akisurumya ŋileec, nai akitatam iyes ikwa ŋidwe kaŋ ŋuluminan.

2 Ŋikor. 10:14

Ikimarakinitae iyes nakipimet ŋina abu Akuj ikigerok isua. Aŋun nyitedepakina isua neni sek ikigerokinitoe anaponare kosi akitodol Korinto akisera Ŋakiro ŋuna Ajokak ŋuna a Kristo.

2 Ŋikor. 11:2

Ayakar ayoŋ arakao aŋuna kus ikwapei eyakar Akuj daŋ arakao aŋuna kus; ikote iyes apese ŋina nyiryamakina ka ekile, ŋina adau ayoŋ akiikin ekile epei bon akiit iŋes--Kristo elope.

2 Ŋikor. 4:5

Nyikilimonokini isua ŋuna ikikamunito isua; nai ikilimonokini Yesu Kristo ikwapei Ekapolon, ka isua ikwapei ŋiketiyak kus aŋuna a Yesu.

Ŋiep. 3:8

Arae neni kaŋ a ŋolo arae ecaryoit alotuŋa a daadaŋ a ŋulu ka Akuj aponi okoinakin ajokis ŋina limonokinet Ŋakiro ŋuna Ajokak neni a ŋulu nyerae Ŋiyudayan--ŋakiro ŋuna ka ajakaanut a Kristo a ŋina nyeŋicun etyae keŋ.

Ŋiep. 5:27

ikotere eyauni atukot a Ŋikristo neni keŋ erae ateran anakibuses keŋ a daadaŋ--tomam akemer, nyerinyit ereet, kori tomam ibore daadaŋ ŋini nyitesegi iŋes; aŋun, epedori ayakau kiŋaren keŋ erae ŋina ajokan nooi ka ŋina eseg alotau.

Ŋikis. 4:5

Kiirasi, lopite ŋolo ekecikia ayoŋ Ekapolon Akuj kaŋ, eketatami ayoŋ iyes tokona ŋikisila ka ŋakiro ŋuna etubunitoe, ikotere iyes iwuapete ŋun anakwap a ŋina eapi iyes alomar ka akiboikin.

Ŋikol. 1:22

Nai tokona, aŋuna ka atwanare a Lokoku keŋ alokuwane a ituŋanan, abu Akuj kisil. Ipedorito tokona iyes ayakau kiŋaren keŋ iraakasi ŋulu keŋ, ŋulu isegak alotai, ŋulu emam asecit.

Ŋikol. 2:10

ka adaun ainakin iyes akiyar ŋina ileleba anakimorikina kus ka iŋes. Epolokinit iŋes ŋipyan daadaŋ ŋulu ipukato ka ŋikapolok daadaŋ.

Ŋikol. 2:3

Neni a Kristo iwuaitere ebari daadaŋ ŋolo ka aosou ka ŋolo ka ayenut.

Ŋikol. 3:16

Kimyekisi ŋakiro a Kristo anapedor ka anaosou kec kiboiyoto alotai kus; kitatamas ka tolimonokinos ŋun make anaosou a daadaŋ. Toeos Ŋieosyo a Daudi, ŋieosyo ŋulu ipurore Yesu ta ŋieosyo ŋulu ke Etau; toeikisi ka alakara neni ka Akuj alotai kus.

Ŋikol. 4:12

Ikimalae iyes Epapuras, ŋolo erae ekaatukot kus, eketiyan ŋolo a Yesu Kristo. Ikitamunit iŋes iyes nooi jwi jwi anakilip keŋ, ilipenene iŋes atemar ikisicat Akuj iyes ikwapei ŋulu iyenete ŋakiro ŋuna ka Akuj nooi ka ŋulu itiyaete anacamit keŋ.

1 Ŋites. 4:6

Anakiro a ŋun nai, nyitemokino idiotuŋanan itiyae ŋuna aronok neni a lokaato keŋ alotooma Ekapolon, kori amodikin iŋes a ediopite. Adaun isua alimokin iyes ŋun ka agogoŋu eriŋa apaki, ikiteyenikin daŋ atemar ebuni Ekapolon akisican ŋulu itiyaete ŋun.

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

1 Tim. 3:2

Itemokino ekarikon ŋolo a Ŋikristo erae ŋolo nyitoronitae, ŋolo eyakar aberu apei, ŋolo etyamaarit, ŋolo ecayete ŋatameta, ŋolo ejokak ŋipitesyo, ŋolo ijaununui ŋituŋa lore keŋ ka ŋolo epedorit akitatam ejok.

Ŋibur. 10:14

Aŋuna ka amuronot ka apei, eturuwo iŋes ŋulu itesegunio anasecit ŋulu iyookino jik.

Ŋibur. 13:21

Ikimaimai isua Akuj ŋina ikiinanakini ekisil, ikiinak iyes ibore ŋini ajokan daadaŋ ŋini iitanito iyes aŋuna ka akitiya acamit keŋ. Itiyakini iŋes aneni yok ŋuna italakarito iŋes alotooma Yesu Kristo. Toyai neni keŋ apolou ŋikaru ka ŋikaru! Amen.

2 Pet. 3:15

Totamunito atemar erae akidaŋidaŋakinit ŋina ke Ekapolon yok, apaki kus ŋina iunotor, ikwapei igiritor lokaato yok Paulo ŋolo minat ka aosou a ŋina ainakini Akuj iŋes.