Ŋikol. 1:23 - Ebaibul

²³ Itemokino nai iyes torubakis icasito ananupit kus, nyiryaŋiryaŋanakin anakigeno a ŋina a Ŋakiro a ŋuna Ajokak a ŋuna ipotu iyes kiirasi, ŋuna adaun alimonokin lotuŋa daadaŋ anakwapin--ŋakiro ŋun araakar ayoŋ Paulo ekalimonokinan.

Ŋikol. 1:23 Iomraidhean Croise

Ŋikiru. 125:5

Nai kisican iyoŋ ŋulu aronok, kisican daŋ ŋulu emyekis akiwuapit ŋuna ibala iyoŋ. Toyai ekisil Isirael.

Aum. 3:66

Tonyunyurikin ikes tomunya, todaunos anakwap.”

Esek. 18:26

Ani kimyek ŋini iyookino akitiya ŋuna ka akiyookino, kitiya aronis, etwani aŋuna ka aronis a ŋin, etwani iŋes aŋuna ka asecit a ŋina etiya iŋes.

Sepan. 1:6

Amunyari ayoŋ ŋulu aŋero akiwuapit Ekapolon, ŋulu nyiwarito Ekapolon, kori nyiŋitasi iŋes ibore idio.”

Mar. 16:15

Tolimok Yesu ikes tema, “Apesi nakwapin daadaŋ, kitatama ŋituŋa daadaŋ Ŋakiro ŋuna Ajokak ŋuna ka Akuj.

Luk. 22:32

Nai ekelipak ayoŋ iyoŋ Simoni, ikotere nyepuripuryaar anupit kon. Ani iboŋuni iyoŋ nabo neni kaŋ, itemokino iyoŋ kitogogoŋ ŋikonikaitotoi.”

Luk. 6:48

Ikoni iŋes ekile ŋolo aduki akai. Tobok iŋes akipany, kidulo tari natabab, todukok akisyakinet nen. Toleleu akalele, kilap aŋolol, tonaŋ akai ŋin; nai nyiryaŋak, anerae adukuk nooi.

Yoa. 15:6

Ŋini nyiboi alotooma kaŋ, etuboryo ikwa ateni, tooniyo. Ŋaten ŋuna aoko ecunakinio, tocakakinae nakim, tonomiya.

Ŋitic. 1:17

Arae iŋes epei alokimar yok, anerae etiyat iŋes daŋ etic lo.”

Ŋitic. 1:25

Itemokino iŋes kitiya etic ŋolo ke Ekiyakia, kilunyokin lotic ŋolo aesikini Yuda ŋolo abu tolot neni etemokino iŋes toyai.”

Ŋitic. 1:8

Nai iryamunete iyes apedor apaki ŋina ebunio Etau ŋolo Asegan neni kus; iruworosi iyes ŋisuudae kaŋ alo Yerusalem, alo Yudaya daadaŋ ka Samaria tari neni isalya akwap.”

Ŋitic. 11:23

Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

Ŋitic. 2:5

Ayakasi nai nen Ŋiyudayan ŋulu eboiyete alo Yerusalem, ŋulu ainakina neni ka Akuj; aponito ikes alobukui a daadaŋ a ŋulu anakwap.

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

Ŋitic. 26:16

Nai tonyou, towo. Anerae atakanu ayoŋ neni kon, akaseuni iyoŋ aruwor eketiyan kaŋ, akiteyenikin ŋituŋa ŋakiro ŋuna iŋolik iyoŋ nakoloŋit na ka ŋuna akalimokini ayoŋ iyoŋ moi alokiŋaren.

Ŋitic. 4:12

Emam aiuno aneni a ice a daadaŋ, anerae emam ekiro ece anakwap a daadaŋ ŋolo einit Akuj ŋituŋa, ŋolo epedoryata ŋituŋa aiunor.”

Ŋirom. 10:18

Nai eŋita ayoŋ nu: erae mono kire atemar nyiirara ikes ŋakiro a? Kire apotu ikes kiirasi--ikwapei ebaakatar Ŋakigireta ebe, “Apotu ŋakiro ŋuna erworosi ŋikiyakia kielakin akwap daadaŋ; apotu ŋakiro kec tonaŋa nakisaleta ŋuna ka akwap.”

Ŋirom. 15:16

Aruwor ayoŋ eketiyan ŋolo a Yesu akitiya aŋuna a ŋituŋa a ŋulu nyerae Ŋiyudayan. Etiyae ayoŋ ikwa esacaradoti analimonokin Ŋakiro ŋuna Ajokak ŋuna eponito aneni ka Akuj, ikotere nai ŋulu nyerae Ŋiyudayan eruworosi amuronot ŋina ecamunit Akuj, ŋina etojok Akuj nooi alotooma Etau ŋolo Asegan.

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.

Ŋirom. 5:5

Nyikitakadanakini iwon akigeno na, anerae elelebik Akuj amina keŋ lotai yok aneni ke Etau a ŋolo Asegan, a ŋolo erae ainakinet ŋina ka Akuj neni yok.

1 Ŋikor. 15:58

Aŋun nai, ŋikaitotoi kaŋ ŋuluminan, kicata ka nyiryaŋiryaŋasi. Kitiyata ka agogoŋu etic ŋolo ke Ekapolon ikwapei iyeniata iyes atemar emam etic ŋolo itiyaete iyes anakimorikina ke Ekapolon, ŋolo eruwor ekoŋinait.

1 Ŋikor. 3:5

Nyo mono ca Apolo? Ka nyo erae Paulo? Ikirae isua ŋiketiyak ŋulu ka Akuj ŋulu apotu ikitunupa iyes, ikwaŋina ekorakinitor Ekapolon ŋinituŋanan ekeetic.

2 Ŋikor. 10:1

Ayoŋ Paulo ekemaimai iyes anakiyapara ka anarimaanut a Kristo--ayoŋ ŋolo “Akuryana apaki ŋina ikirukitor iwon” ka “Aryenyaana apaki ŋina alwania aneni kus”.

2 Ŋikor. 11:23

Eraakasi ikes ŋiketiyak a Kristo a? Erworo ayoŋ ikwa ŋolo a ŋikerep--eloit ayoŋ ikes anaraakau eketiyan! -- Abu ayoŋ etiya nooi adepar, aponi ekewuakin mabus ŋarwa ŋakalalak, ekebuŋatae ŋakibuŋa ŋuna nyimarun, ŋapakio ŋuna alalak adikino atwani.

2 Ŋikor. 3:6

Erae iŋes abu ikiinak isua apedor ŋina kitiyanakinet neni ka Acamunet a ŋina kitete, meere ŋina a Ŋikisila a ŋulu igirir, nai ŋina ke Etau, anerae Ŋikisila ŋulu igiritae ikiarete, nai ikiinanakini Etau akiyar.

2 Ŋikor. 4:1

Ikiinak Akuj isua anakisyon keŋ akitiya etic lo, aŋun, nyikiupi isua atitinyikinit.

2 Ŋikor. 6:1

Ikwaŋina itiyaere iwon kaapei ka Akuj, ikilipit isua iyes nyicanican ajokis ŋina idaut iyes aryamun aneni ka Akuj.

Ŋigal. 4:11

Akabulit ayoŋ aŋuna kus! Apolou keŋ mono atemar etic daadaŋ ŋolo etiya ayoŋ aŋuna kus aruwor ekoŋinait a?

Ŋigal. 5:5

Aneni kosi, ikigeno atemar ikituruwor ŋulu ikiyookino alokiŋaren Akuj aŋuna ka anupit Kristo ka erae ŋun ikidarit isua anapedor a ŋina ke Etau a ŋolo ka Akuj.

Ŋigal. 5:7

Ilosete paaran iyes ananupit kus ejok! Ŋae ikiretak iyes anakiwuapit ŋakiro ŋuna a kire?

Ŋigal. 6:9

Nyitemokino iwon ikiup akitiya ŋuna ajokak, anerae ani pa kikiesik iwon akitiya ŋuna ajokak, edoluni apaki ŋina ikiryamunia iwon akilem ŋina ajokan.

Ŋiep. 1:18

Elipit ayoŋ Akuj toŋaar ŋatameta kus, ikotere toyenut akigeno ŋina adau iŋes anyarakin iyes ka epite ŋolo elalaata ŋarereŋisyo ŋuna epolok, ŋuna adau Akuj akiikin ainakin ŋituŋa keŋ;

Ŋiep. 2:21

Itogogoŋit iŋes aduketait daadaŋ ka itopoloe kituruwo Akai ka Akuj ŋina etyakunitae aŋuna ke Ekapolon.

Ŋiep. 3:17

ka elipenene ayoŋ Akuj kituruwo ŋitai kus neni iboiyo Kristo aŋuna ka anupit kus. Elipi ayoŋ atemar ibore daadaŋ ŋini itiyaete iyes, torae ŋini ebunit alotooma amina,

Ŋiep. 4:16

Aŋuna epolokinitor iŋes ŋinerin ŋulu ka akuwan, eyeunito ŋinerin daadaŋ akuwan apei ka erae akuwan daadaŋ apei ka ikamuna ŋaruceta daadaŋ anakuwan. Ani nai itiyae ŋolokiner ikwapei itemokino itiyaa, epolouni akuwan daadaŋ toduko anamina.

Ŋikis. 2:25

Nakoloŋit na, esyakini ayoŋ akiwuakin akuryanu ka ekabule aŋuna kus neni a ŋituŋa a akwap a daadaŋ, ani iirarete ikes ŋakiro kus, emaranikinete ka emini ikes akuryanu aŋuna kus.”

Ŋikis. 4:19

Tosodi ani ireorete iyes kidiama kiŋolikis akoloŋ, elap ka ŋikacer ka ŋiboorei daadaŋ ŋulu eyakasi kidiama, tocoito ioliyorete ikisyakis akilip neni kec ka kitiyanakis ikes, erae ŋul ŋiboorei ŋulu akoraki Akuj ŋituŋa daadaŋ ŋulu a ŋakwapin a daadaŋ.

Ŋikol. 1:25

Abu Akuj eketuruwo ayoŋ eketiyan ŋolo a Ŋikristo, abu iŋes okoinaki ayoŋ etic lo akitiya aŋuna kus akiteyenun ŋituŋa daadaŋ ŋakiro ka Akuj.

Ŋikol. 2:7

Torubakisi icasito aneni keŋ ikwa isicasitotor ŋataagor ekitoe alokwap, ido toduko akusikiyar neni keŋ; kicasito ananupit kus, ikwapei ikitatamitere iyes. Torubakisi ilakanarosi neni ka Akuj!

1 Ŋites. 3:3

ikotere nai nyejamak idio alokidiŋ kus anupit keŋ aŋuna a ŋakisicaneta a ŋun. Iyenete iyes ŋilopeyek atemar erae ŋican ŋul ŋulu acamaki Akuj atemar kitiyakinos neni yok.

1 Ŋites. 3:5

Aŋakiro a ŋun, pa apedorit ayoŋ akidaŋidaŋakin jik; ido abu eyaku Timoteo, ikotere oyenunia epite ŋolo eyakar anupit kus, anerae akuryanit ayoŋ atemar acepaki kedau Satan eketemon akitem iyes ka aruwor etic kosi ekoŋinait!

1 Ŋites. 5:8

Nai ikirae iwon ŋulu ka apaaran, ido itemokino iwon ikikwaan ka ŋituŋa ŋulu nyemerasi, ŋulu eyenete ŋuna itiyaete. Onapa anupit ka amina ikwa arapet ka akigeno ŋina ka aiuno yok ikwa akopiya ŋina iuryarit akou nyewana.

2 Ŋites. 2:16

Ikilipi isua neni ke Ekapolon yok Yesu Kristo elope ka neni ka Akuj Papa yok, ŋolo abu itominak iwon ka ikiinak iwon anajokis keŋ atitinyu ŋina nyedaunun ka akigeno ŋina ajokan,

1 Tim. 1:12

Alakara ayoŋ neni a Yesu Kristo Ekapolon yok, ŋolo akainaki ayoŋ agogoŋu aŋuna ke etic kaŋ, anerae ekemarak ayoŋ atemar arae ŋolo ekinyoma aŋuna ekewuakinia ayoŋ lotic keŋ,

1 Tim. 2:7

Iŋes nai ekeyakuunere ayoŋ ikwapei ekeseran ka ekiyakia, akitatam ŋituŋa ŋulu nyerae Ŋiyudayan ŋakiro ŋuna ka anupit ka ŋuna a kire. Nyesudi ayoŋ ŋakiro; erworo ayoŋ ŋuna a kire!

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

Tito 3:7

ikotere nai aŋuna ka ajokis keŋ ikituruworyo iwon ŋulu ikiyookino alokiŋaren Akuj ka oryamutu akiyar ŋina nyedaun, ŋina ikigeno iwon.

Ŋibur. 10:38

Aŋun, iŋes ŋini iyookino aŋuna akanupitor ayoŋ, eyari, nai iŋes ŋini ikutukutoori, nyakajoikinete ayoŋ ŋakiro keŋ.”

Ŋibur. 3:14

Anerae ikirae iwon daadaŋ ŋipei alotooma Kristo, erae kikirubak ikititinyikinit ananupit lopite ŋolo ikisyakinia.

Ŋibur. 3:6

Nai ekinyomit Akuj Yesu ikwapei Lokoku keŋ apolokin ekal keŋ. Ikirae iwon ekal ŋolo ka Akuj, erae kikirubak ikititinyikinit ka ikituro aŋuna a ŋakiro a ŋuna ikigeno iwon.

Ŋibur. 4:14

Itemokino iwon orubakisi ikititinyikinit ananupit Yesu; anerae Yesu Lokoku ka Akuj, iŋes erae Esacaradoti yok ŋolo Apolon nooi, ŋolo adau alosit nakuj.

Ŋibur. 6:19

Ikiyakar iwon akigeno na erae ŋina ikituruworit iwon ŋulu ikiuna ka ŋulu nyikiryaŋiryaŋa ka itogogoŋit akiyar yok. Edolit akigeno na tari yaaye anaŋga ŋina ineno alokai ka Akuj kiteriboorite akibois ŋina eyai kidiŋ jik Akai ŋina anakuj.

1 Pet. 1:3

Olakaros neni ka Akuj a Papa ke Ekapolon yok Yesu Kristo! Aŋuna ka akisyon keŋ a ŋina apolon nooi, ikiinakin iwon akiyar ŋina kitete anayarun a Yesu alokatwak. Aŋun, ileleba akigeno ŋina a kire tooma yok,

1 Pet. 1:5

Erae ikes ŋuna kus, a ŋulu alotooma anupit ikiyokitoe ka apedor a ŋina ka Akuj, aŋuna ka aiuno a ŋina itemokino akitoodiuno apaki ŋina esidyon.

1 Yoa. 2:27

Nai aŋuna kus, adau Kristo ainakin iyes Etau keŋ. Ani ca kiboi Etau keŋ alotooma kus, nyiitanito iyes ituŋanan idio ikitatam iyes. Anerae ikitatami iyes Etau keŋ ŋakiro daadaŋ ka ŋuna itatami iŋes erae ŋuna a kire, meere alyokonu. Kiwuapa nai akitatam ŋina ke Etau keŋ ka kiboiyoto kaapei ka Kristo.

Akis. 2:10

Nyikuryaniar aŋuna a ŋican a ŋulu eapi iyoŋ aryamun. Topupok! Eapi Satan acunakin ŋice alokidiŋ kus mabus, ikikatak iyes, ido toryamut akisicanio ŋirwa ŋitomon. Torubak ananupit, erae kedolu atwanare daŋ, ido akainakini ayoŋ iyoŋ akiyar, toruwor eropit.