Ŋikol. 1:22 - Ebaibul

²² Nai tokona, aŋuna ka atwanare a Lokoku keŋ alokuwane a ituŋanan, abu Akuj kisil. Ipedorito tokona iyes ayakau kiŋaren keŋ iraakasi ŋulu keŋ, ŋulu isegak alotai, ŋulu emam asecit.

Ŋikol. 1:22 Iomraidhean Croise

2 Sam. 22:24

Mam ŋakiro aronia ayoŋ alokiŋaren keŋ, mam asecit etiyat ayoŋ.

Yob 15:15

Nyikinyomit Akuj tari ŋimalaikan keŋ, nyesegak alokiŋaren Akuj tari ŋisubuna ŋulu eya kidiama,

Yob 25:5

Ani nai pa kecai elap ejok anakonyen ka Akuj ka pa kecayete ejok ŋikacer aneni ka Akuj,

Ŋikiru. 51:7

Kitesegunae ayoŋ oruwor ŋini aseg; kilotarae ayoŋ tokwaŋiar etau kya.

Luk. 1:75

Oruworotor iwon ŋulu asegak ŋulu ikiyookino aneni keŋ ŋirwa daadaŋ ŋulu ikiyarya iwon.

Ŋirom. 7:4

Ikote iyes daŋ nenipei nen ŋikaitotoi kaŋ. Apaki ŋina iponiata iyes tomoryata atwanare a Kristo ipotu iyes tolacakinos aneni a Ŋikisila ka itwakito tokona alokiŋaren Ŋikisila. Irae iyes tokona ŋulu a Kristo a ŋolo aponi kiteyarunae alokatwak, ikotere itiyaete ŋuna ajokak aŋuna ka Akuj.

2 Ŋikor. 11:2

Ayakar ayoŋ arakao aŋuna kus ikwapei eyakar Akuj daŋ arakao aŋuna kus; ikote iyes apese ŋina nyiryamakina ka ekile, ŋina adau ayoŋ akiikin ekile epei bon akiit iŋes--Kristo elope.

2 Ŋikor. 4:14

Ikiyeni isua atemar, ŋolopei abu kiteyaru Ekapolon Yesu, iŋes pei ebuni akiteyarun isua daŋ kaapei ka Yesu, ido ikiya isua ka iyes kiŋaren keŋ.

2 Ŋikor. 5:18

Akuj iŋes etiya nu daadaŋ, Akuj ŋina ikimorik iwon ka iŋes alotooma Kristo ka abu iŋes ikiinak iwon etic ŋolo ka akimoryanakin.

Ŋiep. 1:4

Tari eriŋa akwap nyesubuna, aris Akuj kikiseu iwon alotooma Kristo aruwor ŋulu keŋ, ikotere nai ikipedori iwon ayakau kiŋaren keŋ ikirae ŋulu ikisegak alotai ka ŋulu ikiyookino alokiŋaren keŋ.

Ŋiep. 5:27

ikotere eyauni atukot a Ŋikristo neni keŋ erae ateran anakibuses keŋ a daadaŋ--tomam akemer, nyerinyit ereet, kori tomam ibore daadaŋ ŋini nyitesegi iŋes; aŋun, epedori ayakau kiŋaren keŋ erae ŋina ajokan nooi ka ŋina eseg alotau.

Ŋikol. 1:28

Aŋun, elimonokinio isua ŋakiro a Kristo neni a ŋituŋa daadaŋ. Alotooma aosou daadaŋ icikanakinio ikes, ikotere yaunere ŋinituŋanan neni ka Akuj erae ŋini epakit anakiro a ŋuna ka Akuj anakimorikina ka Kristo.

1 Ŋites. 4:7

Nyenyara Akuj iwon akiboi alokibure a ŋolo ka amalao, nai akiboi anakiyar a ŋina asegan, a ŋina itoodiunit atemar ikirae ŋulu keŋ.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 10:10

Aŋuna etiyaa Yesu Kristo ŋuna acamit Akuj iŋes kitiya, ikitesegun iwon anasecisya alotooma ainakin akeekuwan ainakinet apei ŋina itemokino jik.

Ŋibur. 10:20

Ikiŋak iŋes iwon erot ŋolokitete, ŋolo erae ŋolo ka akiyar, alomarya yaaye anaŋga. Erae anaŋga ŋin akeekuwan ke elope.

Ŋibur. 13:21

Ikimaimai isua Akuj ŋina ikiinanakini ekisil, ikiinak iyes ibore ŋini ajokan daadaŋ ŋini iitanito iyes aŋuna ka akitiya acamit keŋ. Itiyakini iŋes aneni yok ŋuna italakarito iŋes alotooma Yesu Kristo. Toyai neni keŋ apolou ŋikaru ka ŋikaru! Amen.

1 Pet. 3:18

Tari Kristo daŋ abu totwan apeitwanet bon aŋuna a ŋasecisya, totwan iŋes ŋolo amam asecit aŋuna a ŋikasecak; ikotere ikirikorya iyes neni ka Akuj. Apotu ŋituŋa toara Kristo alokuwane, nai abu Akuj kiteyaru iŋes erae ituŋanan ŋini erae etau.

2 Pet. 3:14

Aŋun ŋikaakonei ŋuluminan, ani idarito Akoloŋit ŋin, kitiyata ka agogoŋu tomam adioronis alokiŋaren Akuj, ikotere ikiryamun isilito ka iŋes.

Yud. 1:24

Epedori Akuj akiyok iyes nyikiguk ananupit ka ikiyau iyes emam asecit ka iyakatar alelyan tooma nakica ŋina ka apolou.