Ŋikol. 1:12 - Ebaibul

¹² Tolakanaros neni ka Akuj Papa, ŋolo ikitemok iyes aryamun atyaketait a ŋarereŋisyo a ŋuna iŋadakinit Akuj aŋuna a ŋituŋa keŋ a Napukan keŋ a ŋina ka akica.

Ŋikol. 1:12 Iomraidhean Croise

1 Ŋirw. 6:7

Adukio Akai ŋin a ŋamoru a ŋuna sek etiyatae ejok aneni abokere ŋamoru, ikotere tomam enyondo, kori ibore daadaŋ ŋini erwo alo Kai ka Akuj apaki ŋina edukere.

1 Ŋakiro a ŋirwa 29:20

Tema nai Daudi neni ka atukot a daadaŋ, “Kipuro Ekapolon Akuj kus.” Aŋun, apotu ŋituŋa daadaŋ kipuro Ekapolon, Akuj atapapaa kec; apotu kijuuroto, toryediko itopoloorito Ekapolon ka erwosit daŋ.

Ŋikiru. 116:7

Aŋun apedori tokona akiboi nabo emam ŋace, anerae etiya Ekapolon ŋuna alalak ŋuna ajokak neni kaŋ.

Ŋikiru. 36:9

Neni kon eyai eitanit ŋolo ka akiyar; nakica kon iŋes ikiteo isua akica.

Ŋikiru. 79:13

Aŋun nai, ikiponi isua ŋituŋa kon, ŋamesekin ŋuna ka adakari kon, akipur iyoŋ ŋikaru ka ŋikaru; ameun ananyamet ka apei tari nanyamet ŋinace, ikirubakini isua ikipuro iyoŋ.

Ŋikiru. 97:11

ebuneeneajokis neni a ŋulu iyookino, ebuneenealelyanu neni a ŋulu iyookino alotai.

Ŋakit. 16:1

Erae ayere ŋakiro alotau atametait ŋina a ituŋanan, nai Ekapolon iŋes eboŋokini ŋakiro ŋuna irworo ituŋanan.

Ŋakit. 4:18

Nai ileere erot a ŋulu iyookino ikwaan ka alomunet a akoloŋ, ŋina ecauni iwadio iwadio akitodol ŋina ecaunia naparan ejok.

Dan. 2:23

Neni kon okoe Akuj atapapaa kaŋ ainakini ayoŋ alakara ka akipuro, ikiinak iyoŋ ayoŋ aosou ka apedor, ikisileerek tokona iyoŋ ayoŋ ŋuna sek ikiŋisit isua iyoŋ, anerae ikisileerek iyoŋ isua ŋuna ecamit erwosit ayenun.”

Mat. 25:34

Etemari Erwosit isirwori ŋituŋa ŋulu aloteten keŋ, ‘Potu iyes ŋulu ikiterereŋit Papa kaŋ! Toryamut ajakaanut ŋina itemokinitoe aŋuna kus ameun anasubunet akwap.

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Yoa. 20:17

Tolimok Yesu iŋes tema, “Nyikitap ayoŋ, anerae eriŋa ayoŋ nyeboŋoro neni a Papa kaŋ; nai tolot, tolimok ŋikaitotoi kaŋ atemar alosi ayoŋ neni a Papa kaŋ, a ŋolo erae Papa kus daŋ; neni ka Akuj kaŋ, a ŋina erae Akuj kus daŋ.”

Yoa. 4:23

Nai ebunit apaki ka iŋes napei na, ŋina ilipyata ŋikelipak ŋulu a kire neni a Papa alotooma Etau ka alorot a ŋolo a kire, anerae ikes ŋikelipak ŋulu iitanit Papa.

Ŋitic. 20:32

“Nai tokona, ekewuakini ayoŋ iyes nakan ŋuna ka Akuj ka nakiro ŋuna ka ajokis keŋ, ŋina epedori akitogogoŋ ka ainakin iyes ŋarereŋisyo ŋuna iŋadat Akuj aŋuna a ŋituŋa a ŋulu eturuwo iŋes ŋulu keŋ.

Ŋitic. 26:18

Iŋaari iyoŋ ŋakonyen kec, ikotere kibelekinos anakiryonut nakica ka anapedor a ŋina a Satan, pena neni ka Akuj; toryamut nai aŋuna ka anupit kec akisyonio ŋina a ŋasecisya ka akibois aneni a ŋituŋa a ŋulu eturuwo Akuj ŋulu keŋ.’

Ŋirom. 11:17

Adaun abilanar ŋaten ŋace ŋuna ke ekitoe a ŋolo ka akimyet a ŋolo edupitae ka adaun akiderakin neni keŋ ateni ŋina ke ekitoe a ŋolo ka ariet, a ŋolopei erae ŋolo ka akimyet. Ikote iyes ŋulu nyiraakasi Ŋiyudayan ateni ŋina ke ekitoe a ŋolo ka ariet ka imorete tokona agogoŋu ka akiyar ŋina ileleba ŋina ke ekitoe a ŋolo edupitae, ŋolo erae Ŋiyudayan.

Ŋirom. 15:27

Erae ŋakiro ŋun ŋuna apotu ikes ŋilopeyek totubut akitiya. Erae tari amica aneni kec aŋuna a ŋituŋa a ŋul. Anerae ikwapei adauniata Ŋiyudayan akimor ka ŋulu nyerae Ŋiyudayan ŋarereŋisyo ŋuna ka Akuj, itemokino ŋulu nyerae Ŋiyudayan daŋ tomora ka Ŋiyudayan ŋarereŋisyo ŋuna a ŋiboro ka akwap.

Ŋirom. 8:17

Ikwaŋina ikiraakar iwon ŋidwe keŋ, ikiryamuni iwon ŋarereŋisyo ŋuna iŋadat Akuj aŋuna a ŋituŋa keŋ ka ikiryamuni iwon kaapei ka Kristo ŋuna iŋadat Akuj aŋuna keŋ. Anerae ani kikimora iwon akisicanio a Kristo, ikimori daŋ ka iŋes apolou keŋ.

Ŋirom. 9:23

Acamit daŋ Akuj akitoodikin apolou keŋ ŋina epol nooi neni a ŋulu esyon iŋes ka neni a ŋulu adau koloŋ iŋes akitemokin aryamun apolou keŋ.

1 Ŋikor. 8:6

nai aneni yok eyai Akuj apei bon, Papa ŋolo asubi ŋiboro daadaŋ, ŋolo ikiteyari iwon ka eyai iwon Ekapolon epei bon, Yesu Kristo ŋolo asubia Akuj ŋiboro daadaŋ, ido iŋes ikiyarya iwon.

1 Ŋikor. 9:23

Etiyae ayoŋ ŋun daadaŋ aŋuna a Ŋakiro a ŋuna Ajokak, ikotere oryamunia ayoŋ daŋ ŋarereŋisyo aneni kec.

2 Ŋikor. 11:14

Kire, eyenen ŋun nooi! Tari Satan daŋ epedori akitusubun bon emalaika ŋolo ka akica!

2 Ŋikor. 5:5

Akuj iŋes ikitemok iwon aŋuna ka akilocokin a na ka ikiinak iŋes iwon Etau keŋ erae ibore ŋini ikiteyenuni iwon atemar eryamunio iwon ibore ŋini adau iŋes akiikin.

Ŋiep. 1:11

Itiyao ŋiboro daadaŋ alopite a ŋolo itemokinitor ka etubunitor Akuj ka abu Akuj ikiseu iwon aŋuna ka acamit keŋ aruwor ŋituŋa keŋ ka alope anakimorikina ka Kristo, ikwa kebunio iŋes totubunio ŋinapei anakisyakinet.

Ŋiep. 1:18

Elipit ayoŋ Akuj toŋaar ŋatameta kus, ikotere toyenut akigeno ŋina adau iŋes anyarakin iyes ka epite ŋolo elalaata ŋarereŋisyo ŋuna epolok, ŋuna adau Akuj akiikin ainakin ŋituŋa keŋ;

Ŋiep. 2:18

Erae aŋuna a Kristo aponere iwon daadaŋ Ŋiyudayan ka ŋulu nyerae Ŋiyudayan, topedorere aponare neni ka Akuj a Papa alotooma Etau ŋolo ka Akuj epei.

Ŋiep. 3:6

Ŋakiro ŋuna imunono ikes nu ebe, aŋuna a Ŋakiro a ŋuna Ajokak, amora ŋituŋa ŋulu nyerae Ŋiyudayan ka Ŋiyudayan ŋarereŋisyo ŋuna ka Akuj; eraakasi ikes ŋipei ka amora ŋakiikineta ŋuna abu Akuj kiik alotooma Yesu Kristo.

Ŋiep. 4:6

Eyai Akuj apei ŋina erae Papa a ŋituŋa a daadaŋ; ŋina erae Ekapolon a daadaŋ, ŋina itiyae alotooma daadaŋ ka eyai neni a daadaŋ.

Ŋiep. 5:11

Nyilomanarete nakiro ŋuna koŋinae ŋuna ka akiryonut, nai kisileereutu ikes.

Ŋiep. 5:20

Alokiro ke Ekapolon yok Yesu Kristo, tolakanaros jwi jwi neni ka Akuj Papa aŋuna a ŋakiro a daadaŋ.

Ŋiep. 5:4

Nyejok daŋ iyes irworosi ŋakiro ŋuna a ŋileec, ŋuna a ŋiyany kori ŋuna ke erasi. Nai itemokino tolakanaros neni ka Akuj.

Ŋiep. 5:8

Iyakasi paaran sek iyes nakiryonut, nai aŋuna ka akimorikina kus ka Ekapolon, iyakasi tokona iyes nakica. Aŋun, itemokino iyes kiboiyete ikwa ŋituŋa ŋulu erae ŋulu ka akica,

Ŋikol. 2:2

Etiyae ayoŋ ŋun, ikotere kimukekiniata iyes alotai kus ka kimorikinos anamina; ido nai toryamut ebari daadaŋ ŋolo eyauni ayenut ka toyenut ejok ŋakiro ŋuna imunono ŋuna ka Akuj, ŋuna erae Kristo elope.

Ŋikol. 3:15

Kimyekisi ekisil ŋolo a Kristo ikipuka iyes alotai kus--ekisil ŋolo aponere itonyaraunere iyes aruwor akuwan apei. Itemokino tolakaros neni ka Akuj.

Ŋikol. 3:17

Ŋinibore daadaŋ itiyaete kori irworosi iyes, itemokino kitiyata alokiro ke Ekapolon Yesu, tolakara neni ka Akuj Papa alotooma Yesu.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 12:23

Ipotu iyes nacunakina ŋina ka alakara ŋina a ŋidwe a ŋulu ka Akuj a ŋulu kiyae, a ŋulu igiritae ŋirorwa kec nakuj. Ipotu iyes neni ka Akuj a ŋina erae akatubon a ŋituŋa a daadaŋ ka neni a ŋitai a ŋituŋa a ŋulu iyookino, a ŋulu aponi kituruworoe ŋulu asegak jik.

Ŋibur. 3:1

Ŋikaitotoi ŋulu adau Akuj anyarare, ŋulu iraakasi ŋulu keŋ! Totamatamata ŋuna a Yesu a ŋolo erae ekiyakia ŋolo ka Akuj ka erae Esacaradoti ŋolo Apolon nooi ŋolo ka anupit yok.

Ŋibur. 3:14

Anerae ikirae iwon daadaŋ ŋipei alotooma Kristo, erae kikirubak ikititinyikinit ananupit lopite ŋolo ikisyakinia.

Yak. 3:9

Ikisitiyae iwon iŋes akipuror Ekapolon Papa ka iŋes pei ikilamya iwon ŋituŋa ŋulu abu Akuj tosub ikwaan ka iŋes Akuj.

1 Pet. 5:1

Ŋikatukok, ayoŋ ŋolopei arae ekatukon, ŋolo arae esuuda a ŋican a Kristo, ŋolo alosi aryamun atyaket anapolou a ŋina itoodiunio: ekelipit iyes!

1 Yoa. 1:3

Ŋuna ikiŋolik ka ikiira ikes ikiserae isua neni kus, ikotere iyes daŋ ikimorikin ka isua. Ikimorikina isua ka Papa ta Lokoku keŋ Yesu Kristo.

Akis. 21:23

Nyiitanit etaun ŋol akica ŋina ka akoloŋ kori ŋina ke elap, anerae ecaikinit akica ŋina ka Akuj neni keŋ ka erae Imesek etaa keŋ.

Akis. 22:14

Erereŋ ŋulu ilotarito ŋilowi kec, ikotere toryamut apedor ŋina nyamet arait ŋina ke ekitoe a ŋolo ka akiyar ka kitoro lopidiŋ elomarete lotaun ŋolo apolon.

Akis. 22:5

Nyeyakaun nabo jik akuwar ace, nyiitanete ikes ŋitaae kori akoloŋ, anerae eruwor Ekapolon Akuj akica kec ka ipukaete ikes ŋikaru ka ŋikaru.