Ŋikol. 1:10 - Ebaibul

¹⁰ Aŋun, ipedorete nai iyes akiyar alopite a ŋolo itopolooritotor Ekapolon ka ŋolo italakarit iŋes anakiro a daadaŋ. Eyauni akiyar kus arait ŋina erae ŋiticisyo ŋulu ajokak ka iyatakin ayenut kus Akuj.

Ŋikol. 1:10 Iomraidhean Croise

Ŋakit. 16:7

Ani kitalakasi Ekapolon ŋuna itiyaete ŋituŋa, einakini Ekapolon tari ŋimoe kec akiboikin ka ikes isilito.

Isa. 53:11

Kedau iŋes akidaŋidaŋ ŋican, eryamuni iŋes alelyanu nabo, eyenuni iŋes anaosou keŋ atemar pa abu oryamu ŋican ikoŋin. Ituruwori eketiyan kaŋ ŋolo iyookino ŋikalalak ŋulu iyookino ka iwuoki iŋes aronis kec.

Dan. 12:4

Nai, iyoŋ Daniel, kimunon ŋakiro ka kimyek ekitaabo egolokino jik tari akoloŋit ŋina esalunia akwap. Irimokinete ŋikalalak iwarito ayenun ŋakiro ka iyatakin akitiya ŋuna aronok.”

Mika 4:5

Elosete ŋakwapin daadaŋ iwuapit ŋinakwap akuj keŋ ka ilipi ŋinakwap neni ka akuj keŋ, nai iwon ikiwuapi ŋuna a Ekapolon ka ikilipi neni a Ekapolon Akuj yok ŋikaru ka ŋikaru.

Abak. 2:14

Nai ilelebun nakwap aosou ŋina ka apolou ke Ekapolon, lopite ŋolo ilelebakatar ŋakipi anam.

Yoa. 15:16

Nyeseuna iyes ayoŋ; nai akaseu ka akatyaku ayoŋ iyes, toloto toraa ŋaraito ŋuna alalak ŋuna nyedaun, ikotere ani ŋinibore daadaŋ iŋitasi aneni a Papa alokiro kaŋ, ikiinakini.

Yoa. 15:8

Itopolooritae Papa kaŋ ŋina irayata iyes ŋaraito ŋuna alalak; epite ŋol itopolooritere Papa kaŋ, ido itoodiunete iyes atemar, irae ŋikasyomak kaŋ.

Yoa. 17:3

Erae na akiyar ŋina nyedaun, itoyenete ikes iyoŋ, Akuj ŋina erae apei bon ŋina a kire ka Yesu Kristo ŋolo ibu kiyaku iyoŋ.

Ŋirom. 1:13

Acamit ayoŋ iyes ŋikaitotoi toyenut atemar eitanit ayoŋ ŋapakio ŋuna alalak abunore aanyun iyes, (nai akitodol tokona ekeretakinitae). Acamit kaŋ iŋes akitunup ŋituŋa alokidiŋ kus daŋ Ŋakiro a Yesu Kristo, ikwaŋina etunupya ŋuluce ŋulu nyerae Ŋiyudayan.

Ŋirom. 4:12

Erae iŋes papaa a ŋulu ileŋeritae daŋ, meere aŋuna ileŋeritere ikes, nai aŋuna iboiyoto ananupit ikwaŋina eboiyo papaa yok Aburaam eriŋa nyileŋera.

Ŋirom. 6:4

Aŋuna nai ka akibatisao yok, iwon ikipotu omora atwanare keŋ ka aponi itonuki ka iŋes; ikotere nai iwon daŋ ikiyari anakiyar a ŋina kitete, ikwaŋinapei eteyarunere Kristo alokatwak aŋuna ka apolou a ŋina ka Akuj a Papa.

2 Ŋikor. 2:14

Olakaros neni ka Akuj! Anerae ikiŋarenikinit iŋes iwon jwi jwi anakiloun a ŋina a Yesu Kristo! Ikisitiyae iŋes iwon akielakin nakwap daadaŋ eure ŋolo akukunyon ŋolo ka ayenut keŋ.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

2 Ŋikor. 5:9

Aŋun, tari erae kikiya isua lokuwane lo, kori kikiruk ka iŋes anakuj, ŋuna ikilosikinit isua erae akitalakar iŋes.

2 Ŋikor. 9:8

Epedori Akuj ainakin iyes alotyae a ŋolo alalan adepar etyae ŋolo iitanito iyes, ikotere nai toyakatar iyes jwi jwi ŋinibore daadaŋ iitanito ka kilapara daŋ aŋuna a etic a ŋolo ajokan a daadaŋ.

Ŋiep. 1:17

Elipenene ayoŋ Akuj ŋina ke Ekapolon yok Yesu Kristo, Papa ŋolo eyai apolou daadaŋ, ikiinak iyes aosou ka ŋakitoodyanakineta, ikotere toyenut iyes iŋes ejok.

Ŋiep. 2:10

Akuj iŋes ikiteyakau iwon lopite ŋolo ikiyakar tokona anakimorikina yok ka Yesu Kristo. Adau iŋes asubun iwon nabo alotooma Yesu Kristo, ikotere nai iwon ikitiyae ŋiticisyo ŋulu ajokak, ŋulu aris iŋes kedau akitemonokin kitiyae iwon.

Ŋiep. 4:1

Ekemaimai nai ayoŋ iyes--ayoŋ Paulo ŋolo arae emabus aŋuna ka akijaanakin Ekapolon Yesu: kiboiyoto lopite ŋolo itemokino iboiyoto ŋituŋa ŋulu enyarit Akuj aruwor ŋulu keŋ.

Ŋiep. 4:13

akitodol ŋina ikimorikinor iwon daadaŋ kaapei ananupit ka oyenutu ejok Lokoku ka Akuj. Ikiponi nai iwon daadaŋ kaapei apol alotooma ituŋanan ipei ŋini apolon, ŋini erae Kristo, oruworos ŋulu ikipakit ikwa iŋes.

Ŋiep. 5:10

Kikatakisi ayenun ŋuna italakarito Ekapolon.

Ŋiep. 5:15

Aŋun, tocoikinito alopite a ŋolo iboiyoto iyes. Nyiboiyete ikwa ŋituŋa ŋulu abaŋaanak, nai ikwa ŋituŋa ŋulu aosok.

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

Ŋipil. 1:11

Ilelebun nai akiyar kus arait ŋina ebunit anakiyookino kus alokiŋaren Akuj, ŋina erae Yesu Kristo bon eyauni, aŋuna ka akitopoloor ka akipur Akuj.

Ŋipil. 1:27

Tokona ibore ŋini epol iŋes en: itemokino akiyar kus torae ŋina itopoloorit Ŋakiro ŋuna Ajokak ŋuna a Kristo, ikotere ani kabu kori pa kabu ayoŋ aanyun iyes, eira atemar icasito iyes jik alotooma etau epei ka iyakatar akiitanit apei ŋapakio daadaŋ ŋuna imunikinitotor iyes aŋuna ka anupit Ŋakiro ŋuna Ajokak.

Ŋipil. 4:18

Adau ayoŋ aryamun ainakinet kaŋ, itemokino ka elal daŋ nooi! Ayakar tokona ayoŋ ibore ŋini eitanit daadaŋ, ikwapei ayaunia Epapurodito ŋainakineta ŋuna ipotu iyes kiyakuut. Erae ikes amuronot ŋina akukunyon, ŋina ecamuna ka ŋina italakarit Akuj.

Ŋikol. 2:19

ka nyeriŋa imorikina ka Kristo, ŋolo erae akou ŋina ka akuwan keŋ a ŋina erae Ŋikristo. Ageun anakou, itanio akuwan daadaŋ ŋina erucokinito ŋakilenyeta ka ŋamori, ido epoloe ikwapei ecamitor Akuj.

Ŋikol. 2:6

Ikwapei nai icamuniata iyes Yesu Kristo erae Ekapolon kus, torubakisi iyarete anakimorikina ka iŋes.

Ŋikol. 3:20

Ŋidwe, topupete ŋikauruunak kus alopitesyo a daadaŋ, anerae italakarito ŋun Akuj.

Ŋikol. 4:5

Itemokino iyes toosok alopitesyo a ŋulu iboiyoto iyes alokidiŋ ŋituŋa ŋulu nyeraakasi Ŋikristo. Kisitiyata ejok apaki daadaŋ ŋina iyakatar iyes.

1 Ŋites. 2:12

Aponi isua ikisimukekin iyes, ikimaimae ka aponi torubakinae ikitumunikinitoe iyes akiboi anakiyar a ŋina itopoloorit Akuj, ŋina ikinyarit iyes Napukan ka napolou keŋ.

1 Ŋites. 4:1

Ŋuna esidyok ŋikaitotoi, ipotu iyes toyenut aneni kosi epite ŋolo itemokino iyes iboiyoto, ido kitalakasi Akuj. Kire erae epite ŋolopei ŋol sek iboiyoto iyes. Nai tokona ikilipit ka ikimaimai isua iyes alokiro ke Ekapolon Yesu, kitiyata nooi akilo tari ŋina sek.

2 Tim. 2:4

Nyitemokino ekajion ŋolo ani eyai lojiye totamatamae eyare ŋolo palemu sek, anerae iwarit iŋes akitalakar ekapolon ŋolo enyaraunit iŋes lojiye.

Tito 3:1

Tolimok ŋituŋa kon atemar itemokino ikes ekerito ŋikepukak ka ŋikapolok, toruworos ŋulu epupete ŋakiro, ŋulu imuit akitiya ŋuna ajokak alopitesyo a daadaŋ.

Tito 3:14

Itemokino ŋituŋa ŋulu a ŋatukon yok toyenut akitiya ŋiticisyo ŋulu ajokak, ikotere eryamunete ŋiboro ŋulu iŋarakiniata ŋituŋa ŋulu eyakatar akiitanit; ido nyiboiyete erae ŋicaryo.

Ŋibur. 11:5

Anupit iŋes pa abunio Enok totwania. Akilo, aponi yaarae iŋes kidiama ka emam ituŋanan abu toryamu iŋes, anerae abu Akuj ya iŋes nakuj. Igiritae Nakigireta atemar ani eriŋa Enok nyeara kidiama, aris iŋes kitalaka Akuj.

Ŋibur. 13:16

Nyikimuryak akitiya ŋuna ajokak ka akimor ŋiboro kus, anerae ŋamuronisya ŋun ikes italakarito Akuj.

Ŋibur. 13:21

Ikimaimai isua Akuj ŋina ikiinanakini ekisil, ikiinak iyes ibore ŋini ajokan daadaŋ ŋini iitanito iyes aŋuna ka akitiya acamit keŋ. Itiyakini iŋes aneni yok ŋuna italakarito iŋes alotooma Yesu Kristo. Toyai neni keŋ apolou ŋikaru ka ŋikaru! Amen.

2 Pet. 1:8

Erae lu ŋipitesyo ŋulu itemokino iyes toyakatar ka ani kelalak ikes aneni kus, irworosi nai ŋulu akukuranak ŋulu etiyak, ido yaut neni kus ayenut ŋina ke Ekapolon yok Yesu Kristo.

2 Pet. 3:18

Nai torubakisi ipoloete anajokis ka anayenut a ŋina ke Ekapolon ka Ekaiunan yok Yesu Kristo. Toyai apolou neni keŋ tokona ka ŋikaru ka ŋikaru! Amen.

1 Yoa. 3:22

Ikiryamuni iwon ŋinibore daadaŋ ikiŋisi iŋes, anerae ikiricakinit iwon Ŋakiciketa keŋ ka ikitiyae ŋuna italakarito iŋes.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.

3 Yoa. 1:6

Eteyenikis ikes Ŋikristo ŋulu a ne ŋuna ka amina. Okoe! Kiŋarak ikes torubakis itiyaete alorot kec alopite a ŋolo itemokino aneni ka Akuj.