Ŋikis. 9:7 - Ebaibul

⁷ Totamunito ka nyikimuryak iyes epite ŋolo itoŋoitotor iyes Ekapolon Akuj kus analoŋisat, irubakinete iyes iŋereneneete Ekapolon ameun anakoloŋit a ŋina ilomuniata iyes alo Ijipit akitodol akoloŋit ŋina idolunioto iyes nakibois na.

Ŋikis. 9:7 Iomraidhean Croise

Awos. 14:10

Ani eapiyari Parao neni a Ŋisirael, kiŋoliyasi Ŋisirael kaku, kiŋolikis Ŋijipitian eponito neni kec keapuut. Kikalout Ŋisirael nooi neni ke Ekapolon, anerae abu akuryanu min neni kec.

Awos. 14:11

Kiŋita ikes Moses temasi, “Amam mono neni ikinukio isua alo Ijipit ikiyaunia iyoŋ isua atwanare a ne analoŋisat a? Anukiro nu ŋuna itiya iyoŋ neni kosi, ŋuna ikiyaunia iyoŋ isua alo Ijipit?

Awos. 16:2

Kiŋuruŋura Ŋisirael daadaŋ neni a Moses ka Aron analoŋisat,

Awos. 17:2

Aŋun, apotu ikes kisiburata Moses a nen temasi neni a Moses, “Inakinae isua ŋakipi tomatae.” Kiŋit Moses ikes tema, “Kaanukiro ikisiburaata iyes ayoŋ? Kaanukiro ikatakinitotor iyes Ekapolon?”

Awos. 23:21

Tomitakinito akiirar ŋakiro ŋuna irworo iŋes, nyiŋero iŋes, ani kiŋero, nyikisyoni iŋes iyes, anerae ayoŋ eyakuunit iŋes.

Isa. 48:8

Pa iirarito iyes ŋun ekiŋaren, pa iyenunito iyes ŋun ekiŋaren, ŋinapei koloŋ agolol ŋaki kus. Etiyae ayoŋ ŋun, anerae ayeni ayoŋ atemar iruwor iyes ŋulu nyikikinyomitae ka ŋikaŋerok ŋinapei anakoloŋit a ŋina ikidounere.

Yer. 11:10

Aboŋokis ikes akitiya ŋuna aronok lopite ŋolo etiyaata atapapaa kec alorwa a ŋulu a koloŋ, apotu atapapaa kec toŋero akiwuap ŋakiro kaŋ. Aloto ikes akitiyanakin ŋakujo ŋace. Aŋero ŋituŋa a Isirael ka ŋituŋa a Yudaya acamunet ŋina abu ayoŋ ocamunotor ka atapapaa kec.

Yer. 32:30

Mam ŋakiro ŋuna ajokak ŋuna etiyata ŋituŋa a Isirael ka ŋulu a Yudaya, nai ŋakiro ŋuna aronok bon etiyata ikes alokiŋaren kaŋ, ameun ŋina pei erae ikes ŋisorok, mam ŋakiro ŋuna ajokak ŋuna etiyata ŋituŋa a Isirael, nai eketoŋoa ayoŋ a ŋiboro a ŋulu itiyaete ikes a ŋakan kec.

Yer. 44:9

Ikimuryakis iyes ŋiticisyo ŋulu aronok ŋulu etiyaete atapapaa kus, ŋiticisyo ŋulu etiyaete ŋirwosi a Yudaya ka ŋulu etiyaete ŋaberu kec, ŋiticisyo kus a ŋulu aronok ŋulu ipotu iyes kitiyata anakwap a Yudaya ka alorotin a Yerusalem a?

Esek. 20:13

Nai apotu Ŋisirael analoŋisat toŋero akiwuap ŋakiro kaŋ; apotu nyiwuapa ŋakiro ŋuna abala ayoŋ ikes kiwuapa, apotu toŋero ŋikisila kaŋ ŋulu iteyarete ituŋanan erae kiwuap. Apotu ikes tojamuwasi nooi akoloŋit ŋina a Sabato “Aŋun, abu ayoŋ otamak atemar emaikina ayoŋ onyunyurikin ikes omunya analoŋisat.

Esek. 20:43

Itamunete nai iyes a nen ŋipitesyo ŋulu kipotu iyes toyakaunotor ka ŋakiro daadaŋ ŋuna imunaaryata iyes ŋawat kus. Ikiinakinete iyes ŋakiro ŋuna aronok daadaŋ ŋuna itiyata iyes ajamakin ŋawat kus.

Esek. 20:8

Nai apotu ikes toŋero ŋakiro kaŋ, nyiirasi ŋuna erworo ayoŋ; mam ipei daŋ alokidiŋ kec ŋini abu tocaka akuj keŋ ŋina aminakinit, kori apotu nyecamut akiŋer akiwuapit ŋakujo a Ijipit. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman anakwap a Ijipit.

Esek. 36:31

Itamunete nai iyes aronis ŋina ipotu iyes kitiyata ka ŋiticisyo kus daadaŋ ŋulu pa ajokak, ido iluŋete iyes ŋawat kus aŋuna a ŋasecisya ka asiilyo ŋina ipotu iyes kitiyata.

Ekim. 11:4

Ayakasi ŋituŋa ŋulugelaanotin ŋulu awosete kaapei ka Ŋisirael, apotu ŋituŋa ŋul kiitana nooi akiriŋ, apotu Ŋisirael daŋ kiŋuruŋura nabo kaapei ka temasi “Okoe, kerae ca oryamutu akiriŋ adio onyoma.

Ekim. 14:22

mam ituŋanan alotooma ŋituŋa ŋulu eŋolikis akica kaŋ ka ŋakitoodyanakineta ŋuna abu ayoŋ etiya alo Ijipit ka analoŋisat, ido eketemo ayoŋ ŋakitemyeta ŋatomon ka ŋini nyiwuapa ŋakiro kaŋ,

Ekim. 17:10

Tolimok Ekapolon Moses tema, “Kinyakak ebela ŋolo ka Aron diyete Asaduku ŋina ka Acamunet, kiŋadakinae nen erae akitaanyikinet neni a ŋikaŋerok, ikotere itojoŋoito ikes akiŋuruŋura neni kaŋ, ani kitiyata ikes ŋun etwakete.”

Ekim. 21:5

Kirworo ŋituŋa ŋuna aronok neni ka Akuj ka neni a Moses ebasi, “Kaanukiro ikiyauniata iyes isua alo Ijipit atwakare analoŋisat? Emam akimuj ka emam ŋakipi a ne; ikiup isua akinyam akimuj ŋina apyanan na.”

Ekim. 25:2

Apotu ŋaberu ŋun torikokis Ŋisirael akitiya ŋamuronisya neni a ŋakujo a Ŋimoabi, kisyakis Ŋisirael akimuj ka akilip neni a ŋakujo a Ŋimoabi.

1 Ŋikor. 15:9

Anerae arae ayoŋ ecaryoit a Lokiyakia, nyitemokino akanyaritae ekiyakia, anerae abu ayoŋ esican Ŋikristo.

Ŋiep. 2:11

Totamunito epite ŋolo paaran sek ayakar akiyar kus; iyes ŋituŋa ŋulu ikidounitoe pa iraakasi Ŋiyudayan, ŋulu ikinyarito Ŋiyudayan “Ŋulu nyikileŋeritae”. Ebasi Ŋiyudayan ŋul ikirae ikes ŋulu ikileŋeritae, anerae iwuapito ikes etal ŋolo ka akileŋeryo ŋawat, lopite ŋolo ileŋeryata ŋituŋa ŋawat kec a ŋileŋia

Ŋikis. 31:27

anerae ayeni ayoŋ nooi atemar irae iyes ŋituŋa ŋulu aŋerok ka ŋulu esyaak. Ani nai ŋina sek iŋereneneoto iyes Ekapolon eriŋa ayoŋ ayari ka ikirukit ka iyes, alipite moi iŋeryoto iyes Ekapolon atwani ayoŋ!

Ŋikis. 8:2

Totamunito erot ŋolo aoyan ŋolo abu Ekapolon Akuj kus ikirikyo iyes analoŋisat ŋikaru ŋatomoniomwon lu, ikotere itiditeunosi iyes make ka ikikatanak iyes aŋuna ka ayenunia ŋakiro ŋuna aya lotai kus ka ayenunia erae kipedorete akiwuap ŋakiciketa keŋ, kori mam.

Ŋikis. 9:24

Iŋereneneete iyes Ekapolon ŋinapei koloŋ akayenunia ayoŋ iyes.

Ŋikis. 9:4

Ani iritari Ekapolon Akuj kus ikes alokiŋaren kus, nyetema ituŋanan ebe, “Erae aŋuna ka akiyookino kaŋ iŋes akaunia ayoŋ Ekapolon nakwap na akituruwor ŋina kaŋ” Nai toyenete atemar erae aŋuna ka aronis a ŋituŋa a ŋakwapin a ŋun, iŋes eritarya Ekapolon ikes alokiŋaren kus.