Ŋikis. 9:5 - Ebaibul

⁵ Meere aŋuna ka akiyookino kus, kori aŋuna ka akiyookino a ŋitai kus iŋes ilosyoto iyes akituruwor akwap kec ŋina kus, nai erae aŋuna ka aronis a ŋituŋa a ŋakwapin a ŋun, iŋes eritarya Ekapolon ikes alokiŋaren kus, ikotere isiyookinio akiikinet ŋina abu iŋes kikoŋ neni atapapaa kus Aburaam ka Isaka ta Yakob.

Ŋikis. 9:5 Iomraidhean Croise

Akisy. 12:7

Totakanu Ekapolon neni ka Aburam kirworik tema, “Ainakini ayoŋ akwap na neni a eletonit kon.” Aŋun, todukok Aburam Namuroet nen aŋuna ka atamunitor Ekapolon ŋolo abu totakanu neni keŋ.

Akisy. 13:15

Akainakini ayoŋ iyoŋ ka ŋiletok kon akwap na daadaŋ ŋina ite iyoŋ toruwor ŋina kus jik.

Akisy. 15:16

ido eboŋunete ŋiletok kon ne edoli anyamet ŋina a ŋaomwon; anerae eriŋa aronis ŋina a Ŋiamori nyedauna.”

Akisy. 15:7

Tolimok Ekapolon Aburam tema, “Arae ayoŋ Ekapolon ŋolo abu okoyau iyoŋ alo Ur anakwap a ŋina a Ŋibabiloniyae; aŋuna ka ainakin iyoŋ akwap na toruwor ŋina kon.”

Akisy. 17:8

Akainakini ayoŋ iyoŋ ka ŋiletok kon akwap na ŋina tokona iraakatar iyes ŋigelaanotin, akwap ŋina a Kanaan daadaŋ, toruwor ŋina kus jik, ido aruwor ayoŋ Akuj a ŋiletok kon.”

Akisy. 19:29

Nai ŋina enyasunia Akuj ŋitaunio ŋulu aya nadipo anakwap a ŋin, abu iŋes tominak Aburaam, ido tolema Lot alotaunio a ŋul apaki ŋina enyasunia ŋitaunio ŋul, ŋulu sek eboiyo Lot ekiŋaren.

Akisy. 26:4

Etipituni ŋiletok kon tolalata ikwa ŋikacer, ainakini ikes akwap na daadaŋ. Eryamunete ŋituŋa a ŋakwapin a daadaŋ ŋarereŋisyo aloletok kon

Akisy. 28:13

Towo Ekapolon alodiyete keŋ tema, “Arae ayoŋ Ekapolon, Akuj ŋina ka Aburaam a papaa kon, Akuj ŋina ka Isaka. Akwap na ŋina iperyo iyoŋ, akainakini ayoŋ iyoŋ ka ŋiletok kon;

Awos. 32:13

Totamu ŋituŋa kon ke elope lu: Aburaam, Isaka ka Isirael, ŋulu arae ŋiketiyak kon. Totamu ŋuna ibu iyoŋ elope kikoŋ neni kec ibala, ‘Etipituni ayoŋ ŋiletok kus tolalata ikwa ŋikacer ŋulu alokidiama, ido ainakini ayoŋ ŋiletok kus akwap na daadaŋ ŋina adau ayoŋ akiikin iyes; eruwor ŋina kec ŋikaru ka ŋikaru.’ ”

Esek. 20:14

Nai aŋuna a ekiro kaŋ, abu ayoŋ etiya ŋuna nyepedorere akiyanyia ekiro kaŋ alokiŋaren ŋituŋa ŋulu abu ayoŋ oyaunia ikes.

Esek. 36:22

“Aŋun, tolimok Ŋisirael atemar alimu Ekapolon Akuj ebe, ‘Okoe Ŋisirael, meere aŋuna kus eapiya ayoŋ akitiyakin ŋakiro ŋadi, nai erae aŋuna a ekiro kaŋ a ŋolo asegan, a ŋolo ijamuwasi iyes anakwapin a ŋuna ipotu iyes toloto.

Esek. 36:32

Alimu Ekapolon Akuj atemar, meere aŋuna kus eapiya ayoŋ akitiyakin ŋakiro ŋadi, emaikina iyes toyenete ŋun. Okoe Ŋisirael, emaikina iyes ikiruma ŋileec kus a ŋilopeyek ka itokadak iyes ŋilopeyek alotooma ŋuna iwuapito iyes.

Ŋilep. 18:24

“‘Nyimunaasi ŋawat kus anakiro a ŋun a ŋadi, anerae ŋakiro ŋun itiyaete ŋituŋa ŋulu eritari ayoŋ alokiŋaren kus, ŋulu amunaasi ŋawat kec.

Ŋilep. 18:25

Aŋun, abu tari akwap tomunaar, abu ayoŋ esican ikes aŋuna ka asecit kec, ido abu akwap ŋin kiela ŋituŋa keŋ kiŋa.

Mika 7:20

Itoodikini iyoŋ ŋituŋa kon akikinyoma kon ka amina kon ŋina nyiryaŋiryaŋa, itoodikini iyoŋ ŋun neni a ŋipapae ka Aburaam ka Yakob, lopite ŋolo ibunio iyoŋ koloŋ sek kiikinia atapapaa kosi.

Ŋitic. 3:25

Erae ŋuna kus ŋakiikineta ŋuna ka Akuj ŋuna ekobunete ŋikadwarak keŋ ka imarakina iyes Nacamunet keŋ ikwaŋina alimokinia iŋes Aburaam ebe, ‘Eterereŋi ayoŋ ŋituŋa ŋulu ka akwap daadaŋ aŋuna a ŋiletok kon.’

Ŋirom. 11:28

Aŋuna eŋeritotor Ŋiyudayan Ŋakiro ŋuna Ajokak, eraakasi ikes ŋimoi ŋulu ka Akuj ikotere iyes ŋulu nyirae Ŋiyudayan. Nai aŋuna aseunia Akuj ikes, eraakasi ikes ŋikonei keŋ aŋuna atapapaa kec.

Ŋirom. 15:8

Anerae akalimokini ayoŋ iyes atemar abu Kristo toruwor eketiyanakinan aneni a Ŋiyudayan kitoodiunia atemar erae ŋakiro ŋuna ka Akuj ŋuna a kire, isiyoonokini iŋes ŋakiikineta keŋ neni atapapaa.

Ŋikis. 1:8

Kiirasi akainak ayoŋ iyes akwap ŋin, toloto kikamasi akwap ŋin kituruwosi ŋina kus, akwap ŋina abu ayoŋ ekoŋ ainakin atapapaa kus Aburaam, Isaka ka Yakob ka neni a ŋiletok kec ekaku kec.”

Ŋikis. 12:31

Nyemaikina iyes kitiyata ŋun neni ke Ekapolon a Akuj kus, anerae apotu ikes kitiyata neni a ŋakujo kec asiilyo daadaŋ ŋina eŋerit Ekapolon. Ewuanakinete ikes tari ŋidwe kec ŋulupesur ka ŋulusapa nakim aŋuna a ŋakujo kec.

Ŋikis. 18:12

Eŋerit Ekapolon ituŋanan daadaŋ ŋini itiyae ŋakiro ŋun. Erae aŋuna etiyaata ŋituŋa a ŋakwapin ŋuna eŋerit Ekapolon, iŋes eritarya Ekapolon ikes alokiŋaren kus.

Ŋikis. 18:9

Ani idolete iyes nakwap ŋina ikiinit Ekapolon Akuj kus iyes, tocoito nyisisaut ŋiticisyo ŋulu aronok ŋulu eŋeritoe ŋulu itiyaete ŋituŋa a ŋakwapin a ŋun.

Ŋikis. 20:18

ikotere nyikitatam ikes iyes akitiya ŋiticisyo ŋulu aronok ŋulu itiyaeneneete ikes aŋuna a ŋakujo kec, ido toseca iyes aneni ke Ekapolon Akuj kus.

Tito 3:5

abu iŋes ikiu iwon. Pa arae aŋuna a ŋiticisyo a ŋidi a ŋulu ajokak a ŋulu ikitiyat iwon, nai arae aŋuna ka akisyon keŋ ka alope abunio iŋes ikiunia iwon. Abu iŋes ikiu iwon, ikitesegu iwon anakidouno a ŋina a ŋaarei ka ikituruwo iwon ŋulu kitet aneni ke Etau a ŋolo Asegan.