Ŋikis. 9:28 - Ebaibul

²⁸ anerae acepaki etemarete ŋituŋa a akwap a ŋina ikiyaunia iyoŋ isua ebe, ‘Aŋuna pa apedorya Ekapolon akiya ikes nakwap ŋina sek eikinit ikes ka aŋuna emanitor iŋes ikes, ayau iŋes ikes, ikotere eari ikes analoŋisat.’

Ŋikis. 9:28 Iomraidhean Croise

Awos. 32:12

Kaanukiro irworotor Ŋijipitian ebe, ‘Arae akitiya ŋuna aronok neni kec, iŋes ayaunia iŋes ikes lomukura lu, ikotere emunyari ikes anakwap a daadaŋ’? Kimyek aŋoit kon ŋin ŋina ka anyunyura; kilocok ŋatameta kon, ido nyisican ŋituŋa kon.

Esek. 20:9

Nai aŋuna a ekiro kaŋ, abu ayoŋ etiya ŋuna nyepedorere akiyanyia ekiro kaŋ anakwapin a ŋuna eboiyoto Ŋisirael ka alokiŋaren ŋituŋa ŋulu abu ayoŋ etoodikin anayaun Ŋisirael anakwap a Ijipit.

Ekim. 14:16

‘Pa apedorit Ekapolon akiya ŋituŋa ŋul nakwap ŋina ekoŋit iŋes ainakin ikes, aŋun, amunya ikes analoŋisat.

Ŋikis. 1:27

ipotu iyes kiŋuruŋura aloeemae kus temasi, “Erae aŋuna ikitidiŋitor iwon Ekapolon iŋes ikiyaunia iŋes iwon alo Ijipit akipotokin iwon neni a Ŋiamori ikotere ikimunyarere iwon.

Ŋikis. 32:27

nai abu ayoŋ nyacamak kiturokinos ŋimoe, anerae acepaki etemarete ikes, ‘Eloun isua ikes, meere Ekapolon etiyae ŋun.’

Ŋikis. 9:27

Totamu ŋiketiyak kon Aburaam, Isaka ka Yakob, nyimitak agogoŋu a ŋakyes a ŋituŋa a lu, nyimitak aronis kec ka asecit kec,

Yos. 7:9

Ŋina tokona edolyoto ŋakiro nu neni a Ŋikanaani ka ŋituŋa ŋulu ka akwap kec daadaŋ, ikirimokinete ikes isua kidiŋ kitiyata ŋuna nyiirarere nabo jik ekiro kosi anakwap. Nyaanu tokona ŋakiro ŋuna itiyae iyoŋ torubakinia ekiro kon itopolooritae?”