Ŋikis. 9:26 - Ebaibul

²⁶ abu ayoŋ elip Ekapolon otema, “Ekapolon Akuj, nyimunya kareca ŋituŋa ŋulu erae ŋulu kon ŋulu, ibu iyoŋ tolaku a apolou kon, ŋulu ibu iyoŋ yau alo Ijipit a apedor kon a ŋina etiron.

Ŋikis. 9:26 Iomraidhean Croise

2 Sam. 7:23

Ata ŋae ŋituŋa ikwaan ka ŋituŋa kon, Ŋisirael? Eya mono ŋituŋa ŋice ikwaanatar ikes anakwapin a akwap ŋulu abu Akuj kec tolot alakun ikwapei ŋituŋa keŋ, ido toruunio ekiro keŋ a? Eya mono ŋituŋa ŋulu abu Akuj kitiya ŋuna ka aumokin neni kec anakiritanar ŋituŋa a ŋakwapin ka ŋakujo kec alokiŋaren kec a?

1 Ŋirw. 8:51

(anerae erae ikes ŋituŋa kon a elope, ŋulu idau iyoŋ ayaun alo Ijipit, anakwap a ŋina atiŋitere ikes ka aryenyeo.)

1 Ŋirw. 8:53

anerae iseta iyoŋ ikes a lotuŋa a daadaŋ a ŋulu a ŋakwapin, aruwor ŋituŋa kon a alope, ikwapei iikinitor iyoŋ ikes aneni a Moses a aketiyan kon, apaki ŋina iyaunia iyoŋ atapapaa kosi alo Ijipit.”

Neem. 1:10

Erae ikes ŋiketiyak kon ka ŋituŋa kon ŋulu ibu iyoŋ tolaku ka apedor kon a ŋina etiron ka a agogoŋu kon.

Ŋikiru. 106:23

Aŋun, abu Akuj tolimu atemar amunyari ikes. Ani kerae nyedyekit Moses ŋolo arae eseuna ŋolo ka Akuj aŋuna kec Akuj, nyemunya ikes ananyunyura keŋ, kemunyarit Akuj ikes.

Ŋikiru. 107:2

Emaikina ŋulu alaku Ekapolon tolimosi ŋakiro ŋun, emaikina tolimosi ŋulu alaku Ekapolon alocan kec ŋakiro ŋun,

Ŋikiru. 28:9

Okoe Ekapolon, toiu ŋituŋa kon, kiterereŋ ŋituŋa kon; toruwor ekeyokon kec ka kiric ikes ŋikaru ka ŋikaru.

Ŋikiru. 57:1

Okoe Akuj kisyonitetei ayoŋ, kisyonitetei ayoŋ, anerae neni kon iŋes aiunia ayoŋ akiyar kaŋ; akitodol ŋina edaunotor ŋinyas.

Ŋikiru. 77:15

Ibu iyoŋ tolaku ŋituŋa kon a apedor kon, ibu iyoŋ tolaku ŋipapae a Yakob ka ŋulu a Yosepu.

Ŋikiru. 78:35

Atamununeete ikes atemar erae Akuj akaiunan kec, atamununeete ikes atemar erae Akuj ŋina alokidiama nooi akalakunan kec.

Ŋikiru. 99:6

Arae Moses ka Aron ŋice a ŋisacaradotin keŋ, arae Samuel daŋ epei a ŋulu elipete neni keŋ aŋuna a ŋituŋa; apotu ikes kilipa neni ke Ekapolon aŋuna a ŋituŋa, ido abu Ekapolon toboŋok ikes.

Awos. 15:13

Anamina kon a ŋina nyiryaŋiryaŋa, itenari iyoŋ ŋituŋa kon ŋulu idau iyoŋ alakun. Anagogoŋu kon ke elope, itenari iyoŋ ikes nakibois kon ŋina asegan.

Awos. 33:13

Ani kajok ayoŋ aneni kon, kitatamae ayoŋ ŋuna icamit iyoŋ, ikotere akayenuni ayoŋ iyoŋ, ido orubak ajok aneni kon. Totamunite atemar erae ŋituŋa lu ŋulu kon.”

Awos. 34:9

tema, “Okoe Ekapolon, akadyekit ayoŋ iyoŋ, ani kajok ayoŋ aneni kon Ekapolon, apena orukosi ka isua; tari kerae ŋituŋa lu ŋulu egogoŋ ŋakyes, kisyoni aronis kosi ka asecit kosi, yaarae isua ikwapei ŋituŋa kon ke elope.”

Isa. 44:23

Okoe iyes ŋisubuna ŋulu alokidiama toeikisi, anerae adau Ekapolon akitiya ŋuna ka alakun; okoe iyes ŋisubuna ŋulu iyakasi kwap akwap, tocelutu ieosi, okoe iyes ŋimoru, toeikisi, okoe ŋamoni ka ŋikito daadaŋ ŋulu iyakasi namoni, toeikisi, anerae alaku Ekapolon ŋiletok a Yakob, tosodi itopolooryo iŋes alo Isirael.

Isa. 63:19

Ikikwaanikin isua apaki ŋina aoyan ka ŋituŋa ŋulu nyipukat iyoŋ, ikikwaanikin ka ŋituŋa ŋulu nyeriŋa enyaritae a ekiro kon.

Yer. 14:21

Aŋuna a ekiro kon, nyikijamuwa isua, nyisirum ŋileec etaun kon, Yerusalem neni eyai ekicoloŋ kon ŋolo ka apolou, totamu ŋakiikineta kon, ido nyilema acamunet kon ka isua.

Yer. 15:1

Abu nai Ekapolon okolimok ayoŋ tema, “Tari kewua Moses ka Samuel alokiŋaren kaŋ akilip aŋuna a ŋituŋa, nyeminakini etau kaŋ ŋituŋa lu. Kirita ikes alokiŋaren kaŋ, emaikina ikes toloto.

Aum. 2:20

Okoe Ekapolon, kiŋolik mono iyoŋ! Ŋae mono ŋinapei isican iyoŋ lopite lo? Emaikina mono ŋaberu tonyama ŋidwe kec ŋulu adaut ikes akitanun a?

Mika 6:4

Abu ayoŋ okoyau iyes anakwap a Ijipit, okolaku anakwap a ŋina iraakatar ŋipi. Abu ayoŋ eyakiu Moses kaapei ka Aron ta Miriam akirik iyes.

Ŋikis. 13:5

Nai emaikina toarae ŋikadwarak ka ŋikerujak ŋul ŋulu edwarete ŋakiro ŋuna eponito ŋul aŋuna erworotor ŋakiro ŋuna ka akiteŋer iyes Ekapolon Akuj kus ŋina ikiyauni iyes anakwap a Ijipit a ŋina ikilakunia iyes anapitoonut. Aŋun ilemarete iyes aronis alokidiŋ kus.

Ŋikis. 15:15

Totamunito atemar iirakasi iyes daŋ ŋipi anakwap a Ijipit, ido abu Ekapolon Akuj kus ikilaku iyes, a ŋakiro a ŋun, ekeciki ayoŋ iyes nakoloŋit na akiwuap akiciket na.

Ŋikis. 21:8

Okoe Ekapolon, kisyoni ŋituŋa kon Ŋisirael ŋulu ibu iyoŋ tolaku, kiurya ekaile aŋuna ka atwanare a ituŋanan a ŋin pa asecit a ŋin nyerubak eyai lotuŋa kon Ŋisirael.” Tosodi isyoni ikes aŋuna ka atwanare a ituŋanan a ŋin.

Ŋikis. 32:9

Erae ŋituŋa a Isirael ŋulu keŋ, eturuwo iŋes ŋiletok a Yakob ŋulu keŋ.

Ŋikis. 7:8

Nai arae aŋuna ikiminar Ekapolon iyes ka aŋuna ewuapitor akiikinet ŋina abu iŋes kikoŋ neni atapapaa kus, ŋakiro ŋun ikes ikiyaunia Ekapolon iyes ka apedor keŋ a ŋina etiron ka ikilaku iyes anakwap a ŋina ka apitoonut, anapedor a Parao a erwosit a Ijipit.

Ŋikis. 9:12

Tema nai Ekapolon neni kaŋ, “Tonyou, kionyak atipei totiyaar kwap, anerae adaut ŋituŋa kon ŋulu ibu iyoŋ yau alo Ijipit akitiya ŋuna aronok. Emyekis ikes atipei ŋuna abu ayoŋ ecikit ikes akiwuap, ido itiyaut aŋuna kec etorube a akuj.”

Ŋikis. 9:27

Totamu ŋiketiyak kon Aburaam, Isaka ka Yakob, nyimitak agogoŋu a ŋakyes a ŋituŋa a lu, nyimitak aronis kec ka asecit kec,

Ŋikis. 9:29

Erae ikes ŋituŋa ŋulu kon a elope ŋulu ibu iyoŋ iyau ka apedor kon a ŋina apolon ka agogoŋu kon.”

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 9:12

Abu Kristo toloma loeema akitodol Nakibois ŋina Asegan nooi apeilomaret ŋina itemokino jik; pa atiŋit iŋes ŋaokot ŋuna a ŋamee ka ŋuna a ŋitak a ŋulu moŋin, nai abu toloma a ŋaokot keŋ ke elope, ido eyau alakuno yok ŋina a jik.

Akis. 5:9

Apotu ikes toeikis eete ŋolokitete temasi, “Emaikina iyoŋ alemun ekitaabo toŋaa ŋakipuceta keŋ. Anerae ikiaritae sek iyoŋ ka ibu togyelu ŋituŋa a ŋaokot kon iyau neni ka Akuj, ŋituŋa a ŋikabilae, a ŋaŋajepa, a ŋakwapin ka a ŋibukui a daadaŋ.

1 Sam. 7:9

Aŋun, abu Samuel tolemu imesek ŋini ariŋa enaki, inak neni ke Ekapolon erae ainakinet ŋina epeyo; kigworonok Samuel Ekapolon aŋuna a Ŋisirael, toboŋok nai Ekapolon akilip a Samuel.