Ŋikis. 9:21 - Ebaibul

²¹ Abu nai ayoŋ olemu ibore kus ŋin ŋini etesecan, iŋes etorube a itaok, ecuny ka akim, ido obwaŋabwaŋaiya iŋes jik ka eryaa jik tari ŋina aruworor apuwa, eelak apuwa ŋin na ŋolol ŋina alele kwap emoru.

Ŋikis. 9:21 Iomraidhean Croise

1 Ŋirw. 15:13

Tolema iŋes tari Maaka toto keŋ anarakau arwosit anerae, kebu kitiyau etorube a akuj aŋina enyaritae Asera. Abu Asa toyepak akuj ŋin kwap tosodi kicuny anauwat a ŋina a Kidiron.

2 Ŋakiro a ŋirwa 34:7

Abu kitiya nu anakwap a Yudaya a daadaŋ, tobwaŋabwaŋaa ŋamuroeta, ŋitorubei ka akuj a ŋina anyaritae Asera, kinyaadi ŋakujo toruwor apuwa ka totubutubu ŋamuroeta ŋuna ecunyere ekinyate anakwap a Isirael a daadaŋ. Ani irikakini, toboŋo Yerusalem.

Awos. 32:20

Tolot nai Moses tolemu etorube a itaok a ŋini kepotu ŋituŋa kitiyaut, kimasak nakim kicuny, kiryaa todopirir, kipurupurak nakipi, ido inak Ŋisirael tomata ŋakipi ŋun.

Isa. 30:22

Tosodi nai, inyasunete iyes ŋitorubei a ŋakujo kus ŋulu eburusiyaritae a esilipa ka ŋitorubei ŋulu eburisikinitae egolid. Icakarete iyes ikes esibito ŋaraco ŋuna asiilyanak, itemarete iyes neni kec, “Nyikicamit isua iyes!”

Isa. 31:7

Kitiyata ŋun, anerae akoloŋit ŋina ebunio Ekapolon, imasarete iyes daadaŋ ŋitorubei a ŋakujo kus ŋuna itiyaunitae a esilipa ka ŋuna itiyaunitae a egolid, ŋitorubei ŋulu ipotu iyes kitiyaut a ŋakan kus irae ŋikasecak.

Osea 8:11

Aŋuna abunio Epuraim kitalala ŋamuroeta aŋuna ka akitiyaa ŋamuronisya ŋuna emookunor anasecit, aruwor ŋamuroeta ŋun ŋuna eseceneneere.

Mika 1:7

Ebiliilaaryo ŋitorubei a ŋakujo ŋulu eya tooma keŋ. Icunyaryo ŋainakineta a ŋakujo keŋ daadaŋ, enyasuni ayoŋ ŋitorubei a ŋakujo keŋ daadaŋ. Aŋuna abunio Samaria tocunia ŋainakineta anamalao ka akilip neni a ŋakujo, isitiyao ŋainakineta ŋun amalaania nabo.

Ŋikis. 9:20

Abu Ekapolon toŋoo nooi neni ka Aron tocamu akiar iŋes, nai abu ayoŋ odyek Ekapolon aŋuna keŋ apaki ŋinapei ŋin.