Ŋikis. 9:10 - Ebaibul

¹⁰ Abu nai Ekapolon okoinak ayoŋ ŋamoru ŋunaarei ŋunadapal, ŋuna egirit Akuj alope, egiritae namoru ŋun ŋakiro daadaŋ ŋuna aris Ekapolon kirwor neni kus alomoru eyai narira akoloŋit ŋina iyakatar iyes iwapei nakeju a emoru.

Ŋikis. 9:10 Iomraidhean Croise

Awos. 31:18

Ani kedau Ekapolon akisirwor Moses alokidiama emoru Sinai, abu Ekapolon inak Moses ŋamoru ŋunadapal ŋaarei ŋuna ka Acamunet, ŋuna egirit Akuj ŋakiro ke ekimoin keŋ.

Mat. 12:28

Nai ani kerae Etau ŋolo ka Akuj eritanarya ayoŋ ŋipyan iŋes atemar adau Apukan ka Akuj adolun neni kus.

Luk. 11:20

Nai ani keritanari ayoŋ ŋipyan ka apedor a ŋina ka Akuj, akeepolou iŋes atemar abu Apukan ka Akuj neni kus.

2 Ŋikor. 3:3

Iyookino kire atemar iraakasi iyes abaruwa ŋina a Kristo, ŋina erae isua ikigirit. Nyigiritae iŋes ka akalam, nai igiritae a Etau a ŋolo ka Akuj a ŋina eyari ka nyigiritae namoru, nai lotai a ŋituŋa.

Ŋikis. 10:4

Abu nai Ekapolon kigirak namoru ŋunadapal ŋun ŋakiro ŋunapei sek aya namoru ŋuna a ekiŋaren, arae ŋakiro ŋun ŋakiciketa ŋunatomon ŋuna abu Ekapolon itolimok iyes alomoru akoloŋit ŋina iyakatar iyes iwapei, ŋina erworor Ekapolon eyai narira. Abu Ekapolon okoinak ayoŋ ŋamoru ŋun.

Ŋikis. 18:16

Ŋakiro nu ikes ipotu iyes kiŋita Ekapolon Akuj kus akoloŋit ŋina iponiata iyes tocunakin alomoru Oreb, ŋina ibaakatar iyes, “Ani kikiira nabo iwon etoil ka Akuj a Ekapolon yok, kori kikiŋolik nabo akim ŋina apolon na, ikitwaki iwon.”

Ŋibur. 8:10

Tokona erae na Acamunet ŋina ikicamunor ayoŋ ka ŋituŋa a Isirael alorwa a ŋulu eponito: Ewuakini ayoŋ Ŋikisila kaŋ natameta kec, egirakini daŋ ikes lotai kec. Aruwor ayoŋ Akuj kec ka eruworosi ikes ŋituŋa kaŋ.