Ŋikis. 9:1 - Ebaibul

¹ Kiirasi, okoe Ŋisirael! Aapuu iyes adokar ekekwaye Yorodan nakoloŋit na aŋuna ka alomar nakwap ŋina a Kanaan, kiritasi ŋituŋa a ŋakwapin ŋulu elalak ka egogoŋ akilo iyes, ŋulu iboiyete alotaunio a ŋulu apolok a ŋulu edukitoe ŋaduketa ŋunajiet ŋuna aoyak nooi,

Ŋikis. 9:1 Iomraidhean Croise

Akisy. 11:4

Temasi, “Potu, odukutu etaun yok, odukokisi aduketait ŋina aoyan ŋina edoli aita keŋ nakuj, ikotere ikiruwor iwon ŋulu ikiyenen alotuŋa, ido nyikielar iwon nakwapin daadaŋ.”

Awos. 32:1

Ani eyenunete ŋituŋa atemar adidi Moses aboŋun alokidiama emoru, apotu tocunakinos kirimokis Aron kidiŋ temasi neni keŋ, “Bua, kitiyakinae isua ŋakujo ŋuna ikirikete isua, anerae nyikiyeni isua ŋakiro ŋuna kitiyakin neni a Moses a ŋolo abu ikitipeunio isua anakwap a Ijipit.”

Dan. 4:11

Abu ekitoe ŋol topolou ka togogoŋior abu akou keŋ todol kidiama ka eteo ekitoe ŋol anakwap a daadaŋ.

Amos 2:9

Torae bo abu ayoŋ omunya Ŋiamori alokiŋaren kec, arae Ŋiamori ŋituŋa ŋulu aoyak ikwa ŋikito a Cedar ka agogoŋ ikes ikwa ŋikuyono; abu ayoŋ omunya ikes jik ŋinapei alokidiama tari nataagor.

Ekim. 13:22

Aŋun apotu ikes kitipeiyosi Negeb, todolo Eburon, Aiman ka Sesai ta Talimai. Arae Ŋianaki ikes eboiyete a nen. (Kedukyo Eburon ŋikaru ŋikanikaarei eriŋa nyeduko Soan alo Ijipit.)

Ekim. 33:51

“Kirwor neni a Ŋisirael, tolimok ikes ebe, ‘Ani ituborosi iyes lowae ye Yorodan, nakwap ŋina a Kanaan,

Ŋikis. 1:28

Ai ikilosi iwon? Ikitubulo isua ŋakiro a ŋikaitotoi kosi ŋuna enyakunete ikes anakwap a ŋina alosito akireb ebasi ‘Egogoŋ ŋituŋa ŋulu iboiyete anakwap a ŋin ka eoyak akilo iwon ka daŋ epolok ŋitaunio kec eyakasi ŋaduketa ŋunajiet ŋuna aoyak nooi alokidiama; aponi daŋ isua kiŋolikinae ŋiletok a Ŋianakim.’ ”

Ŋikis. 11:23

ebuni nai Ekapolon akiritar ŋituŋa a ŋakwapin alokiŋaren kus ka iritarete iyes ŋituŋa a ŋakwapin ŋulu alalak ka ŋulu egogoŋ akilo iyes.

Ŋikis. 11:31

Ani idokarete iyes ekekwaye Yorodan, ilomarete akiboikin nakwap ŋina ikiinit iyes Ekapolon Akuj kus ka ani ikamarete iyes iŋes ka iboikinosi nen,

Ŋikis. 27:2

Akoloŋit ŋina idokariata iyes ekekwaye Yorodan, ido tolomasi nakwap ŋina ikiinit iyes Ekapolon Akuj kus, emaikina iyes tosipokis ŋamoru ŋuna aburok, kilelyakis esimit.

Ŋikis. 3:18

Apaki ŋin, abu ayoŋ ekecik iyes otema, “Tari daŋ kikiinit iyes Ekapolon Akuj kus akwap ŋin toruwor ŋina kus, emaikina ŋasigarya kus totuboros ekekwaye Yorodan etiŋito ŋiboro ŋulu ke ejie, kiŋarenikis ŋiyeneta kus Ŋisirael ŋuluce.

Ŋikis. 4:1

Aŋun, nai tokona, iyes Ŋisirael kiirasi, kiwuapa ŋakiro ŋuna etubunitoe ka ŋikisila ŋulu eketatami ayoŋ iyes, ikotere iyes iyarete, ido tolomasi ka kiboikinos nakwap ŋina ikiinit iyes Ekapolon Akuj atapapaa kus.

Ŋikis. 4:38

abu kirita aŋuna kus ŋituŋa a ŋakwapin ŋulu alalak ka ŋulu agogoŋ akilo iyes, ikotere ikiyauni iyes nakwapin kec ikiinak iyes ŋakwapin ŋun toruworos ŋuna kus, lopite ŋolo eraakatar ŋuna kus tari tokona.

Ŋikis. 6:10

Ani ikiyauni iyes Ekapolon nakwap ŋina abu iŋes kikoŋ neni atapapaa kus Aburaam, Isaka ka Yakob, atemar ikiinakini iyes, akwap ŋina eya ŋitaunio ŋulu ajokak ka topolok, akwap ŋina a ŋitaunio a ŋulu pa arae iyes idukete,

Ŋikis. 7:1

Ani ikiyauni iyes Ekapolon Akuj kus nakwap ŋina eapi iyes alomar ka akituruwor ŋina iboiyoto iyes, ido kirita ŋituŋa a ŋakwapin alokiŋaren kus, kirita Ŋiitaiti, Ŋigiragasi, Ŋiamori, Ŋikanaani, Ŋiperisi, Ŋiipi ka Ŋiyebusi, ŋituŋa a ŋakwapin a ŋakanikaarei ŋulu egogoŋ ka elalak akilo iyes

Yos. 1:11

“Kirimokisi alomar, tolimokisi ŋituŋa ŋakiro nu, ‘Kitemonokisi akimuj, anerae kelunyarosi ŋirwa ŋiuni ilosete iyes akidok aŋolol Yorodan, ido kikamasi akwap ŋina ikiinit iyes Ekapolon Akuj kus.’ ”

Yos. 1:15

akitodol ŋina isieŋunia Ekapolon ŋituŋa kus kaapei ka iyes, kitolom ikes daŋ nakwap ŋina einakinit Akuj Ekapolon kus ikes. Ani isiboikini Akuj ŋatekerin a Isirael daadaŋ, toboŋut nai iyes kiboikinos nalup kus ŋuna abu Moses eketiyan ŋolo ke Ekapolon itotyakak iyes alo Kide aŋolol Yorodan.”

Yos. 14:12

Aŋun, inakinae ayoŋ akwap ŋina a ŋikamukumukui na, ŋina abu Ekapolon ekeik ayoŋ akoloŋit ŋina ikiboŋunio ayoŋ ka ŋirukitos kaŋ, itolimokin iyes ŋakiro a akwap a Kanaan. Iyoŋ daŋ elope ibu kiira apaki ŋin atemar edukito ŋimoe ŋulu anyaritae Ŋianakim ŋitaunio ŋulu ewuatae a ŋarwatatain a ŋuna egogoŋ. Nai ani kekeŋarak Ekapolon ayoŋ, apedori akibwaŋ ikes erita ikwaŋinapei alimunitor Ekapolon.”

Yos. 3:14

Ani ewotokinete ŋituŋa aneni alomito, akidok aŋolol Yorodan, eŋarenikinito ŋisacaradotin ŋulu adakito Asaduku ŋina ka Acamunet.

Yos. 3:16

totubos ŋakipi, towua aiwapei aneni alwanan, alotaun a ŋolo anyaritae Adam, a ŋolo ebakasi ka Saretan. Tosodo ŋakipi ŋuna aleleete lowae ŋolo ka anam a ŋina enyaritae ŋina Atwan, totubos. Todokasi nai ŋituŋa ekekwaye aŋolol Yorodan alowae a ŋolo iteosi ka Yeriko.

Yos. 3:6

Tolimok daŋ ŋisacaradotin tema, “Todaka Asaduku ŋina ka Acamunet tolunyaros kiŋaren ŋituŋa.” Todakasi nai ikes Asaduku ŋina ka Acamunet, toloto kiŋaren ŋituŋa.

Yos. 4:19

Adokete Ŋisirael aŋolol Yorodan ŋirwa ke elap ŋitomon, elap ŋolo ke epei alopite a ŋolo imaryata ikes ŋilapyo. Toloma ikes neni enyaritae Giligal alo Kide Yeriko.

Yos. 4:5

Tolimok iŋes ikes tema, “Toloto tooma aŋolol Yorodan neni eyai Asaduku ŋina ka Acamunet a ŋina ke Ekapolon Akuj kus. Itemokino ŋinituŋanan toryoŋu amoru apei, ikotere eriyan ekimar a ŋamoru ka ekimar a ŋikabilae a Ŋisirael.