Ŋikis. 8:2 - Ebaibul

² Totamunito erot ŋolo aoyan ŋolo abu Ekapolon Akuj kus ikirikyo iyes analoŋisat ŋikaru ŋatomoniomwon lu, ikotere itiditeunosi iyes make ka ikikatanak iyes aŋuna ka ayenunia ŋakiro ŋuna aya lotai kus ka ayenunia erae kipedorete akiwuap ŋakiciketa keŋ, kori mam.

Ŋikis. 8:2 Iomraidhean Croise

Akisy. 22:1

Kelunyar ŋakiro ŋun daadaŋ, kikatak Akuj Aburaam tonyara iŋes tema, “Aburaam,” Tema Aburaam, “Ayai.”

2 Ŋakiro a ŋirwa 32:31

Ani tari iyakuunete ŋikepukak a Babilon ŋituŋa kec neni a Esekia akiŋit iŋes akujuwuanut ŋina abu kitiyakin nakwap keŋ, abu Akuj tocamak iŋes akitiya ŋuna acamit aŋuna ka akikatakin iŋes, anerae acamit Akuj aanyun ŋakiro daadaŋ ŋuna ayakasi lotau a Esekia.

2 Ŋakiro a ŋirwa 33:12

Ani eyakaun Manase locan ŋul, abu kiwar ajokis ŋina a Ekapolon Akuj keŋ, kitiditeun bon nooi aneni ka Akuj atapapaa keŋ.

2 Ŋakiro a ŋirwa 33:19

Ŋakiro ŋuna ka akilip a Manase, epite ŋolo ainakinia Akuj Manase ŋuna ewarit Manase ka ŋuna a ŋakiboisyo a ŋuna abu iŋes toduk nenimukur, ido kiwuanak ŋitorubei a akuj a ŋina anyaritae Asera ka ŋitorubei ŋice daŋ eriŋa nyitiditeuna bon, igiritae lokitaaboi ŋulu igiritae ŋakiro a ŋiketeyenikinak.

Neem. 9:19

ibu iyoŋ anakisyon kon a ŋina apolon nyimyek ikes analoŋisat, abu adis ŋina eŋarenikinit ikes alorot naparan nyimyek ikes, tari arira ŋina eŋarenikinit ikes nakwaare alorot, abu nyimyek ikes.

Yob 33:17

ikotere nai Akuj iteesikini ŋituŋa akitiya aronis, kitojoŋo ikes akituro,

Ŋikiru. 103:2

Okoe etau kaŋ, kipur Ekapolon, nyikimuryakis ŋuna ajokak daadaŋ ŋuna adau iŋes akitiya.

Ŋikiru. 106:7

Ani apaki ŋina ayakatar atapapaa kosi Ijipit, nyemitakina ikes ŋiticisyo kon ŋulu ka aumokin, nyetamuna ikes alalau a amina kon a ŋina nyiryaŋiryaŋa, nai apotu toŋero Akuj ŋina alokidiama nooi apaki ŋina ayakatar diyete anam ŋina Areŋan.

Ŋikiru. 136:16

Iŋes abu torik ŋituŋa keŋ kitoryo naloŋisat, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 77:11

Emaikina ayoŋ otamu ŋiticisyo kon, okoe Ekapolon; ee, emaikina ayoŋ otamu ŋakiro kon ŋuna ka aumokin ŋuna koloŋ ibu iyoŋ kitiya.

Ŋikiru. 81:7

Alocan kus ipotu iyes itonyarata ayoŋ, ido abu ayoŋ okoiu iyes, abu ayoŋ okoboŋok iyes anakibois a ŋina emunono a ŋina ayai neni agiro; abu ayoŋ ekekatak iyes apaki ŋina iyakatar locowae ŋulu a Meriba.

Awos. 15:25

Kikalou Moses neni ke Ekapolon, ido abu Ekapolon kitoodik akitoe ŋinadio cici, kimasak Moses akitoe ŋin nakipi, tobobout ŋakipi ŋuna sek adwarak. Abu nai Ekapolon inak Ŋisirael ŋikisila ka ŋuna atubunit iŋes, kikatak ikes

Awos. 16:35

Kimuja Ŋisirael Manna ŋikaru ŋatomoniomwon, akitodol ŋina adolunioto nakwap ŋina apotu kiboikinos. Apotu ikes kimuja Manna akitodol ŋina adolunito lokukoru ŋolo ka akwap a Kanaan.

Awos. 16:4

Tema nai Ekapolon neni a Moses, “Etodoiuni tokona ayoŋ akimuj anakuj aŋuna kus, emaikina ŋituŋa toloto a ŋinakoloŋit kiriraut akimuj ŋina itemokino akoloŋit ŋin. Alopite a ŋol, ekatakini ayoŋ ikes, kiwuapete ŋuna alimok ayoŋ ikes, kori mam.

Awos. 20:20

Tema Moses neni a ŋituŋa, “Nyikuryaketa, anerae ebunit Akuj erae akikatakin iyes, ikotere torubakis iwuapito ŋakiro keŋ nyiseceta.”

Ŋakit. 17:3

Eliyo esilipa ka egolid anibore a ŋini ipoere ikes alokitet tojokyata, nai Ekapolon iŋes elii ŋitai a ŋituŋa tojokyata.

Isa. 2:17

Itiditeunio apolou a ŋituŋa a daadaŋ a ŋulu itopolooro ka ejamuwaryo akituro a ŋulu iturosi. Tosodi Ekapolon bon itopolooryo akoloŋit ŋin.

Yer. 2:6

Nyetemara ikes, ‘Ai eyai Ekapolon, ŋolo ikiyauni isua ikitipeunio anakwap a Ijipit, ŋolo abu ikirik isua analoŋisat ka anakwap a ŋina arae alaro ka ŋina aya ŋapanya, anakwap a ŋina aonon ka a ŋina a akiryonut a ŋina alalan, anakwap a ŋina emam ituŋanan epedori akitor, a ŋina emam ituŋanan iboiyo?’

Esek. 20:19

Ayoŋ Ekapolon arae Akuj kus; kiwuapa ŋikisila kaŋ ka kiwuapa icoikinito nooi ŋakiro ŋuna akalimok ayoŋ iyes atemar kiwuapa.

Amos 2:10

Nabo abu ayoŋ okoyau iyes anakwap a Ijipit, okorik iyes ŋikaru ŋatomoniomwon analoŋisat, ikotere okoinak iyes akwap a Ŋiamori.

Ekim. 14:33

Tosodi eruwor ŋidwe kus ŋikeyokok analoŋisat ŋikaru ŋatomoniomwon ka eryamunete ŋican aŋuna pa iraakatar iyes ŋituŋa ŋulu ikinyoma, akitodol tari ŋina etwania ŋolo esidyon alotooma kus, kidoŋo ŋawat kus daadaŋ naloŋisat.

Luk. 18:14

Akalimokini ayoŋ iyes atemar, abu ekeriran ocur tolot lore keŋ iyookino alokiŋaren Akuj, akilo Eparisayot; anerae ŋinituŋanan itopolooryo bon, itiditeunio; nai ŋini itiditeuna bon, itopolooryo.”

Yoa. 2:25

Pa eitanit iŋes idiotuŋanan akiteyenikin iŋes ŋuna a ŋituŋa, anerae ayeni iŋes ŋuna aya tooma lotai kec.

Ŋikis. 1:3

Ekaru ŋolo a ŋatomoniomwon, elap ŋolo a ŋitomon ka epei ŋirwa ke elap epei, kirwor Moses neni a Ŋisirael ikwapei ecikitor Ekapolon iŋes akirwor neni kec.

Ŋikis. 1:33

ŋolo ikiŋarenikinit iyes erot daadaŋ aryamun akibois ŋina ilomete iyes. Abu iŋes ikiŋarenik iyes nakwaare esibit arira a akim ka naparan esibit adis, ikitoodikinit iyes erot ŋolo emaikina iyes kiwuapa.”

Ŋikis. 13:3

Nyemaikina iyes kiwuapa ŋakiro a ŋikadwarak a ŋul, kori a ŋikerujak a ŋul, a ŋulu edwarete ŋuna eponito, anerae ikikatakinit Ekapolon Akuj kus iyes, ikotere eyenuni erae kiminasi iyes kire Ekapolon Akuj kus a ŋitai kus a daadaŋ ka a akiyar kus a daadaŋ.

Ŋikis. 2:7

Kire jik, ikiterereŋ Ekapolon Akuj kus iyes anakiro a daadaŋ a ŋuna itiyata iyes, eyeni iŋes alosit kus ŋina ilosyoto iyes analoŋisat na a ŋina apolon nooi. Ŋikaru ŋatomoniomwon lu daadaŋ irukito iyes ka Ekapolon Akuj kus, mam ibore ipotu iyes kicanakin.’ ”

Ŋikis. 29:5

Abu ayoŋ okorik iyes ŋikaru ŋatomoniomwon analoŋisat. Nyenyamuna ŋilowi anawat kus ka nyenyamuna ŋamuk anakejen kus;

Ŋikis. 32:7

Totamutu ŋirwa ŋulukoloŋ, totamatamata ŋuna a ŋikaru a ŋulu alunyarosi, kiŋit ŋinituŋanan papa keŋ kiteyenik iŋes, kiŋita ŋikasikou kus ikilimokinete ikes iyes.

Ŋikis. 7:18

Nyikuryaketa aŋuna kec. Nai totamunito ŋuna abu Ekapolon Akuj kus kitiya neni a Parao ka nakwap a Ijipit daadaŋ,

Ŋikis. 8:16

ka ikisimuj iyes analoŋisat a akimuj a ŋina anyaritae Manna, akimuj ŋina pa ayenete atapapaa kus; abu Ekapolon kitiya ŋun akitiditeunia ka akikatakinia iyes, ikotere ekaku kitiya ŋuna ajokak neni kus.

Yak. 1:3

anerae iyenete iyes atemar ŋina ilounia anupit kus ŋakikatakineta, ititinyorosi iyes.

Yak. 4:10

Kitiditeunos alokiŋaren Ekapolon, ido ikitopoloori iŋes iyes.

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”

1 Pet. 1:7

Erae ikes ŋakikatanakinet anupit kus kerae ŋina a kire. Tari egolid daŋ ŋolo epedoryo akinyasun, ikatakinio ka akim; anupit kus daŋ ŋina ejok nooi akilo egolid, itemokino torotae, ikotere etitinyikini. Aŋun, iryamunete iyes akipuro ka apolou ta akereru apaki ŋina isileereunere Yesu Kristo.

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.

Ŋikat. 2:22

Aŋuna ka akikatakinia Ŋisirael, kepedorete kori pa kepedorete akiricakin akiwuap ŋuna a Ekapolon lopite ŋolo etiyatotor atapapaa kec, kori kemam,

Ŋikat. 3:4

Erae ŋakwapin ŋun ŋuna emyekinit Ekapolon aŋuna ka akitakakinia Ŋisirael, toyenunia kepedorete Ŋisirael akiwuap ŋakiciketa ŋuna ke Ekapolon ŋuna abu Ekapolon kicik atapapaa kec akiwuap aneni a Moses.