Ŋikis. 8:16 - Ebaibul

¹⁶ ka ikisimuj iyes analoŋisat a akimuj a ŋina anyaritae Manna, akimuj ŋina pa ayenete atapapaa kus; abu Ekapolon kitiya ŋun akitiditeunia ka akikatakinia iyes, ikotere ekaku kitiya ŋuna ajokak neni kus.

Ŋikis. 8:16 Iomraidhean Croise

Akisy. 22:1

Kelunyar ŋakiro ŋun daadaŋ, kikatak Akuj Aburaam tonyara iŋes tema, “Aburaam,” Tema Aburaam, “Ayai.”

2 Ŋakiro a ŋirwa 32:31

Ani tari iyakuunete ŋikepukak a Babilon ŋituŋa kec neni a Esekia akiŋit iŋes akujuwuanut ŋina abu kitiyakin nakwap keŋ, abu Akuj tocamak iŋes akitiya ŋuna acamit aŋuna ka akikatakin iŋes, anerae acamit Akuj aanyun ŋakiro daadaŋ ŋuna ayakasi lotau a Esekia.

Yob 42:12

Abu nai Ekapolon kiterereŋ Yob alorwa keŋ a ŋulu esidyok akilo ŋulu a ekiŋaren; abu Yob toyakaunor ŋamesekin ŋalipyo ŋatomon ka ŋaomwon, ŋikaala ŋalipyo ŋakanikapei, ŋimoŋin ŋalipyo ŋaarei ka ŋisigirya aliput.

Ŋikiru. 119:68

Ijok iyoŋ, ido ejokak ŋuna itiyae iyoŋ; kitatamae ayoŋ ŋakiro ŋuna itubunit iyoŋ.

Awos. 15:25

Kikalou Moses neni ke Ekapolon, ido abu Ekapolon kitoodik akitoe ŋinadio cici, kimasak Moses akitoe ŋin nakipi, tobobout ŋakipi ŋuna sek adwarak. Abu nai Ekapolon inak Ŋisirael ŋikisila ka ŋuna atubunit iŋes, kikatak ikes

Awos. 16:15

Ani iŋolikinete Ŋisirael ibore ŋin, kiŋitanaros make temasi, “Nyo ibore ŋin?” Anerae pa ayenete ikes atemar kerae nyo. Tema Moses neni kec, “Erae akimuj ŋina ikiinak iyes Ekapolon atemar tonyama.

Awos. 16:31

Tolimokis Ŋisirael ekiro ka akimuj a ŋin Manna. Akwaŋ akimuj ŋin ekoni ŋicok a emucele ka abob nooi ekoni ŋamugati ŋuna itiyaunitae a akimyet a ŋina ka ao.

Awos. 16:4

Tema nai Ekapolon neni a Moses, “Etodoiuni tokona ayoŋ akimuj anakuj aŋuna kus, emaikina ŋituŋa toloto a ŋinakoloŋit kiriraut akimuj ŋina itemokino akoloŋit ŋin. Alopite a ŋol, ekatakini ayoŋ ikes, kiwuapete ŋuna alimok ayoŋ ikes, kori mam.

Awos. 20:20

Tema Moses neni a ŋituŋa, “Nyikuryaketa, anerae ebunit Akuj erae akikatakin iyes, ikotere torubakis iwuapito ŋakiro keŋ nyiseceta.”

Ŋakit. 17:3

Eliyo esilipa ka egolid anibore a ŋini ipoere ikes alokitet tojokyata, nai Ekapolon iŋes elii ŋitai a ŋituŋa tojokyata.

Dan. 11:35

Earyo ŋice a ŋikaosok a ŋul, ikotere ikes itojokunio, italeunio ka itesegunio akitodol apaki ŋina ka asalunet, anerae erae ŋun ŋuna itiyakin anapaki a ŋina etubunitoe.

Ŋirom. 8:28

Ikiyeni iwon atemar aloboro a daadaŋ, itiyae Akuj ŋuna ajokak kaapei ka ŋulu eminasi iŋes, ikes ŋulu adau iŋes anyarare akitiya ŋuna ecamit iŋes.

2 Ŋikor. 4:17

Anerae ŋican ŋulu ikiryamunit iwon ŋulu esalunete, erae koŋin kisikwaani ka apolou ŋina ajokan nooi ŋina nyesaluni ŋina itemonokinete ŋican ŋul aŋuna yok.

Ŋikis. 13:3

Nyemaikina iyes kiwuapa ŋakiro a ŋikadwarak a ŋul, kori a ŋikerujak a ŋul, a ŋulu edwarete ŋuna eponito, anerae ikikatakinit Ekapolon Akuj kus iyes, ikotere eyenuni erae kiminasi iyes kire Ekapolon Akuj kus a ŋitai kus a daadaŋ ka a akiyar kus a daadaŋ.

Ŋikis. 8:2

Totamunito erot ŋolo aoyan ŋolo abu Ekapolon Akuj kus ikirikyo iyes analoŋisat ŋikaru ŋatomoniomwon lu, ikotere itiditeunosi iyes make ka ikikatanak iyes aŋuna ka ayenunia ŋakiro ŋuna aya lotai kus ka ayenunia erae kipedorete akiwuap ŋakiciketa keŋ, kori mam.

Ŋikis. 8:3

Abu iŋes ikitapatanu iyes ikitanyam akoro, nai abu ikiinak iyes Manna, akimuj ŋina sek pa iyenete iyes, kori atapapaa kus, ikotere ikiteyenikinia iyes atemar nyeyari ituŋanan a akimuj bon, nai ka akirot a daadaŋ a ŋina elimuni Ekapolon.

Yak. 1:12

Erereŋ ituŋanan ŋini etitinyikini ŋakikatakineta, anerae kedau iŋes akikatakino, eryamuni ikwa ebokot akiyar ŋina iikinit Akuj ŋituŋa ŋulu eminasi iŋes.

1 Pet. 1:7

Erae ikes ŋakikatanakinet anupit kus kerae ŋina a kire. Tari egolid daŋ ŋolo epedoryo akinyasun, ikatakinio ka akim; anupit kus daŋ ŋina ejok nooi akilo egolid, itemokino torotae, ikotere etitinyikini. Aŋun, iryamunete iyes akipuro ka apolou ta akereru apaki ŋina isileereunere Yesu Kristo.