Ŋikis. 8:15 - Ebaibul

¹⁵ nyikimuryak Ekapolon ŋolo abu ikirik iyes analoŋisat a ŋina apolon nooi ka a ŋina a ŋican a ŋulu apolok a ŋina eleleba ŋimuno ka ŋitwania ŋulu aarak. Abu Ekapolon kiteleleu ŋakipi aŋuna kus anataaba a ŋinasulut

Ŋikis. 8:15 Iomraidhean Croise

Ŋikiru. 105:41

Abu Akuj toped ataaba, ido apotu ŋakipi toleleut kiŋa; toleleyasi analoŋisat lopite ŋolo elelyaa aŋolol;

Ŋikiru. 114:8

Akuj ŋina abu kituruwo ataaba atapar ŋina eya ŋakipi, kituruwo ataaba ŋina agogoŋon elelya ŋolo a ŋakipi.

Ŋikiru. 136:16

Iŋes abu torik ŋituŋa keŋ kitoryo naloŋisat, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Isa. 30:6

Erae nu ŋakiro ŋuna aponi todwarae aŋuna a ŋityaŋ a ŋulu eya Negeb: Elosete ŋikiyakitono itorito nakiboisyo ŋuna a ŋatyokisyo, ŋuna eya ŋican, nakiboisyo ŋuna eya ŋaŋatunyo ka ŋiŋatunyo ŋulu ipopolaete, nakiboisyo ŋuna eya ŋapomya ka ŋimuno ŋulu eporete. Elosete ikes nen iwokito abaru kec a ŋisigirya ka iwokito ŋisiliŋa kec a ŋikaala, eayete ikes ŋiboro ŋul neni a ŋituŋa a ŋulu nyepedorete akiŋarakin ikes.

Isa. 35:7

Eruwor asinyon ŋina amwanan abwal ka eruwor neni sek icana ŋakipi ŋilelyan, eruwor neni sek iboiyoto ŋikweei ŋijomya elomunete a nen ŋatetelei ka asasaki.

Isa. 43:19

Eapi ayoŋ akitiyakin ibore ŋini kitete, ageu ibore ŋin akitiyakin, eriŋa iyes nyeyenuna a? Ewuakini ayoŋ erot naloŋisat ka ewuakkini ŋaŋololin naonite.

Yer. 2:6

Nyetemara ikes, ‘Ai eyai Ekapolon, ŋolo ikiyauni isua ikitipeunio anakwap a Ijipit, ŋolo abu ikirik isua analoŋisat ka anakwap a ŋina arae alaro ka ŋina aya ŋapanya, anakwap a ŋina aonon ka a ŋina a akiryonut a ŋina alalan, anakwap a ŋina emam ituŋanan epedori akitor, a ŋina emam ituŋanan iboiyo?’

Osea 13:5

Arae ayoŋ etani ikes analoŋisat, anakibois a ŋina aonon.

Ekim. 20:11

A nen, kikyaa Moses akan keŋ, toram ataaba ŋin ŋarwa ŋaarei a ebela keŋ; kiyesun ŋakipi elalak nooi, tomata ŋituŋa ka ŋibaren kec.

Ekim. 21:6

Abu nai Ekapolon kiyakik ŋituŋa ŋimuno ŋulu adwarak a ŋakisorito, tokonyakonyata ŋimuno ŋul ŋituŋa totwaka Ŋisirael ŋulu alalak.

1 Ŋikor. 10:4

tomata daŋ ŋakipi ŋuna ainakini iŋes ikes. Apotu ikes tomata anataaba a ŋina ka Akuj a ŋina arukito ka ikes; arae ataaba ŋin Kristo elope.

Ŋikis. 1:19

Ikwapei abunio Ekapolon Akuj yok ikilimokinia iwon, aponi iwon towotokinae alo Oreb, totuboe aloŋisat daadaŋ ŋina apolon nooi ŋina a ŋican ŋina ipotu iyes kiŋolikis ewosyo iwon nakwap ŋina a ŋikamukumukui, nakwap ŋina a Ŋiamori akitodol ŋina adolere iwon Kades-Barinea.

Ŋikis. 32:13

Abu Ekapolon inak ikes kipukata anakibois a ŋina aoyan, kitanu ikes a ŋikinyom a ŋimanikorin, kitopolou ikes a ao a ŋina ayai natabab ka a akimyet a ŋina a ayai natabab ŋuna idokok.