Ŋikis. 8:1 - Ebaibul

¹ Emaikina iyes kiwuapa ŋakiciketa daadaŋ ŋuna ekecik ayoŋ iyes nakoloŋit na, ikotere iyes iyarete ka topitut, tolomasi ka kiboikinos nakwap ŋina abu Ekapolon kiik anakikoŋ ainakin neni atapapaa kus.

Ŋikis. 8:1 Iomraidhean Croise

Esek. 20:19

Ayoŋ Ekapolon arae Akuj kus; kiwuapa ŋikisila kaŋ ka kiwuapa icoikinito nooi ŋakiro ŋuna akalimok ayoŋ iyes atemar kiwuapa.

Ŋikis. 1:8

Kiirasi akainak ayoŋ iyes akwap ŋin, toloto kikamasi akwap ŋin kituruwosi ŋina kus, akwap ŋina abu ayoŋ ekoŋ ainakin atapapaa kus Aburaam, Isaka ka Yakob ka neni a ŋiletok kec ekaku kec.”

Ŋikis. 4:1

Aŋun, nai tokona, iyes Ŋisirael kiirasi, kiwuapa ŋakiro ŋuna etubunitoe ka ŋikisila ŋulu eketatami ayoŋ iyes, ikotere iyes iyarete, ido tolomasi ka kiboikinos nakwap ŋina ikiinit iyes Ekapolon Akuj atapapaa kus.

Ŋikis. 5:32

Aŋun, emaikina iyes pa iŋayaŋayato, kitiya lopite ŋolo adaunia Ekapolon Akuj kus alimun, nyimyekis akitiya ŋuna iyookino alokiŋaren Ekapolon.

Ŋikis. 5:33

Emaikina iyes kiwuapa jik ŋakiro ŋuna ikicik iyes Ekapolon Akuj kus akiwuap, ikotere iboiyete emam ŋace ka ikotere iboiyete apaki ŋina aoyan anakwap a ŋina ipote iyes akituruwor ŋina kus.

Ŋikis. 8:18

Nai totamunito Ekapolon Akuj kus, iŋes ikiinakini iyes agogoŋu ŋina iryamuniata abaru, ikotere isiyookini iŋes Acamunet keŋ ŋina abu iŋes kikoŋ neni a atapapaa kus, ido lopite ŋolo esiyookinio iŋes nakoloŋit na.