Ŋikis. 7:6 - Ebaibul

⁶ anerae irae iyes ŋituŋa ŋulu asegak aneni ke Ekapolon Akuj kus, irae iyes ŋituŋa ŋulu ikiseu Ekapolon Akuj kus alotuŋa a ŋakwapin a daadaŋ anakwap aruwor ŋituŋa keŋ a alope, ŋituŋa keŋ ŋulu emina iŋes nooi.

Ŋikis. 7:6 Iomraidhean Croise

1 Ŋirw. 3:8

Ayai ayoŋ ne eketiyan kon, kidiŋ ŋituŋa ŋulu iseu iyoŋ, ŋituŋa kon ŋulu alalak ŋulu nyeyenen ekimar, kori ŋulu nyimarun aŋuna elalaata.

Esir 9:2

anerae eitununut ikes ŋidwe ŋulupesur ŋulu a ŋituŋa a ŋul ikwapei ŋaberu kec ka ŋaberu a ŋidwe kec a ŋulusapa. Aŋun, enyalakin ŋituŋa ŋulu asegak ŋulu ka Akuj ka ŋituŋa a ŋakwapin, ido anamamukau akikinyomit Akuj arikokis ŋikapolokinitok ŋituŋa akitiya ŋakiro ŋun.

Ŋikiru. 114:2

abu Yudaya toruwor neni ilipere Akuj, toruwor Ŋisirael ŋituŋa ŋulu ka Akuj.

Ŋikiru. 135:4

Abu Ekapolon toseu Yakob aruwor ituŋanan keŋ, abu Ekapolon toseu Ŋisirael aruwor ŋituŋa keŋ a elope.

Ŋikiru. 50:5

Irworo iŋes ebala, “Tocunutu neni kaŋ ŋituŋa kaŋ ŋulu seuna, ŋulu apotu ocamunos ka ayoŋ anamuronot a ŋina aponi kitiyae.”

Awos. 6:7

Akayai ayoŋ iyes irae ŋituŋa kaŋ ka aruwor ayoŋ Akuj kus. Iyenunete iyes atemar arae ayoŋ Ekapolon Akuj kus, ŋolo akalaku iyes anakisicaneta a Ŋijipitian.

Isa. 41:8

Nai iyes Ŋisirael, ŋituŋa kaŋ, iyes ŋiletok a Yakob ŋulu adau ayoŋ aseun, iyes ŋiletok ka Aburaam a ekone kaŋ;

Isa. 41:9

iyes ŋulu abu ayoŋ ocun anakisaleta a akwap, ŋulu abu ayoŋ okonyarau alokoonae a akwap a ŋulu alwanak, ŋulu abu otema neni kus, ‘Irae iyes ŋiketiyak kaŋ, akaseu ayoŋ iyes ka nyekeritari ayoŋ iyes;’

Isa. 6:13

Tari kidoŋ ituŋanan ipei alotooma ŋitomon nakwap earyo ŋini daŋ ikwaanikin iŋes ka apuŋure a ekwaakwaa, kori ŋina a ekuyon ŋina idoŋi kedaun ayepar ekitoe.” Apuŋure ŋin erae akisyakinet ŋina kitete ŋina a ŋituŋa a ŋulu ka Akuj.

Isa. 62:12

Enyarao ikes, ‘Ŋituŋa ŋulu ka Akuj, ŋituŋa ŋulu alakuni Ekapolon,’ ido enyarao Yerusalem, ‘Etaun ŋolo apolon ŋolo emina Ekapolon. Etaun ŋolo eyakasi ŋituŋa.’ ”

Yer. 2:3

Etaleoritae Isirael aŋuna ke Ekapolon apaki ŋin, iyaanarete iyes apaki ŋin ŋaraito ŋuna esyaunak neni a Ekapolon. Aponi ŋituŋa daadaŋ ŋulu apotu tonyama ŋaraito ŋun kimarakinae erae ŋikasecak, apotu ikes toryamut ŋican.”

Esek. 20:5

ka tolimok ikes atemar ŋakiro ŋuna irworo Ekapolon ikes nu, ‘Akoloŋit ŋina aseunia ayoŋ Ŋisirael, abu ayoŋ ekoŋ neni a ŋiletok a ekal a Yakob, etoodikin neni kec anakwap a Ijipit. Abu ayoŋ ekoŋ neni kec otema arae ayoŋ Ekapolon Akuj kus.’

Ŋilep. 20:24

Nai akalimokini tokona ayoŋ iyes atemar, eruwor akwap kec ŋina kus; akainakini ayoŋ iyes toruwor ŋina irumete iyes, akwap ŋin ŋina eleleata ŋakile ka ao. Arae ayoŋ Ekapolon Akuj kus, ŋina akaseu iyes alotuŋa a ŋakwapin a ŋunace.

Ŋilep. 20:26

Emaikina iyes irae ŋulu asegak aŋuna kaŋ, anerae arae ayoŋ Ekapolon, arae ayoŋ ŋolo aseg, ido akaseu ayoŋ iyes alotuŋa a ŋakwapin toruworos ŋituŋa kaŋ.

Amos 3:2

Alimu Ekapolon ŋakiro nu ebe, ‘Iyes bon abu ayoŋ okoyenu ka ekeric alokidiŋ ŋituŋa a ŋakwapin a daadaŋ, aŋun, ekesicani ayoŋ iyes aŋuna a ŋasecisya kus.’

Mal. 3:17

Ebala Ekapolon ŋolo Etiron ebe, “Eruworosi ikes ŋulu kaŋ, ani edoli akoloŋit ŋina eturuworya ayoŋ ikes ŋituŋa kaŋ a elope, nyaari ayoŋ ikes, esyoni ayoŋ ikes lopite ŋolo epedorya papa akisyon lokoku keŋ ŋolo itiyanakini iŋes.

Ŋitic. 13:17

Abu Akuj ŋina a ŋituŋa a lu a Ŋisirael toseu atapapaa yok, kipitu ikes apaki ŋina ayakatar Ijipit. Anapedor keŋ a ŋina apolon, abu yau ikes alo Ijipit.

Ŋirom. 9:4

Ikes erae ŋituŋa ŋulu a Isirael ŋulu eseunit Akuj kituruwo ŋidwe keŋ ka kitoodik apolou keŋ neni kec. Abu iŋes bu neni kec inak ikes Acamunet ka Ŋikisila daŋ. Eyenete ikes kire epite ŋolo kilipet; aryamut ikes ŋakiikineta ŋuna ka Akuj.

Ŋikis. 14:2

anerae irae iyes ŋituŋa ŋulu asegak aneni ke Ekapolon Akuj kus, iyes ikiseu Ekapolon alotuŋa a ŋakwapin a daadaŋ aruwor ŋulu keŋ, ŋituŋa keŋ ŋulu emina iŋes nooi.

Ŋikis. 14:21

Nyinyama idiobore ŋini etwani bon, ani kicamito inakisi tonyama ŋituŋa ŋulugelae ŋulu iboiyete ka iyes alotaunio kus, kori togyelakisi neni a ituŋanan a ŋinigela, anerae irae iyes ŋulu asegak aneni ke Ekapolon Akuj. Nyidorokis ikale ŋinimeot a ŋakile a toto keŋ.

Ŋikis. 26:18

Nakoloŋit na, icamunosi iyes ke Ekapolon, iruworosi iyes ŋituŋa keŋ ŋulu emina iŋes nooi, lopite ŋolo ikiikinia iŋes iyes ka iwuapete iyes ŋakiciketa keŋ;

Ŋikis. 26:19

ikotere ikituruwori iŋes iyes ŋituŋa ŋulu iloito ŋituŋa a ŋakwapin a daadaŋ ŋulu asubuni iŋes, iruworosi iyes ŋulu ikipuritoe, ŋulu arwok ka ŋulu ikitopolooritae ka iruworosi iyes ŋituŋa ŋulu asegak aneni ke Ekapolon Akuj kus, lopite ŋolo eikinitor iŋes.

Ŋikis. 28:9

Ikituruwori Ekapolon iyes ŋituŋa keŋ ŋulu asegak, lopite ŋolo ekoŋio iŋes neni kus. Itiyakini Ekapolon Akuj kus ŋun erae kiwuapa iyes ŋakiciketa keŋ ka kiwuapa ŋakiro keŋ.

Ŋikis. 33:3

Okoe iyoŋ ŋolo ikiminasi ŋituŋa daadaŋ, iyoki iyoŋ ŋituŋa daadaŋ ŋulu asegak, ilipete ikes neni kon, iwuapito ikes ŋakiro ŋuna ilimokini iyoŋ ikes.

Ŋikis. 4:20

Nai abu Ekapolon ikiyau iyes alo Ijipit aneni ikisicanitere iyes nooi, ikotere iruworosi ŋituŋa keŋ a elope, lopite ŋolo iraakatar ŋulu keŋ tokona.

Ŋikis. 4:37

Tosodi aŋuna amina Akuj atapapaa kus, abu ekaku toseu ŋiletok kec. Abu ikiyau iyes alo Ijipit irukito ka iŋes a apedor keŋ a alope,

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

2 Pet. 2:5

Pa abu Akuj kimyek ŋituŋa ŋulu koloŋ, nai abu yau ŋakipi ŋuna apotu torapuwasi akwap ŋina a ŋituŋa a ŋulu aŋerete iŋes; ŋulu make abu iŋes tolaku ikes Noa ŋolo etatami akiyookino ka ŋituŋa ŋice ŋikanikaarei.

2 Pet. 2:9

Etakani nai atemar eyeni Ekapolon epite ŋolo iunet ŋulu eyarete, epite ŋolo ecamit Akuj anakikatanakineta kec ka eyeni epite ŋolo esikinet ŋikasecak akitodol Akoloŋit ŋina ka atubokino; kisicanae.

1 Sam. 12:22

Aŋuna a ekiro keŋ a ŋolo epol nooi, nyeŋeri Ekapolon ŋituŋa keŋ, anerae abu iŋes tolakar ikituruwo iyes ŋituŋa keŋ.