Ŋikis. 7:25 - Ebaibul

²⁵ Icunyarete iyes ŋitorubei a ŋakujo kec. Nyikinira iyes esilipa, kori egolid ŋolo idelesikinitae lotorubei ŋul, ido iyaasi aŋuna kus, anerae anakiwuapit ŋakiro ka Akuj; epedorete ŋiboro ŋul akitooliyor iyes anerae eŋerit Ekapolon Akuj kus iyes akitiya ŋun.

Ŋikis. 7:25 Iomraidhean Croise

2 Ŋirw. 23:14

Abu Yosia toukono ŋitorubeei a ŋakujo, totubutubu ŋipirin ŋul, kililyaa ŋapanya.

1 Ŋakiro a ŋirwa 14:12

Apotu Ŋipilistin kimyekis ŋitorubei a ŋakujo kec a nen, ido abu Daudi tolimok ŋituŋa kicunyasi ikes.

Awos. 20:17

“Nyiŋobel ŋinituŋanan akai a ikidunyet keŋ, nyiŋobel aberu a ekidunyet keŋ, kori eketiyan ka aketiyan a ikidunyet keŋ, kori emoŋ, kori esigirya, kori ibore ca daadaŋ ŋini erae ŋini a ikidunyet keŋ.”

Awos. 32:20

Tolot nai Moses tolemu etorube a itaok a ŋini kepotu ŋituŋa kitiyaut, kimasak nakim kicuny, kiryaa todopirir, kipurupurak nakipi, ido inak Ŋisirael tomata ŋakipi ŋun.

Awos. 8:26

Nai abu Moses tema neni a Parao, “Nyemaikina isua akitiya ŋun; anerae ŋamuronisya ŋuna einanakinio isua neni a Ekapolon Akuj kosi, erae ibore ŋini nyitalakarit Ŋijipitian. Ani kelemun isua ŋamuronisya ŋun, inakinae neni ke Ekapolon Akuj kosi iteete Ŋijipitian ikicakete isua Ŋijipitian a ŋamoru.

Isa. 30:22

Tosodi nai, inyasunete iyes ŋitorubei a ŋakujo kus ŋulu eburusiyaritae a esilipa ka ŋitorubei ŋulu eburisikinitae egolid. Icakarete iyes ikes esibito ŋaraco ŋuna asiilyanak, itemarete iyes neni kec, “Nyikicamit isua iyes!”

Isa. 41:24

Kire jik, iraakasi iyes ŋakoŋinae ka erae ŋiticisyo kus ŋikoŋinae; ituŋanan daadaŋ ŋini eseuni akiwuap iyes erae ŋini esiilyana.

Ŋilep. 13:52

Emaikina esacaradoti kicuny elou ŋol, tari kerae ŋolo imanyumanyunitae, kori edonyunitoe, kori ŋolo edonyunitoe a ŋajul, kori aŋausyo aŋuna amilimilak, kori ibore ca daadaŋ, itiyaunitae alolou a ibarasit anerae erae atapon edeke ŋolo etapaana; emaikina ŋiboro ŋul kicunyae.

Ŋilep. 19:4

Nyilipa neni a ŋakujo a ŋunacaryo, kori nyitiyaut anasuwa ŋitorubei a ŋakujo kus. Arae ayoŋ Ekapolon Akuj kus.

Sepan. 1:3

Amunyari ayoŋ ŋituŋa ka ŋibaren ta ŋityaŋ, amunyari ayoŋ ŋikyeny ka ŋikolya. Esipiyori ayoŋ ŋulu aronok epite ŋolo eyaryata. Amunyari ayoŋ ŋituŋa anakwap.

Ŋikis. 12:3

Toritaanasi ŋamuroeta kec, toukonosi ŋipirin kec, kicunyasi a akim ŋitorubei a ŋakujo kec, kiteleteleosi ŋitorubei a ŋakujo kec, ikotere itoŋopiyarete ŋirorwa a ŋakujo a ŋun anakiboisyo kec.

Ŋikis. 13:16

Ŋiboro keŋ daadaŋ ŋulu iŋatunete iyes, emaikina tocunakis nalapatu ŋina alokidiŋ etaun ŋol, tosodi kicunyakis etaun kaapei ka ŋiboro daadaŋ ŋulu iŋatunete iyes nen, ikwapei ainakinet ŋina epeyo neni ke Ekapolon Akuj kus. Eruwor nen ereŋorot ŋoloruba ŋolo nyedukokinio nabo.

Ŋikis. 17:1

Nyiinakis erae amuronot neni ke Ekapolon Akuj kus emoŋ, kori emesek, ŋibaren ŋulu eyai neni eŋwalit, kori idiobore daadaŋ ŋini nyejok, anerae eŋerit Ekapolon Akuj kus ŋun.

Ŋikis. 23:18

Nyiyaut ŋisiliŋa ŋulu etacitere ŋimalaae ka ŋamalaae Kai ŋina ke Ekapolon Akuj kus, akisiyookinio akikoŋiet adio. Erae ŋun daadaŋ ŋakiro ŋuna eŋerit Ekapolon Akuj kus.

Ŋikis. 27:15

‘Ilamam ituŋanan daadaŋ ŋini itiyauni etorube a akuj, kori etorube edio ca daadaŋ, kori ibore ca daadaŋ ŋini eŋerit Ekapolon, ibore ŋini icieunitae, ido kilip neni keŋ anakimunono.’ Eboŋokinete ŋituŋa daadaŋ temasi, ‘Kiyookin ŋun.’

Ŋikis. 7:16

Imunyarete iyes ŋituŋa daadaŋ ŋulu ikipotok Ekapolon iyes, nyisyoniyete iyes ikes nyitiyanakis ŋakujo kec, anerae eruwor ŋun ibore ŋini ikiteŋeri iyes akiwuap ŋakiro ŋuna ka Akuj.

Ŋikis. 7:5

Nai emaikina iyes kitiyata nu neni kec: Toritaanasi ŋamuroeta kec, tobwaŋabwaŋaasi ŋipirin kec, kiteleteloosi ŋapuŋurei ŋuna a ŋitalyo kec ka kicunyasi ka akim ŋitorubei a ŋakujo kec;

Yos. 7:1

Nai apotu Ŋisirael nyiwuapa ŋuna ecikit Ekapolon ikes ebala nyelemasi alo Yeriko idiobore. Abu ekile ŋolo anyaritae Akan tolemu ŋiboro ŋulu sek abookoi nyilemut, ido abu Ekapolon toŋoik Ŋisirael nooi. (Arae Akan lokoku a Karami a ŋolo arae Lokoku a Sabadi, a ŋolo arae lokoku a Sera a ŋolo alokabila a Yuda.)

Yos. 7:21

Alotooma ŋiboro ŋulu aremunio, abu ayoŋ eŋolik elou ŋolo ajokan ŋolo aoyan, ŋolo itiyaunitae alo Babilon ka ŋakiloi ŋaarei ŋuna a esilipa ta egolid ŋolo adolit apotis atutubet apei ŋina ka akilo. Apotu ŋiboro ŋul okonirasi ayoŋ nooi, olemu ayoŋ ikes. Anukakinit ayoŋ ikes nalup tooma eema kaŋ ka eyai esilipa alokwap.”

Akis. 17:5

Egiritae ikona loreet keŋ ekiro ŋolo imunono apolou keŋ, “Babilon ŋolo apolon nooi, toto a ŋamalaae ka ŋakiro ŋuna aronok anakwap daadaŋ.”