Ŋikis. 7:19 - Ebaibul

¹⁹ totamunito ŋakikatanakineta ŋuna apolok, ŋuna ipotu iyes kiŋolikis a ŋakonyen kus, totamunito ŋakujuwuanisya ŋaumonokineta ka apedor keŋ ŋina etiron ta agogoŋu keŋ ŋina abunio Ekapolon Akuj kus ikiyaunia iyes alo Ijipit. Itiyae Ekapolon Akuj kus ŋunapei neni a ŋituŋa a daadaŋ a ŋulu ikuryaka iyes aŋuna kec.

Ŋikis. 7:19 Iomraidhean Croise

Ŋikiru. 136:12

Abu iŋes yau ikes ka apedor a ŋina etiron, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 44:4

Irae iyoŋ erwosit kaŋ ka Akuj kaŋ, iinanakini iyoŋ ŋituŋa kon akiloun ŋimoe kec.

Ŋikiru. 77:12

emaikina ayoŋ otamatama ŋuna a ŋiticisyo kon a daadaŋ, otamatama ŋiticisyo kon ŋulu ka aumokin.

Awos. 6:6

Aŋun, ape tolimok Ŋisirael ebe, ‘Arae ayoŋ Ekapolon, akalakuni ayoŋ iyes anakisicaneta a Ŋijipitian, akalakuni ayoŋ iyes anapitoonut aneni kec. Akalakuni ayoŋ iyes a apedor kaŋ ka esicani ayoŋ ikes nooi.

Ŋikis. 29:3

ipotu iyes kiŋolikis ŋakikatanakineta ŋuna apolok, ŋakujuwuanisya ka ŋaumonokineta ŋuna apolok.

Ŋikis. 3:21

Abu nabo ayoŋ ecik Yosua daŋ apaki ŋin otema, “Idau iyoŋ elope akiŋolikin ŋakiro daadaŋ ŋuna adau Ekapolon Akuj kon akitiya neni a ŋirwosi a ŋuluarei, aŋun, itiyakini Ekapolon ŋunapei neni a ŋapukasinei aŋuna eapi iyes alomar.

Ŋikis. 4:34

Kori eya mono ŋituŋa a akwap adio ŋulu abu Akuj tolemu anakwap a ace aŋuna keŋ a ŋakikatanakineta, a ŋakitoodyanakineta, a ŋaumonokineta, a ejie, a apedor a ŋina etiron, agogoŋu ka a ŋiticisyo a ŋulu apolok nooi a ŋulu etubulok, lopite ŋolo etiyaa Ekapolon Akuj kus ŋun daadaŋ aŋuna kus alo Ijipit, iteete iyes a?

Yos. 10:25

Tolimok Yosua ikes tema, “Nyikuryaka, kori nyikikadak. Togogoŋioto ka totitinyoto, anerae itiyakini Ekapolon ŋakiro nupei nu neni a ŋimoe kus daadaŋ a ŋulu itijikinete iyes.”

Yos. 24:17

Anerae erae Ekapolon ŋolo erae Akuj kosi iŋes abu ikiyau isua ka atapapaa kosi anakwap a Ijipit, aneni araakare isua ŋipi, abu kitiya ŋaumonokineta ŋuna apolok kiteetei isua. Abu iŋes ikiten isua alorotin a daadaŋ ka anakwapin a daadaŋ a ŋuna aponi isua tolomarae analosit kosi.

Yos. 3:10

Tema Yosua “Iyenunete iyes atemar irukito kire ka Akuj ŋina eyari ŋina esurokini alokiŋaren kus ŋituŋa ŋulu enyaritae Ŋikanaani, Ŋiitaiti, Ŋiipi, Ŋiperisi, Ŋigerigasi, Ŋiamori ka Ŋiyebusi, iyenunete iyes ŋun alopite a lo: