Ŋikis. 7:17 - Ebaibul

¹⁷ Ani kitemasi iyes ebe, “Elalak ŋituŋa a ŋakwapin a nu akilo isua, ikikokini nai isua ikiritari ikes ai?”

Ŋikis. 7:17 Iomraidhean Croise

Isa. 14:13

Itami sek iyoŋ alotau kon ebe, ‘Alosi ayoŋ kidiama, etopoloor ayoŋ bon, ewuak neni epukator kidiama ŋikacer a Akuj, eboikin ayoŋ kidiama emoru ŋolo ecunanakin ŋituŋa, eboikin ayoŋ naitae ŋuna a Sapon.

Isa. 47:8

“Aŋun tokona kiirasi ŋakiro nu, iyes ŋulu iminasi ŋakiro ŋuna ikitalakarito iyes ŋikulepek, iyes ŋulu iboiyete emam ŋace, iyes ŋulu itamete make alotai kus ebe, ‘Ayai ayoŋ ikikwaan ka Akuj, emam ice mati ayoŋ bon; nyeboikin ayoŋ esibit arae apuserut, kori nyetwakete ŋidwe kaŋ.’

Isa. 49:21

Itamakinete nai iyes alotai kus ebe, “Ŋae keuri ŋidwe lu aŋuna kosi? Aponi isua ikiteryamun ŋican, ikitusubun ŋikolupanotin, aponi isua ikirikor nakwapin, ikilemar a ne, ŋae nai kitopolouni ŋidwe lu? Aponi kimyekinae Sion esil, nai ai aponiata ŋituŋa lu etya ne?”

Yer. 13:22

Tosodi ani kitama iyes alotai kus ebe, “Kaanukiro etiyakinotor ŋakiro nu neni kosi?” Etiyakin ŋun neni kus anerae alalaketa ŋiticisyo kus ŋulu aronok, ŋakiro ŋun iŋes ikirasere iyes.

Ekim. 13:32

Aŋun, apotu ikes tolimokis Ŋisirael ŋakiro ŋuna pa ajokak aŋuna ka akwap a ŋina alosito ikes akireb temasi, “Akwap daadaŋ ŋina arebi isua, erae akwap ŋina emunyanarotor ŋituŋa, nabo ŋituŋa ŋulu aponi isua kiŋolikinae anakwap a ŋin eburok nooi, mam ituŋanan isikwaanare anakwap a daadaŋ.

Ekim. 21:34

Nai abu Ekapolon tolimok Moses tema, “Nyikuryaniar aŋuna keŋ, anerae, adau ayoŋ ainakin iŋes napedor kon, iŋes kaapei ka ŋituŋa keŋ ta akwap keŋ daadaŋ. Kitiya neni keŋ lopite ŋolo ibunio iyoŋ kitiya neni a Sikon a erwosit Ŋiamori a ŋolo epukat alo Esibon.”

Ekim. 33:53

Ikamarete iyes akwap ŋin, ido kiboikinos nen, anerae akainak ayoŋ iyes akwap ŋin toruwor ŋina kus.

Luk. 9:47

Nai ani eripuni Yesu ŋuna atamete ikes, abu toriko ikoku ŋini cici, kitowuo alodiye keŋ,

Ŋikis. 1:28

Ai ikilosi iwon? Ikitubulo isua ŋakiro a ŋikaitotoi kosi ŋuna enyakunete ikes anakwap a ŋina alosito akireb ebasi ‘Egogoŋ ŋituŋa ŋulu iboiyete anakwap a ŋin ka eoyak akilo iwon ka daŋ epolok ŋitaunio kec eyakasi ŋaduketa ŋunajiet ŋuna aoyak nooi alokidiama; aponi daŋ isua kiŋolikinae ŋiletok a Ŋianakim.’ ”

Ŋikis. 15:9

Tocoito, nyiyakatar atametait ŋina ka aminiu, ido itamete ebe, “Aapuu tokona ekaru ŋolo a ŋikanikaarei ŋolo eesyanakinere ŋamicae,” ido iteete iryenyaaka ikidunyet kus ŋini icana nyiinakis iŋes ibore ŋini icana. Acepaki igworokini ikidunyet kus ŋin Ekapolon ikitoroniyarit iyoŋ, ido iyakaunor iyoŋ ekaile ŋolo ka asecit.

Ŋikis. 18:21

Acepaki itemarete iyes neni kus make, “Ikiyenuni isua ikwaani akirot ŋina nyelimunit Ekapolon?”

Ŋikis. 8:17

Nyetema ituŋanan ebe, “Erae agogoŋu ka apedor kaŋ a ilope iŋes aryamunia ayoŋ abaru na.”

Yos. 23:3

idaut iyes akiŋolikin ŋakiro daadaŋ ŋuna abu Ekapolon ŋolo erae Akuj kus kitiya lotuŋa a ŋakwapin aŋuna kus; arae Ekapolon ŋolo erae Akuj kus abu toji aŋuna kus.