Ŋikis. 7:16 - Ebaibul

¹⁶ Imunyarete iyes ŋituŋa daadaŋ ŋulu ikipotok Ekapolon iyes, nyisyoniyete iyes ikes nyitiyanakis ŋakujo kec, anerae eruwor ŋun ibore ŋini ikiteŋeri iyes akiwuap ŋakiro ŋuna ka Akuj.

Ŋikis. 7:16 Iomraidhean Croise

Ŋikiru. 106:34

Apotu Ŋisirael nyemunyasi ŋituŋa ŋulu aya Kanaan lopite ŋolo sek alimokinitor Akuj ikes.

Ŋikiru. 106:36

Apotu kilipa neni a ŋakujo a ŋituŋa a ŋul, ibore ŋini abu yau amunyaro kec.

Awos. 23:33

Nyicamakis ikes iboiyete anakwap kus, acepaki epedorete ikes akitesec iyes alokiŋaren kaŋ, anerae ikimodiyarete ikes iyes anakilip nakujo kec.”

Yer. 21:7

Ekaku, ainakini ayoŋ erwosit Sedekia kaapei ka ŋiketiyak keŋ ka ŋituŋa ŋulu a etaun a lo ŋulu epuun alodeke, alokileŋ ka anakoro napedor a erwosit Nebukadinesar a ŋolo a Babilon, ainakini ayoŋ ikes napedor a ŋimoe kec ka napedor a ŋulu iwarito akiar ikes. Eari Nebukadinesar ikes a ekileŋ, nyisyoni iŋes ikes, kori nyimyekini ikes, kori nyiŋarakini ikes.’

Ekim. 33:55

Nai ani pa kiritasi iyes ŋituŋa ŋulu sek iboiyete anakwap a ŋin, ido kimyekis kidoŋo ŋice, ikiteryamunete ikes iyes ŋican lopite ŋolo ikiteryamunia anyait ŋina eyai nakoŋu, kori ekukwae ŋolo eyai nakuwan ŋican.

1 Ŋikor. 15:33

Tocoito nyikimodikin! “Emunaarete ŋirukitos ŋulu aronok ŋipitesyo ŋulu ajokak.”

Ŋikis. 13:8

nyemaikina iyes tocamut, kori topupokis ŋakiro a ituŋanan a ŋin. Nyisyonioto, kori nyirimakis iŋes.

Ŋikis. 13:9

Emaikina ituŋanan ŋini icocoyaryo kisyau akitereŋun ituŋanan ŋin, idio todoto ŋituŋa ŋuluce.

Ŋikis. 19:13

Nyisyonioto iŋes jik, ikotere ilemarete alo Isirael ekaile ŋolo ka asecit a ŋina ka akiar ituŋanan ŋini pa asecit, ido iboiyete iyes emam ŋace.

Ŋikis. 19:21

Nyisyonioto ituŋanan, totacakisi akiyar aŋuna ka akiyar, akoŋu aŋuna ka akoŋu, ekelae aŋuna ke ekelae, akan aŋuna ka akan, akeju aŋuna ka akeju.

Ŋikis. 25:12

emaikina iyes totubosi akan a aberu a ŋin. Nyemaikina iyes kisyonioto iŋes.

Ŋikis. 7:2

ka ani ikipotokini iyes Ekapolon Akuj kus ikes, ido kilout iyes ikes, emaikina iyes tomunyasi ikes jik. Nyicamunosi ka ikes ka nyisyonioto ikes.

Ŋikis. 7:25

Icunyarete iyes ŋitorubei a ŋakujo kec. Nyikinira iyes esilipa, kori egolid ŋolo idelesikinitae lotorubei ŋul, ido iyaasi aŋuna kus, anerae anakiwuapit ŋakiro ka Akuj; epedorete ŋiboro ŋul akitooliyor iyes anerae eŋerit Ekapolon Akuj kus iyes akitiya ŋun.

Yos. 11:20

anerae arae Ekapolon iŋes abu kitogogoŋ ŋakyes kec, ikotere imukekinete akitijiore Ŋisirael, ido tomunyarae jik nyisyoni tari ipei, nai tolemarae jik anakwap lopite ŋolopei ecikitor Ekapolon Moses.

Ŋikat. 2:12

kimyekis ikes Ekapolon Akuj atapapaa kec ŋina ayauni ikes anakwap a Ijipit, tosodo kiwuapa ŋakiro ŋace ŋuna a ŋituŋa a ŋulu eboiyete alodiyete kec, kilipa neni a ŋakujo a ŋun; aŋun, apotu ikes kitoŋoa Ekapolon.

Ŋikat. 2:3

Aŋun tokona, alimuni ayoŋ atemar nyeritari ayoŋ ŋituŋa ŋul alokiŋaren kus, nai eruworosi ikes ŋimoe kus ka eruworosi ŋakujo kec ŋuna ikirikorete iyes akilip neni kec.”

Ŋikat. 3:6

apotu Ŋisirael yaanasi ŋidwe ŋulupesur ŋulu a ŋituŋa a ŋul erae ŋaberu kec ka inanakis daŋ ikes ŋidwe kec ŋulupesur aruwor ŋaberu neni a ŋidwe a ŋulusapa a ŋulu a ŋituŋa a ŋul, ido kilipa daŋ neni a ŋakujo kec.

Ŋikat. 8:27

Abu Gideon kitiyau etorube a akuj a egolid a ŋol, kiwuak lotaun keŋ Opura, ido apotu Ŋisirael daadaŋ kilipa neni a etorube. Apotu ŋun kitojamakis Gideon ka ekal keŋ akikinyomit Akuj.