Ŋikis. 7:14 - Ebaibul

¹⁴ Iruworosi iyes ŋituŋa ŋulu ikiterereŋitoe akilo ŋituŋa daadaŋ, mam ituŋanan ekolupani alotuŋa kus, kori mam ibarasit ekolupani alobaren kus.

Ŋikis. 7:14 Iomraidhean Croise

Ŋikiru. 107:38

Abu Ekapolon kiterereŋ ikes, topitut nooi, ido abu Ekapolon nyecamak ŋibaren kec ekudyokunete.

Ŋikiru. 115:15

Elipi ikiterereŋ iyes Ekapolon, ŋolo abu tosub nakuj ka akwap.

Ŋikiru. 127:3

Erae ŋidwe ainakinet aneni ke Ekapolon; erae akiterereŋet ŋina a kire.

Ŋilep. 26:9

Eketodikini ayoŋ iyes arimao kaŋ, ido eketipituni iyes eataki ekimar kus, erici ayoŋ acamunet kaŋ ka iyes.

Ekim. 22:12

Tolimok Akuj Balaam tema, “Nyilot kaapei ka ikes, nyicen ŋituŋa ŋul, anerae iterereŋitoe ikes.”

Ŋikis. 28:11

Ikiinakini Ekapolon iyes ŋiboro ŋulu alalak, elalaketa ŋidwe kus, elalata ŋitak ka ŋikaalei a ŋibaren kus, elalata ŋikinyom ka ŋaraito kus anakwap a ŋina abu Ekapolon kikoŋ neni atapapaa kus ainakin iyes.

Ŋikis. 28:4

“‘Iterereŋi Ekapolon ŋidwe kus, ŋikinyom kus ka ŋaraito kus, ŋibaren kus, ŋatak ka ŋikaalei kus.

Ŋikis. 30:9

ido iyatakini Ekapolon ŋarereŋisyo kus nooi alotooma ŋiticisyo daadaŋ ŋulu itiyaete iyes, iterereŋi ŋidwe kus, ŋitak ka ŋikaalei a ŋibaren kus ka ŋikinyom ta ŋaraito kus, anerae ejoikini nabo Ekapolon akiterereŋ iyes lopite ŋolo eterereŋitor atapapaa kus.

Ŋikis. 33:29

Irereŋ iyes, okoe Ŋisirael, alutuŋa ikwaanatar iyes? Irae iyes ŋituŋa ŋulu ikiiunit Ekapolon ŋolo erae ekaiunan kus ka ekeŋarakinan kus, iŋes ikiinakini iyes akiloun ŋimoe kus. Epote ŋimoe kus akirworo alyokonu neni kus, ido imunaarete iyes ŋaduketa kec ŋuna ka apukan.