Ŋikis. 7:1 - Ebaibul

¹ Ani ikiyauni iyes Ekapolon Akuj kus nakwap ŋina eapi iyes alomar ka akituruwor ŋina iboiyoto iyes, ido kirita ŋituŋa a ŋakwapin alokiŋaren kus, kirita Ŋiitaiti, Ŋigiragasi, Ŋiamori, Ŋikanaani, Ŋiperisi, Ŋiipi ka Ŋiyebusi, ŋituŋa a ŋakwapin a ŋakanikaarei ŋulu egogoŋ ka elalak akilo iyes

Ŋikis. 7:1 Iomraidhean Croise

1 Ŋirw. 16:31

Ikwapei atakania aneni ka Aab esibit edit ŋina abunio iŋes kiwuapya ŋuna etiyat Yeroboam alokoku a Nebat, abu Aab kiit Yesebel nakoku a Esibaal a erwosit a ŋolo a Sidon, ido kisyak akitiyanakin Baal ka akilip neni a Baal.

1 Ŋakiro a ŋirwa 1:14

ta Ŋiyebusi, Ŋiamori, Ŋigiragasi,

2 Ŋakiro a ŋirwa 8:7

Ŋipiya daadaŋ ŋulu a ŋituŋa a lu: A Ŋiitaiti, a Ŋiamori, a Ŋiperisi, a Ŋiipi ka a Ŋiyebusi, ŋulu pa arae Ŋisirael,

Esir 9:1

Kedaun akitiya ŋakiro ŋun daadaŋ apotu ŋikapolokinitok ŋituŋa potu neni kaŋ temasi, “Nyetyakara ŋituŋa a Isirael ka ŋilepi alotuŋa a ŋakwapin ka anakiro kec a ŋuna asiilyanak, nyetyakara ikes aneni a Ŋikanaani, a Ŋiitaiti, a Ŋiperisi, a Ŋiyebusi, a Ŋiamoni, a Ŋimoabi, a Ŋijipitian ka aneni a Ŋiamori,

Neem. 13:23

Alorwa a ŋul, abu daŋ ayoŋ eŋolik Ŋiburaniyae ŋulu kepotu kiitut ŋaberu ŋuna alo Asidod, alo Amon ka Moab,

Ŋikiru. 78:55

Abu Akuj kirita ŋituŋa ŋulu ka akwap a ŋin alokiŋaren ŋituŋa keŋ, ido tokorak akwap kec neni a ŋikabilae a Ŋisirael toruwor ŋina kec; kisiboik ŋikabilae a Ŋisirael lorerya a ŋituŋa a ŋul.

Awos. 15:7

Ibu iyoŋ anapolou kon a ŋina ailiilon tobwaŋ ŋimoe kon; ibu iyoŋ anaŋoit kon tomurukudaa ikes ikwa ŋakasirim ŋuna etukitoe.

Awos. 23:28

Ewuakini ayoŋ ekabule neni a ŋimoe kus. Eritari ayoŋ Ŋiipi, Ŋikanaani ka Ŋiitaiti anakwap a ŋin apaki ŋina idolioto iyes nen.

Awos. 23:32

Nyicamunosi ka ikes, kori ka ŋakujo kec.

Awos. 23:33

Nyicamakis ikes iboiyete anakwap kus, acepaki epedorete ikes akitesec iyes alokiŋaren kaŋ, anerae ikimodiyarete ikes iyes anakilip nakujo kec.”

Awos. 33:2

Eyakuuni ayoŋ emalaika ikitena iyes, ido eritari ayoŋ anakwap a ŋin Ŋikanaani, Ŋiamori, Ŋiitaiti, Ŋiperisi ka Ŋiipi ta Ŋiyebusi.

Awos. 6:8

Akayauni ayoŋ iyes nakwap ŋina abu ayoŋ ekoŋ ainakin Aburaam, Isaka ka Yakob; akainakini ayoŋ iyes akwap ŋin toruwor ŋina kus. Arae ayoŋ Ekapolon.’ ”

Ŋilep. 14:34

“Ani kidaut iyes alomar nakwap a Kanaan ŋina akainakini ayoŋ iyes toruwor ŋina kus, ido ewuak ayoŋ ibore ŋini ikunoikinit kai adio ŋina a ituŋanan a ŋini anakwap kus,

Ekim. 13:29

Ŋiamaleki ikes iboiyete anakwap a ŋina a Negeb; Ŋiitaiti, Ŋiyebusi ka Ŋiamori ikes iboiyete anakwap a ŋina a ŋikamukumukui, ido Ŋikanaani ikes iboiyete alodiyete anam ka alodiyete aŋolol Yorodan.”

Ekim. 14:31

Nai ŋidwe kus ŋulu sek ibasi iyes eŋataryo, etolomari ayoŋ ikes nakwap ŋin, edolete ikes nakwap ŋina ijamuwarito iyes.

Ŋitic. 13:19

Abu iŋes kilou ŋakwapin ŋakanikaarei alo Kanaan, ido inak ŋituŋa keŋ akwap a ŋituŋa a ŋul, kituruwo ŋina kec.

Ŋikis. 11:29

Ani ikiyauni iyes Ekapolon Akuj kus nakwap ŋina ilosete iyes alomar ka akiboiyo togatakisi arereŋu lomoru Gerisim ka togatakisi ŋicen lomoru Ebal.

Ŋikis. 20:1

Ani ilosete iyes lojie akitijikin ŋimoe kus, ido kiŋolikis atemar elalak ŋaŋolei kec, ŋagaari kec ŋuna iritae a ŋaŋolei ka ŋasigarya a ŋimoe kus akilo ŋuna kus, nyikuryaketa aŋuna kec, anerae irukito iyes ka Ekapolon Akuj kus ŋolo ikitipeunio iyes anakwap a Ijipit.

Ŋikis. 20:16

Ani eruwor ŋitaunio ŋulu ikiinakini iyes Ekapolon Akuj kus aruwor ŋulu kus, ŋitaunio a ŋituŋa a lu, nyimyekis idiobore ŋini eyari toyar.

Ŋikis. 31:20

Ani kadau ayoŋ ayaun ikes nakwap ŋina eleleata ŋakile ka ao, nakwap ŋina abu ayoŋ eik anakikoŋ neni atapapaa kec ka ani kedaut ikes akimuj kimwoko ka totuma, akaŋerete ikes ayoŋ, ido kitiyanakis ŋakujo ŋace, okojamuwasi ayoŋ ka nyiwuapa acamunet kaŋ.

Ŋikis. 31:3

elosi Ekapolon elope adokar ekekwaye Yorodan ikiŋarenik iyes, emunyari iŋes ŋituŋa a ŋakwapin a ŋun alokiŋaren kus ka iritarete iyes ikes. Edokari Yosua daŋ ekekwaye ikiŋarenik iyes, lopite ŋolo abunio Ekapolon kiikinia.

Ŋikis. 4:38

abu kirita aŋuna kus ŋituŋa a ŋakwapin ŋulu alalak ka ŋulu agogoŋ akilo iyes, ikotere ikiyauni iyes nakwapin kec ikiinak iyes ŋakwapin ŋun toruworos ŋuna kus, lopite ŋolo eraakatar ŋuna kus tari tokona.

Ŋikis. 6:1

Erae tokona nu ŋakiciketa, ŋakiro ŋuna etubunitoe ka ŋikisila, ŋakiro ŋuna akalimoki ayoŋ Ekapolon akitatam iyes kiwuapa anakwap a ŋina eapi iyes alomar kituruwosi ŋina kus,

Ŋikis. 6:10

Ani ikiyauni iyes Ekapolon nakwap ŋina abu iŋes kikoŋ neni atapapaa kus Aburaam, Isaka ka Yakob, atemar ikiinakini iyes, akwap ŋina eya ŋitaunio ŋulu ajokak ka topolok, akwap ŋina a ŋitaunio a ŋulu pa arae iyes idukete,

Ŋikis. 6:19

Iritari Ekapolon ŋimoe kus daadaŋ alokiŋaren kus lopite ŋolo ikiikinitor iŋes iyes.

Ŋikis. 6:23

Abu iŋes ikiyau isua alo Ijipit, ikotere ikiyaunia isua nakwap ka ikiinak isua nakwap ŋina abu iŋes kiik anakikoŋ neni atapapaa yok.

Ŋikis. 9:1

Kiirasi, okoe Ŋisirael! Aapuu iyes adokar ekekwaye Yorodan nakoloŋit na aŋuna ka alomar nakwap ŋina a Kanaan, kiritasi ŋituŋa a ŋakwapin ŋulu elalak ka egogoŋ akilo iyes, ŋulu iboiyete alotaunio a ŋulu apolok a ŋulu edukitoe ŋaduketa ŋunajiet ŋuna aoyak nooi,

Ŋikis. 9:3

Toyenutu nai nakoloŋit na atemar Ekapolon Akuj kus iŋes edokari ekekwaye ikiŋarenik iyes eryenyaana esibit akim ŋina enomi akwap, emunyari iŋes ikes, ido ilouni ikes alokiŋaren kus, ikotere iyes iritarete ikes ka imunyarete ikes atipei, lopite ŋolo ikiikinia Ekapolon iyes.

Ŋikis. 9:4

Ani iritari Ekapolon Akuj kus ikes alokiŋaren kus, nyetema ituŋanan ebe, “Erae aŋuna ka akiyookino kaŋ iŋes akaunia ayoŋ Ekapolon nakwap na akituruwor ŋina kaŋ” Nai toyenete atemar erae aŋuna ka aronis a ŋituŋa a ŋakwapin a ŋun, iŋes eritarya Ekapolon ikes alokiŋaren kus.

Yos. 11:3

Kiyakiya daŋ ŋituŋa neni a Ŋikanaani a ŋulu alomito Kide ka To aŋolol Yorodan ka neni a Ŋiamori, neni a Ŋiitaiti, neni a Ŋiperisi ka neni a Ŋiyebusi a ŋulu alomito nakwap ŋina a ŋikamukumukui ta Ŋiipi ŋulu alomito nakeju a emoru Erimon nakwap ŋina enyaritae Misipa.

Yos. 24:11

Ipotu nai iyes todoka aŋolol Yorodan totubunos Yeriko, neni aponiata ŋituŋa a Yeriko ikitijioto iyes lopite ŋolo aponiata ŋikabilae lu ikitijioto iyes: Ŋiamori, Ŋiperisi, Ŋikanaani, Ŋiitaiti, Ŋigerigasi, Ŋiipi ka Ŋiyebusi; nai abu ayoŋ epotok ikes nakan kus.

Yos. 3:10

Tema Yosua “Iyenunete iyes atemar irukito kire ka Akuj ŋina eyari ŋina esurokini alokiŋaren kus ŋituŋa ŋulu enyaritae Ŋikanaani, Ŋiitaiti, Ŋiipi, Ŋiperisi, Ŋigerigasi, Ŋiamori ka Ŋiyebusi, iyenunete iyes ŋun alopite a lo: