Ŋikis. 6:7 - Ebaibul

⁷ Tolimonokisi ikes neni a ŋidwe kus, kirworo ŋakiro ŋun neni kec alorerya kus ka aneni daadaŋ iyakaunosi iyes, kirworo ŋun apaki ŋina iperyoto ka ŋina ikyenyuniata.

Ŋikis. 6:7 Iomraidhean Croise

Akisy. 18:19

Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

Yob 8:10

Nyepedorete mono ŋakiro a ŋulu a koloŋ akitatam iyoŋ ka alimokin ŋadi a? Nyepedorete ŋuna alimununeete ikes akitatam iyoŋ a? Ŋakiro ŋuna abasi ikes,

Ŋikiru. 119:13

Alimori ayoŋ ka akituk kaŋ ŋikisila daadaŋ ŋulu ilimu iyoŋ.

Ŋikiru. 119:46

Alimori daŋ ayoŋ alokiŋaren ŋirwosi ŋakiro ŋuna itubunit iyoŋ, nyekerumete ayoŋ ŋileec;

Ŋikiru. 129:8

Emam ituŋanan idio ŋini itori diyete kec ido tema, “Ikiterereŋ iyes Ekapolon! Ikiterereŋio isua iyes alokiro ke Ekapolon.”

Ŋikiru. 37:30

Irworosi ŋulu iyookino ŋuna ka aosou, ka irworosi ikes ŋuna ka akiyookino,

Ŋikiru. 71:17

Okoe Akuj, ikitatam iyoŋ ayoŋ ŋinapei anasoroko kaŋ, ido arubakinit ayoŋ eserae ŋiticisyo kon ŋulu ka aumokin.

Ŋakit. 10:21

Eryamunete ŋituŋa ŋulu alalak akiyar ŋina ajokan anakiro a ituŋanan a ŋini aoson, nai etwakete ŋibaŋaanotin aŋuna ebaŋaaketa.

Ŋakit. 15:2

Ikiinakinete ŋakiro ŋuna irworosi ŋikaosok ekibure ŋolo ka aryamun aosou, nai irworosi ŋibaŋaanotin ŋakiro ŋuna erae abaŋao.

Ŋakit. 15:7

Iiranarete ŋituŋa ŋulu alalak ŋakiro ŋuna ka aosou aneni a ŋikaosok, nai nyiiranaryo ŋun aneni a ŋibaŋaanotin.

Ŋakit. 6:22

Ikitenete ikes iyoŋ apaki ŋina ilosyo; ikidarete ikes iyoŋ apaki ŋina iperyo ka ikisirworete ikes iyoŋ apaki ŋina ikenyunia.

Isa. 38:19

Ŋituŋa ŋulu eyarete ikes epedorete alakar neni kon, lopite ŋolo eketalakaritor ayoŋ iyoŋ nakoloŋit na; iteyenanakinete ŋikauruunak ŋidwe kec akikinyoma kon.

Mal. 3:16

Apotu nai ŋituŋa ŋulu ekerito Ekapolon kirworiut make, ido abu Ekapolon topupok ŋuna erworosi ikes, kiira ŋakiro kec. Aponi kigirae lokitaabo alokiŋaren Ekapolon, ŋakiro a ŋulu ekerito Ekapolon ka ŋuna a ŋulu itopoloorito ekiro keŋ.

Mat. 12:35

Ituŋanan ŋini ajokan elimuni ŋuna ajokak ŋuna eyakasi lotau keŋ ka ituŋanan ŋini aronon elimuni ŋuna aronok ŋuna eyakasi lotau keŋ.

Luk. 6:45

Ituŋanan ŋini ajokan alotau keŋ, itiyae ŋakiro ŋuna ajokak. Ituŋanan ŋini aronon alotau keŋ, itiyae ŋakiro ŋuna aronok. Anerae irworo akituk ŋuna ilapun alotau.

Ŋiep. 4:29

Nyirworosi ŋakiro ŋuna awanak, nai kirworos ŋuna eŋarakinak, ŋuna epedorete akiŋarakin ŋituŋa alotooma ŋuna iitanito ikes, ikotere yaut ŋarereŋisyo lotuŋa ŋulu ikipupete iyes.

Ŋiep. 6:4

Atapapa, nyitoŋoa ŋidwe kus; nai akilo, kitopoloutu ikes alopitesyo a ŋulu ajokak ka anakitatam ŋuna ke Ekapolon.

Ŋikis. 11:19

Kitatama ŋidwe kus ŋakiro ŋun, kirworo alorerya kus ka aneni daadaŋ iyakaunosi iyes, kirworo ŋun apaki ŋina iperyoto iyes ka ŋina ikyenyuniata.

Ŋikis. 6:2

Ikotere iyes ka ŋidwe kus ta ŋidwe a ŋidwe kus, itopoloorito Ekapolon Akuj kus ŋirwa ŋulu ka akiyar kus daadaŋ, kiwuapa ŋakiro ŋuna etubunit iŋes daadaŋ ka ŋakiciketa keŋ ŋuna ekeciki ayoŋ iyes akiwuap, ikotere tolalata ŋirwa a akiyar kus.

Ŋikol. 4:6

Itemokino erwor kus jwi jwi tojok ka tobob ka itemokino iyes toyenete epite ŋolo emaikina toboŋonokinioto ŋinituŋanan ejok.

1 Pet. 3:15

Nai kipuro Kristo alotai kus ka kitopoloosi iŋes erae Ekapolon. Totenito ŋisaae daadaŋ aboŋokin ŋinituŋanan ikiŋisi iyes alimor akigeno ŋina eyai tooma kus;

Rus. 2:12

Ikiropi iyoŋ Akuj aŋuna ke etic kon ka irikakini Akuj ŋina a Isirael akirop iyoŋ, Akuj ŋina erae neni keŋ ibu iyoŋ aryamunia aiuno.”

Rus. 2:4

Apaki ŋin, bu Boas alo Betelem, kimala ŋikalemak tema, “Toyai Akuj neni kus.” Toboŋokis ikes temasi, “Ikiterereŋ iyoŋ Akuj.”

Rus. 4:11

Temasi ŋituŋa daadaŋ ŋulu aya lotemu diyete epuke kaapei ka ŋikasikou ebe, “Ikirae isua ŋisuudae. Kisikwaanik Akuj aberu ŋin ŋina elomuni lokal kon ka Rakel ka Lea ŋuna apotu kitatakanut ŋituŋa ŋulu a Isirael. Iyoŋ daŋ touri ŋidwe alo Epurata kiturubak ekiro a Ekapolon alo Betelem.