Ŋikis. 6:5 - Ebaibul

⁵ Tominas Ekapolon Akuj kus a ŋitai kus a daadaŋ, a akiyar kus a daadaŋ ka agogoŋu kus a daadaŋ.

Ŋikis. 6:5 Iomraidhean Croise

1 Ŋirw. 3:3

Amina Solomon Ekapolon ewuapit daŋ ŋikisila a Daudi a papa keŋ. Nai aayenene iŋes ŋamuronisya nakiboisyo ŋunamukur ŋun ka ecunyanakini ekinyate a nen.

2 Ŋirw. 23:25

Amam sek ekiŋaren erwosit ece ŋolo ekoni Yosia ŋolo ewuapit Ekapolon a etau keŋ a daadaŋ ka anakiyar keŋ a daadaŋ ta anagogoŋu keŋ a daadaŋ anakiwuapit ŋikisila a Moses. Mam tari erwosit ece ŋolo abu min ekaku keŋ ŋolo etiyae ŋuna etiyat iŋes.

2 Ŋakiro a ŋirwa 15:12

Tocamunos ikes akilip a ŋitai kec a daadaŋ ka anakiyar kec a daadaŋ neni ke Ekapolon Akuj atapapaa kec.

2 Ŋakiro a ŋirwa 34:31

Towo erwosit Yosia anakibois a ŋina sek iboiyonokin iŋes, kikoŋ alokiŋaren Ekapolon akiwuapit iŋes, akiricakinit ŋakiciketa keŋ, ŋakiro keŋ ka ŋikisila keŋ a etau keŋ a daadaŋ ta akitiya ŋuna daadaŋ igiritae lokitaabo ŋol.

Ŋikiru. 119:2

Elakara ŋituŋa ŋulu iwuapito ŋakiro ŋuna etubunit iŋes, ŋulu iwarito Ekapolon a ŋitai kec a daadaŋ,

Ŋikiru. 31:24

Togogoŋioto ka toena ŋitai, iyes daadaŋ ŋulu igenosi neni ke Ekapolon.

Mat. 10:37

“Ituŋanan ŋini emina papa keŋ kori toto keŋ akilo ayoŋ, nyitemokino aruwor ekewuapan kaŋ; ŋini emina lokoku keŋ kori nakoku keŋ akilo ayoŋ, nyitemokino aruwor ekewuapan kaŋ;

Mat. 22:37

Toboŋok Yesu iŋes tema, “Tomina Ekapolon Akuj kon ka ekonitau a daadaŋ, ka akonikiyar a daadaŋ ta a ŋakonitameta a daadaŋ.

Mar. 12:30

Tomina Ekapolon Akuj kon a ekonitau a daadaŋ ka a akonikiyar a daadaŋ, ka a ŋakonitameta a daadaŋ ta a akonigogoŋu a daadaŋ.’

Mar. 12:33

ka aminakin iŋes a etau a daadaŋ ka a ŋatameta a daadaŋ, ta a agogoŋu a daadaŋ; nabo ka aminakin ekidunyet ikwaŋina eminar ituŋanan akeekuwan, iloit ŋipeyosinei ka ŋamuronisya daadaŋ.”

Luk. 10:27

Toboŋok iŋes tema, “Tomina Akuj Ekapolon kon a ekonitau a daadaŋ ka akonikiyar a daadaŋ ka akonigogoŋu a daadaŋ ta ŋatameta kon a daadaŋ; nabo tomina ekonikidunyet, ikwaŋina iminar iyoŋ akonikuwan.”

Ŋikis. 10:12

Aŋun tokona, Okoe Ŋisirael, anukiro iitanit Ekapolon Akuj kus iyes kitiyata? Erae akitopoloorit Ekapolon Akuj kus, akiwuap ŋakiro keŋ daadaŋ, amina iŋes, akitiyanakin Ekapolon Akuj kus a ŋitai kus a daadaŋ ka a akiyar kus a daadaŋ

Ŋikis. 11:1

Aŋun, emaikina iyes tominas Ekapolon Akuj kus, kitiyata jwi jwi ŋuna elimunit iŋes, ŋuna etubunit iŋes, ŋikisila keŋ ka ŋakiciketa keŋ.

Ŋikis. 11:13

Ani ca kiwuapa iyes ŋakiciketa keŋ ŋuna ekecik ayoŋ iyes nakoloŋit na akiwuap, ŋakiciketa ŋuna ka amina Ekapolon Akuj kus ka akitiyanakin iŋes a ŋitai kus a daadaŋ a akiyar kus a daadaŋ,

Ŋikis. 13:3

Nyemaikina iyes kiwuapa ŋakiro a ŋikadwarak a ŋul, kori a ŋikerujak a ŋul, a ŋulu edwarete ŋuna eponito, anerae ikikatakinit Ekapolon Akuj kus iyes, ikotere eyenuni erae kiminasi iyes kire Ekapolon Akuj kus a ŋitai kus a daadaŋ ka a akiyar kus a daadaŋ.

Ŋikis. 13:4

Kiwuapa ŋakiro ŋuna a Ekapolon Akuj kus, kitopoloorito iŋes bon, kiwuapa ŋakiciketa keŋ, kiwuapa ŋakiro ŋuna elimunit iŋes, kitiyanakisi iŋes ka kimiidikinos neni keŋ.

Ŋikis. 19:9

ani ca kiwuapa iyes ŋakiciketa nu daadaŋ ŋuna ekecik ayoŋ iyes nakoloŋit na: Amina Ekapolon Akuj kus ka akiwuap jwi jwi ŋakiro keŋ, ipedorete nai akiyatakin ŋitaunio ŋice ŋiuni lotaunio ŋuluuni ŋul,

Ŋikis. 30:10

Itiyakin ŋun erae kiwuapa iyes ŋakiro ŋuna ke Ekapolon Akuj kus, anakiricit ŋakiciketa keŋ ka ŋikisila ŋulu igiritae lokitaabo lo ŋolo a ŋikisila, anerae iboŋut iyes neni ke Ekapolon Akuj kus a ŋitai kus a daadaŋ ka a akiyar kus a daadaŋ.”

Ŋikis. 30:16

Ani kiwuapa iyes ŋakiciketa a Ekapolon Akuj kus, ŋuna ekecik ayoŋ iyes nakoloŋit na anamina Ekapolon Akuj kus, iwuapito ŋakiro keŋ ka iricito ŋakiciketa keŋ, ŋikisila keŋ ka ŋakiro keŋ ŋuna etubunit iŋes, iyarete nai iyes ka ipitunete, ido ikiterereŋi iyes Ekapolon Akuj kus anakwap a ŋina eapi iyes alomar akituruwor ŋina kus.

Ŋikis. 30:20

iminasi Ekapolon Akuj kus, iwuapito ŋakiro keŋ ka imiidikina neni keŋ, anerae erae ŋun akiyar aneni kus ka erae ŋirwa ŋulu alalak ŋulu ka akiyar kus, ikotere iboiyete anakwap a ŋina abu Ekapolon kikoŋ ainakin neni atapapaa kus Aburaam, Isaka ka Yakob.”

Ŋikis. 30:6

“Nabo daŋ, ikiinakini Ekapolon iyes ka ŋiletok kus ŋitai ŋulu iwuapito ŋakiro keŋ, ikotere iminakinete iyes Ekapolon Akuj kus a ŋitai kus a daadaŋ ka a akiyar kus a daadaŋ ka toyara.

Ŋikis. 4:29

Iwarete iyes aina Ekapolon Akuj kus ka iryamunete iyes iŋes erae kiwara iyes iŋes a ŋitai kus a daadaŋ ka a akiyar kus a daadaŋ.

Yos. 22:5

Nai kiwuapa ejok ŋakiciketa ka Ŋikisila lu ŋulu abu Moses eketiyan a Ekapolon ikicik iyes akiwuap: Amina Ekapolon Akuj kus, akitiya daadaŋ ŋuna ecamit iŋes, akiwuapit ŋakiciketa keŋ, arubakinit iminasi iŋes ka akitiya etic keŋ a ŋitai kus a daadaŋ ka anakiyar kus a daadaŋ.”

1 Yoa. 5:3

Epite lo iŋes erae amina Akuj: akiricakin Ŋakiciketa keŋ. Nyegogoŋ Ŋakiciketa keŋ,