Ŋikis. 6:24 - Ebaibul

²⁴ Abu nai Ekapolon ikicik isua akiwuap ŋakiro ŋuna etubunitoe daadaŋ, akitopoloorit Ekapolon Akuj kosi aŋuna ka arubakinia anajokis, ikotere ikiyoki iŋes isua ikiyari, lopite ŋolo ikiyakar tokona.

Ŋikis. 6:24 Iomraidhean Croise

Ŋikiru. 41:2

Iuryarit Ekapolon ikes ka iyoki ikes; eruworosi ikes ŋulu erereŋ anakwap. Nyipotokini Ekapolon ikes napedor a ŋimoe kec.

Ŋikiru. 41:3

Iŋarakini Ekapolon ikes apaki ŋina edyakakinotor itaŋaleuni Ekapolon ikes alodekesyo kec a daadaŋ.

Ŋikiru. 66:9

Akuj adau akidar akiyar yok, ido nyimyekina iŋes iwon ikiaryo.

Awos. 20:20

Tema Moses neni a ŋituŋa, “Nyikuryaketa, anerae ebunit Akuj erae akikatakin iyes, ikotere torubakis iwuapito ŋakiro keŋ nyiseceta.”

Ŋakit. 22:4

Eropit ŋolo einakini Ekapolon ŋulu itiditeuna bon ka ŋulu itopoloorito Ekapolon, iŋes ebari ka akitopolooro ta kiyar.

Ŋakit. 9:12

Ani kios iyoŋ, ikiteryamuni iyoŋ aosou ŋuna icamit; ani kirae iyoŋ ŋini ijamuwarit ŋakiro, iyoŋ ilope iryamuni ŋican.

Isa. 3:10

Tolimokisi ŋulu iyookino atemar ejokak ŋakiro aŋuna kus, anerae imujete ikes akimuj ŋina a ŋakinyinyir kec.

Yer. 32:39

Ainakini ayoŋ ikes etau epei ka epite epei, ikotere eketopoloorito ikes ayoŋ ŋapakio daadaŋ aŋuna ka ajokis kec ka ajokis a ŋidwe kec ekaku kec.

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Luk. 10:28

Toboŋok Yesu iŋes tema, “Ilimu iyoŋ ŋuna iyookino, kitiya ŋun, ido toyar.”

Ŋirom. 10:5

Ŋuna ikamunito akiyookino alokiŋaren Akuj anakiwuapit Ŋikisila, abu Moses kigir ŋakiro nu, “Ituŋanan daadaŋ ŋini itiyae ŋuna icikakinito Ŋikisila, eyari a ŋun.”

Ŋikis. 4:1

Aŋun, nai tokona, iyes Ŋisirael kiirasi, kiwuapa ŋakiro ŋuna etubunitoe ka ŋikisila ŋulu eketatami ayoŋ iyes, ikotere iyes iyarete, ido tolomasi ka kiboikinos nakwap ŋina ikiinit iyes Ekapolon Akuj atapapaa kus.

Ŋikis. 4:4

tosodi iyes ŋulu ipotu torubakis ewuapito ŋuna ke Ekapolon Akuj kus, eriŋa iyarete tari tokona.

Ŋikis. 6:2

Ikotere iyes ka ŋidwe kus ta ŋidwe a ŋidwe kus, itopoloorito Ekapolon Akuj kus ŋirwa ŋulu ka akiyar kus daadaŋ, kiwuapa ŋakiro ŋuna etubunit iŋes daadaŋ ka ŋakiciketa keŋ ŋuna ekeciki ayoŋ iyes akiwuap, ikotere tolalata ŋirwa a akiyar kus.

Ŋikis. 6:23

Abu iŋes ikiyau isua alo Ijipit, ikotere ikiyaunia isua nakwap ka ikiinak isua nakwap ŋina abu iŋes kiik anakikoŋ neni atapapaa yok.

Ŋikis. 8:1

Emaikina iyes kiwuapa ŋakiciketa daadaŋ ŋuna ekecik ayoŋ iyes nakoloŋit na, ikotere iyes iyarete ka topitut, tolomasi ka kiboikinos nakwap ŋina abu Ekapolon kiik anakikoŋ ainakin neni atapapaa kus.

Ŋikis. 8:3

Abu iŋes ikitapatanu iyes ikitanyam akoro, nai abu ikiinak iyes Manna, akimuj ŋina sek pa iyenete iyes, kori atapapaa kus, ikotere ikiteyenikinia iyes atemar nyeyari ituŋanan a akimuj bon, nai ka akirot a daadaŋ a ŋina elimuni Ekapolon.