Ŋikis. 6:14 - Ebaibul

¹⁴ Nyiwuapa ŋakujo ŋace, nyiwuapa adio a ŋakujo a ŋituŋa a daadaŋ a ŋulu iboiyete alodiyete kus,

Ŋikis. 6:14 Iomraidhean Croise

2 Ŋirw. 17:35

Aris sek Ekapolon kecamunosi ka Ŋisirael ka ecikit ikes ebala, “Nyilipa ŋakujo ŋace, kori nyiryediketo alokiŋaren kec, kori nyiinanakis ikes ŋamuronisya;

Ŋikiru. 44:20

Ani kerae ikimuryakinite isua akilip neni ka Akuj kosi, kori kikyaaritetei isua ŋakan kosi ikilipi neni ka Akuj ka ace,

Awos. 20:3

Nyiyakatar ŋakujo ŋace mati ayoŋ bon.

Yer. 25:6

Nyiwuapa ŋakujo ŋace anakitiyanakin ka anakilipenen neni kec ka nyikitoŋoa ayoŋ a ŋiboro a ŋulu itiyaununeete iyes a ŋakan kus, kitiyata iyes ŋun nyetiyakini ayoŋ aronis adio neni kus.”

Yer. 35:15

Adau ayoŋ akiyakuun neni kus ŋiketiyak kaŋ ŋikadwarak daadaŋ, arubakinit eyakuununui ikes neni kus abala, ‘Iyes daadaŋ kimyekisi ŋiticisyo kus ŋulu aronok, kilocokisi ŋiticisyo kus ŋulu aronok ka nyiwuapa ŋakujo ŋace, nyitiyanakis ikes, ikotere iboiyete anakwap a ŋina abu ayoŋ okoinak iyes ka atapapaa kus.’ Nai nyiirara iyes ŋakiro kaŋ ka nyiwuapa acamit kaŋ.

Yer. 7:6

ani pa kisicanito iyes ŋituŋa ŋulugelae, ŋikokyok ka ŋapuseru, kori pa kiar anakibois a na ituŋanan ŋini emam ŋuna aronok itiyat ka ani pa kiwuapa iyes ŋakujo ŋace kiduporos make,

Ŋikis. 11:28

ka iryamunete iyes ŋicen erae pa kiwuapa iyes ŋakiciketa ŋuna ke Ekapolon Akuj kus, ido toŋero akiwuap ŋakiro ŋuna ekecik ayoŋ iyes akiwuap nakoloŋit na, aŋuna ka akiwuap ŋakiro a ŋakujo a ŋuna nyiyenunito iyes.

Ŋikis. 13:7

neni a ŋakujo a ŋadi a ŋituŋa a ŋulu iboiyete alodiye kus, keyapiyete, kori kelwaka aneni iboiyoto iyes, keyakasi lokisal epei ŋolo ka akwap kus, kori ŋoloce,)

Ŋikis. 5:7

Nyiyakatar ŋakujo ŋace mati ayoŋ bon.

Ŋikis. 8:19

Ani kikimuryak iyes Ekapolon Akuj kus, ido kiwuapa ŋakujo ŋace ka kitiyanakis ikes ka kilipa neni kec, akalimokini ayoŋ iyes nakoloŋit na atemar, kire jik imunyarosi iyes!

Yos. 23:7

nyirukito ka ŋituŋa lu ŋulu idoŋito nakwapin ŋuna iboiyoto iyes, nyinyarito ŋirorwa a ŋakujo kec, kori nyikoŋo ilimito ŋirorwa a ŋakujo kec, kori nyitiyata ediotic aŋuna a ŋakujo a ŋun, kori nyilipete neni kec.

1 Yoa. 5:21

Ŋidwe kaŋ, tocoikisi ŋakujo ŋuna nyerae ŋuna a kire.