Ŋikis. 6:12 - Ebaibul

¹² tocoito nyikimuryak Ekapolon ŋolo ikiyauni iyes anakwap a Ijipit, anakwap a ŋina ka apitoonut.

Ŋikis. 6:12 Iomraidhean Croise

2 Ŋirw. 17:36

nai toryediko kilipa neni ke Ekapolon a ŋolo ikiyauni iyes anakwap a Ijipit anapedor keŋ a ŋina apolon nooi. Itemokino iyes tokerito iŋes ka neni keŋ itemokino iyes inanakis ŋamuronisya.

2 Ŋirw. 17:38

Nyikimuryak acamunet ŋina abu ayoŋ ocamunotor ka iyes. Nyilipeneneete ŋakujo ŋace,

Yob 8:13

Erae ŋol epite ŋolo eyakaunotor ŋituŋa ŋulu nyikinyomito Akuj; edaun akigeno a ŋituŋa a ŋulu nyikinyomito Akuj.

Ŋikiru. 103:2

Okoe etau kaŋ, kipur Ekapolon, nyikimuryakis ŋuna ajokak daadaŋ ŋuna adau iŋes akitiya.

Ŋikiru. 44:17

Etiyakinosi ŋakiro nu daadaŋ neni kosi, tari daŋ keriŋa isua ikitamunit iyoŋ, kori pa kikiŋerit akiwuap acamunet kon ka isua.

Ŋikiru. 59:11

Nyiar ikes Akuj, anerae acepaki ejoŋoete ŋituŋa kaŋ atamunit epite ŋolo isicania iyoŋ ikes; anapedor kon, kimyek ikes kirimo akwap, ido kituruwo ikes ŋicaryo, okoe Ekapolon ekeyokon kosi.

Ŋikiru. 78:7

Aŋun, ikinyomete ikes neni ka Akuj, nyimuryakinete ikes ŋiticisyo ŋulu ka Akuj, nai iwuapete ŋakiciketa keŋ.

Awos. 13:14

Ani momit kikiŋit iyoŋ ikoku kon ebe, ‘Nyo apolou a ŋasuban a nu?’ Toboŋok iyoŋ iŋes ebe, ‘A apedori a ŋina ke Ekapolon, abu iŋes ikiyau isua alo Ijipit, anapitoonut.

Awos. 13:3

Tema nai Moses neni a Ŋisirael, “Totamunito akoloŋit na, akoloŋit ŋina iponiata iyes anakwap a Ijipit, aneni iboiyoto irae ŋipi. Abu Ekapolon ikiyau iyes a nen a apedor keŋ, nyemaikina iyes tonyama amugati adio ŋina eya ŋakinyalet akoloŋit ŋin.

Awos. 6:6

Aŋun, ape tolimok Ŋisirael ebe, ‘Arae ayoŋ Ekapolon, akalakuni ayoŋ iyes anakisicaneta a Ŋijipitian, akalakuni ayoŋ iyes anapitoonut aneni kec. Akalakuni ayoŋ iyes a apedor kaŋ ka esicani ayoŋ ikes nooi.

Ŋakit. 30:9

Acepaki apedori ayoŋ akiŋer iyoŋ erae karyamu akimuj ŋina alalan nooi, ido otema, ‘Ekapolon mono ŋae?’ kori apedori ayoŋ aruwor ikulyakit, ido okoko, ojoŋo akitopoloorit ekiro ŋolo ka Akuj kaŋ.

Isa. 17:10

Itiyakin ŋun, anerae ikimuryak iyes Akuj ŋina ikilakuni iyes ka nyitamunito iyes Akuj ŋina erae ataaba ŋina ka aiuno, aŋun, tari kitaete iyes ŋinyomen ŋulu ajokak, todupete ŋaten a ŋikito a ŋulu eyaununitae aiwace,

Isa. 51:13

Ikimuryak iyes Ekapolon ekasuban kus, ŋolo abu topetak kidiama ka kiwuak ŋawoeta a akwap a? Ikuryaka iyes apaaran daadaŋ aŋuna ka adedeŋu a ekesicanan a ŋolo erae etic keŋ amunyar. Nai ai tokona eyai adedeŋu a ekesicanan?

Yer. 34:13

“Alimu ayoŋ Ekapolon Akuj a Ŋisirael atemar, abu ayoŋ elope ocamunos ka atapapaa kus apaki ŋina ayaunia ayoŋ ikes anakwap a Ijipit, anakwap a ŋina ka apitoonut, abu ayoŋ otema,

Osea 2:13

Esicani ayoŋ iŋes aŋuna a ŋarwa a ŋuna etiyaa ŋasuban neni ata Baal, ŋirwa ŋulu ainanakinia iŋes ekinyate neni ata Baal, tosirite akuwan keŋ a ŋikadoŋidoŋ ka ŋinapen ŋulu epol egyelit, ido tolosenenee neni a ŋikilyok a ŋulu amina iŋes, tosodi ekemuryak ayoŋ.

Ekim. 15:39

Erae abilet ŋin ŋina ani iŋolikinete iyes iŋes totamut ŋakiciketa daadaŋ ŋuna ke Ekapolon ka kiricakis ikes, ido nyiwuapa ekibure a ŋitai kus, kori ekibure a ŋakonyen kus,

Ŋikis. 32:18

Ipotu iyes nyimitakis Akuj ŋina erae papa kus, abu ikimuryak iyes Akuj ŋina ikisubuni iyes.

Ŋikis. 4:23

Aŋun, tocoikinito nai, nyikimuryak acamunet ŋina ipotu iyes tocamunotor ka Ekapolon, nyitiyaut aŋuna kus etorube a akuj eyakar ŋasima a idiobore, awou Ekapolon Akuj kus iyes akitiya ŋun,

Ŋikis. 4:9

Nai tocoikinito ka kiricunito akiyar kus, ikotere ŋuna iŋolikis iyes a ŋakonyen kus, nyikimuryakis, kori nyebucar anatameta kus ŋirwa daadaŋ ŋulu ka akiyar kus, kiteyenikisi ŋidwe kus ka ŋidwe a ŋidwe kus.

Ŋikis. 8:10

Imujete iyes kimwoko, ido tolakaros neni a Ekapolon Akuj kus aŋuna ka akwap a ŋina ajokan a ŋina ikiinak iŋes iyes.

Ŋikol. 2:8

Nyicamut nai idiotuŋanan ikisupari iyes alotooma aosou a ŋituŋa ŋina erae amodiyo ŋina koŋinait, ŋina ebunit anakitatam a ŋituŋa ka aneni a ŋipyan a ŋulu ipukato akwap na, meere aneni a Kristo.

Ŋikat. 2:12

kimyekis ikes Ekapolon Akuj atapapaa kec ŋina ayauni ikes anakwap a Ijipit, tosodo kiwuapa ŋakiro ŋace ŋuna a ŋituŋa a ŋulu eboiyete alodiyete kec, kilipa neni a ŋakujo a ŋun; aŋun, apotu ikes kitoŋoa Ekapolon.