Ŋikis. 5:29 - Ebaibul

²⁹ Okoe kerae ca toyakatar ikes atametait ŋina ikoni ŋin, ŋina ka amina ayoŋ ka akiwuapit ŋakiciketa kaŋ daadaŋ jwi jwi, ikotere ejokyata ŋakiro aŋuna kec ka aŋuna a ŋidwe kec ŋikaru ka ŋikaru!

Ŋikis. 5:29 Iomraidhean Croise

1 Ŋakiro a ŋirwa 29:18

Okoe Ekapolon Akuj atapapaa kosi: Aburaam ka Isaka ta Isirael, kiturubak acamit na alotai a ŋituŋa kon ŋikaru ka ŋikaru, kiturubak ŋitai kec ikitopoloorito iyoŋ.

Ŋikiru. 106:3

Elakara ŋituŋa ŋulu iwuapito akiyookino ŋina ka Akuj, ŋulu jwi jwi itiyaete ŋuna iyookino.

Ŋikiru. 19:11

Akainakinito ikes ayoŋ eketiyan kon acoikinit ŋakiro; aryamuni ayoŋ eropit ŋolo apolon nooi anakiwuapit ikes.

Ŋikiru. 19:12

Nai ŋae epedori aanyun ŋuna edyakarit iŋes? Kisyoni ayoŋ anadyakanareta kaŋ a ŋuna nyayeni.

Ŋikiru. 78:7

Aŋun, ikinyomete ikes neni ka Akuj, nyimuryakinete ikes ŋiticisyo ŋulu ka Akuj, nai iwuapete ŋakiciketa keŋ.

Ŋikiru. 81:16

Nai eketani ayoŋ iyes a ŋikinyom a ŋulu ikwaan ka erau, a ŋulu ajokak nooi; ekesimwoni ayoŋ iyes ka ao a ŋina eyai natabab.”

Isa. 3:10

Tolimokisi ŋulu iyookino atemar ejokak ŋakiro aŋuna kus, anerae imujete ikes akimuj ŋina a ŋakinyinyir kec.

Isa. 48:18

Okoe, kerae ca kiwuapito iyes ŋakiciketa kaŋ, keropiunito ŋarereŋisyo neni kus ikwa ŋakipi ŋuna eleleete anaŋolol a ŋina nyeonene, kikiropikinito iyes akilounun ŋimoe kus lopite ŋolo eropiyoto ŋikaguragurae a ŋakipi ananam.

Yer. 42:6

Kejokak kori keroko, ikitiyae isua ŋuna elimuni Ekapolon Akuj kosi ŋina ikiyakiyaritae isua iyoŋ neni keŋ, ikotere emamukaun ŋuna aronok aneni kosi ŋina ikiwuapya isua ŋuna elimuni Ekapolon Akuj kosi.”

Yer. 44:4

Kikote neni daŋ, abu ayoŋ orubak ekeyakianakini iyes ŋiketiyak kaŋ ŋikadwarak abala, ‘Ekemaimai ayoŋ iyes, nyitiyata ŋakiro ŋuna ka asiilyo ŋun ŋuna aremokino ayoŋ!’

Mat. 23:37

“Okoe Yerusalem, Yerusalem! Ŋituŋa kon ŋulu earete ŋikadwarak, tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunakinia akokoroit ŋimiyoi nabebenuk keŋ, nai nyikicamakis iyes ayoŋ!

Luk. 11:28

Tolimok Yesu iŋes tema, “Kire iyookino, nai erereŋ nooi ŋulu iirarete ŋakiro ŋuna ka Akuj, ido kiwuapa!”

Luk. 19:42

tema, “Okoe, kerae ca toyenete iyes nakuwar na ibore ŋini erae ikisilet! Nai tokona iwuaitae anakonyen kus!

Yoa. 15:14

Irae iyes ŋikonei kaŋ, erae kitiyata ŋuna ekecikakini ayoŋ iyes.

2 Ŋikor. 5:20

Ikirae isua ŋikawuoikinitok ŋulu a Kristo ka erae neni kosi ikinyaritor iyes Akuj anakiro kosi: alokiro a Kristo, ikimaimai isua iyes tocamut akimorikin ka Akuj.

2 Ŋikor. 6:1

Ikwaŋina itiyaere iwon kaapei ka Akuj, ikilipit isua iyes nyicanican ajokis ŋina idaut iyes aryamun aneni ka Akuj.

Ŋiep. 6:3

ikotere ejokyar akiyar kon, ido kiboi iyoŋ ŋikaru ŋulu alalak anakwap a na.”

Ŋikis. 10:12

Aŋun tokona, Okoe Ŋisirael, anukiro iitanit Ekapolon Akuj kus iyes kitiyata? Erae akitopoloorit Ekapolon Akuj kus, akiwuap ŋakiro keŋ daadaŋ, amina iŋes, akitiyanakin Ekapolon Akuj kus a ŋitai kus a daadaŋ ka a akiyar kus a daadaŋ

Ŋikis. 10:20

Kitopoloorito Ekapolon Akuj kus, kilipa neni keŋ bon, kimiidikinos neni keŋ ka kikoŋo alokiro keŋ bon.

Ŋikis. 11:1

Aŋun, emaikina iyes tominas Ekapolon Akuj kus, kitiyata jwi jwi ŋuna elimunit iŋes, ŋuna etubunit iŋes, ŋikisila keŋ ka ŋakiciketa keŋ.

Ŋikis. 12:25

Nyinyama jik ŋaokot, ikotere iyakaunosi emam ŋace, iyes kaapei ka ŋidwe kus ŋulu epote ekaku kus, anerae ipotu iyes kitiyata ŋuna iyookino alokiŋaren Ekapolon.

Ŋikis. 12:28

Tocoikisi akiwuap ŋakiro ŋun daadaŋ ŋuna adau ayoŋ alimokin iyes, ikotere emamukaun ŋace ŋikaru ka ŋikaru aneni kus ka aneni a ŋidwe kus a ŋulu epote ekaku kus, anerae ipotu iyes kitiyata ŋuna ajokak ŋuna iyookino alokiŋaren Ekapolon Akuj kus.

Ŋikis. 19:13

Nyisyonioto iŋes jik, ikotere ilemarete alo Isirael ekaile ŋolo ka asecit a ŋina ka akiar ituŋanan ŋini pa asecit, ido iboiyete iyes emam ŋace.

Ŋikis. 22:7

Kimyek toto a ŋicwi tolot, ido iya iyoŋ ŋicwi make, ikotere ejokyata ŋakiro aneni kon ka ikotere irubakini iyoŋ iyari apaki ŋina aoyan.

Ŋikis. 4:10

Totamunito epite ŋolo koloŋ iwuatar iyes alokiŋaren Ekapolon Akuj kus alo Oreb, apaki ŋina akalimokinia iŋes ayoŋ ebe, “Tocunak ŋituŋa aŋuna kaŋ, olimok ayoŋ ikes ŋakiro kaŋ, ikotere ayenunete akitopoloorit ayoŋ ŋirwa daadaŋ ŋulu eyariata ikes anakwap ka topedosi akitatam ŋidwe kec ŋakiro ŋun.”

Ŋikis. 4:2

Nyemaikina iyes kiyatakis ŋakiro ŋadi nakiro ŋuna ekecik ayoŋ iyes, kori tolemasi ŋakiro ŋadi anakiro a ŋun, nai kiwuapa ŋakiciketa a Ekapolon Akuj kus, ŋuna tokona ekeciki ayoŋ iyes.

Ŋikis. 4:40

Kiwuapa ŋakiro keŋ ŋuna etubunitoe ka ŋakiciketa keŋ ŋuna ekecik ayoŋ iyes nakoloŋit na akiwuap, kiwuapa ikes aŋuna ka alakara kus ka aŋuna ka alakara a ŋiletok kus, ikotere iyes iboiyete akaoyan anakwap a ŋina elosi Ekapolon Akuj kus ainakin iyes toruwor ŋina kus ŋikaru ka ŋikaru.

Ŋikis. 5:16

“Tokerite ŋinituŋanan papa keŋ ka toto keŋ, lopite ŋolo ikicikia Ekapolon Akuj kus iyes, ikotere tolalata ŋirwa ŋulu iboiyoto iyes, ido tomam ŋace aneni kus anakwap a ŋina ikiini Ekapolon Akuj kus.

Ŋikis. 5:30

Ape tolimok ikes ebe, ‘Toboŋosi loeemae kus.’

Ŋikis. 5:33

Emaikina iyes kiwuapa jik ŋakiro ŋuna ikicik iyes Ekapolon Akuj kus akiwuap, ikotere iboiyete emam ŋace ka ikotere iboiyete apaki ŋina aoyan anakwap a ŋina ipote iyes akituruwor ŋina kus.

Ŋikis. 6:17

Emaikina iyes kiwuapa ejok ŋakiciketa ke Ekapolon Akuj kus, kiwuapa ŋakiro ŋuna etubunit iŋes ka kiwuapa ŋikisila ŋulu ikicik iŋes iyes akiwuap.

Ŋikis. 6:18

Kitiyata ŋuna ejokak ka ŋuna iyookino alokiŋaren Ekapolon kus, ikotere ejokak ŋakiro aneni kus ka ikotere ilomarete ka ituruworete akwap ŋina ajokan ŋin ŋina kus, akwap ŋina abu Ekapolon kikoŋ neni atapapaa kus ainakin iyes.

Ŋikis. 6:3

Aŋun, kiirasi, okoe Ŋisirael ka kiwuapa ŋakiro ka Akuj ejok, ikotere tomamukaun aneni kus ŋace ka ikotere ipitunete nooi anakwap a ŋina elelyaata ŋakile ka ao, lopite ŋolo ikiikinia iyes Ekapolon Akuj atapapaa kus.

Ŋikis. 8:6

Aŋun, kiwuapa ŋakiciketa a Ekapolon Akuj kus, anakitiya ŋuna ecamit iŋes ka akitopoloorit iŋes,

Ŋibur. 12:25

Tocoito iŋerete akiirar ŋakiro a ŋolo irworo. Ani nai pa kebucara Ŋisirael anatubokino apaki ŋina aŋeryoto ŋakiro a ŋolo eciki ikes anakwap, ikibucar nai iwon ikwaani, erae kikiŋer iŋes ŋolo ikiciki iwon anakuj?

Yak. 1:25

Nyikoni nen ituŋanan ŋini iricit Ŋikisila ŋulu ajokak akilo, ŋulu eyaunete alacakina. Ani pa kerae iŋes ekapupon bon ŋolo imuryakinete, nai ŋolo itiyae ŋun, iterereŋi Akuj iŋes aloticisyo a ŋulu itiyae.

Akis. 22:14

Erereŋ ŋulu ilotarito ŋilowi kec, ikotere toryamut apedor ŋina nyamet arait ŋina ke ekitoe a ŋolo ka akiyar ka kitoro lopidiŋ elomarete lotaun ŋolo apolon.

Rus. 3:1

Tema Noami neni anateran keŋ, “Nakoku, nyeejok mono ayoŋ akiwarakin iyoŋ ekal kon a?