Ŋikis. 5:27 - Ebaibul

²⁷ Tolot diyete Ekapolon, iyoŋ elope kiira daadaŋ ŋuna elimuni Ekapolon Akuj kosi; tosodi ikilimok iyoŋ isua ŋuna daadaŋ, ikilimokini Ekapolon Akuj yok iyoŋ, ido iiraryo isua ka itiyao ŋuna elimuni iŋes.”

Ŋikis. 5:27 Iomraidhean Croise

Awos. 18:20

Kitatam ikes ŋikisila ka ŋakiciketa ŋuna ka Akuj, kimyek ikes toyenut epite ŋolo emaikina ikes kiboiyoto ka ŋuna emaikina ikes kitiyata.

Awos. 19:8

Toboŋokis ŋituŋa daadaŋ ŋakiro kaapei temasi, “Ikitiyae isua ŋakiro daadaŋ ŋuna adau Ekapolon alimun.” Aŋun, abu Moses tolot alimokin Ekapolon ŋakiro ŋuna apotu ŋituŋa toboŋokis.

Awos. 20:18

Ani iirarete ŋituŋa daadaŋ agiro ka eruye ŋolo ka arupepe ka ani iŋolikinete akimilyaa ka emoru epurui, abu akuryanu min neni kec, tomaranikis, towua aneni alwanan.

Awos. 20:19

Temasi ikes neni a Moses, “Bua erae iyoŋ ikisirwor isua, epupokinio isua ŋakiro ŋun. Nai nyicamak Akuj ebuni akisirwor isua, ani kikisirwor Akuj isua, ikitwaki isua.”

Awos. 24:3

Totiyaun nai Moses alomoru, tolot tolimok ŋituŋa ŋakiro ke Ekapolon daadaŋ ka ŋikisila ke Ekapolon daadaŋ; toboŋokis ŋituŋa daadaŋ kaapei temasi, “Ikitiyae isua ŋakiro daadaŋ ŋuna adau Ekapolon alimun.”

Yer. 42:5

Tolimokis daŋ ikes Yeremia temasi, “Ikilipi toruwor Ekapolon ŋolo iyookino ka esuuda ŋolo ikinyoma anakisican isua erae keŋeri akiwuap ŋuna daadaŋ ikilimokini Ekapolon Akuj kon isua aneni kon.

Yer. 42:6

Kejokak kori keroko, ikitiyae isua ŋuna elimuni Ekapolon Akuj kosi ŋina ikiyakiyaritae isua iyoŋ neni keŋ, ikotere emamukaun ŋuna aronok aneni kosi ŋina ikiwuapya isua ŋuna elimuni Ekapolon Akuj kosi.”

Ŋikis. 5:26

anerae ituŋanan ani ŋinapei koloŋ abu kiira etoil ŋolo ka Akuj a ŋina eyari torubak eyari, lopite ŋolo eirarere isua?

Ŋikis. 5:28

Abu Ekapolon kiira ŋakiro kus apaki ŋina irworotor iyes neni kaŋ, ido abu Ekapolon okolimok ayoŋ tema, “Eira ayoŋ ŋakiro a ŋituŋa ŋul, ŋakiro ŋuna ikilimokis ikes iyoŋ; iyookinito ikes anakiro a daadaŋ a ŋuna alimut ikes.

Ŋibur. 12:19

Ayai daŋ nen eruye ŋolo ka arupepe ka ecelet ece ŋolo ke etoil. Ani iirarete ŋituŋa etoil ŋol, todyeka atemar nyiirasi nabo etoil ece;

Yos. 24:24

Apotu ŋituŋa tolimokis Yosua temasi, “Ekapolon bon ŋolo erae Akuj kosi, iŋes ecamitae isua akitiyanakin ka akiwuap ŋakiro keŋ.”