Ŋikis. 4:9 - Ebaibul

⁹ Nai tocoikinito ka kiricunito akiyar kus, ikotere ŋuna iŋolikis iyes a ŋakonyen kus, nyikimuryakis, kori nyebucar anatameta kus ŋirwa daadaŋ ŋulu ka akiyar kus, kiteyenikisi ŋidwe kus ka ŋidwe a ŋidwe kus.

Ŋikis. 4:9 Iomraidhean Croise

Akisy. 18:19

Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

Ŋikiru. 119:11

Ericit ayoŋ nooi akirot kon alotau kaŋ, ikotere ayoŋ nyasec aneni kon.

Ŋikiru. 71:18

Tari kamojoŋ ayoŋ kepena ŋakorwo, okoe Akuj, nyikiŋer ayoŋ, akitodol ŋina eseraa ayoŋ agogoŋu kon nanyamet ŋina ebunit ka apedori kon nanyamet ŋina etupakini ŋin.

Awos. 10:2

ka emaikina nai iyes kitatamyanakis ŋidwe kus ka ŋipapae kus epite ŋolo abunio ayoŋ esicania Ŋijipitian aryenyaana ka ŋolo abunio ayoŋ etiyaa ŋakujuwuanisya kaŋ neni kec, ido iyenunete iyes atemar arae ayoŋ Ekapolon.”

Awos. 23:13

Tomitakinito ŋakiro daadaŋ ŋuna akalimok ayoŋ iyes. Nyinyarata ŋirorwa a ŋakujo a ŋace; nyikiirar iyes inyarito ikes a ŋakitukwa kus.”

Ŋakit. 1:8

Ikaakoku, kiira ŋakiro ŋuna ikitatami papa kon iyoŋ, nyiŋer ŋakiro ŋuna ikitatami toto kon iyoŋ,

Ŋakit. 23:26

Ikaakoku, kiwuak etau kon neni kaŋ, emaikina iyoŋ kiŋolik ŋuna ewuapit ayoŋ.

Ŋakit. 3:21

Ikaakoku, nyimyek aosou epuripuriyar aneni kon, torubak iyakatar aosou ŋina ileere alotuŋa ka ayenut ibore ŋini ejok ka ŋini erono;

Ŋakit. 7:1

Ikaakoku kiwuap ŋakiro kaŋ, kiwuak ŋakiciketa kaŋ lotau kon.

Isa. 38:19

Ŋituŋa ŋulu eyarete ikes epedorete alakar neni kon, lopite ŋolo eketalakaritor ayoŋ iyoŋ nakoloŋit na; iteyenanakinete ŋikauruunak ŋidwe kec akikinyoma kon.

Isa. 42:20

Iŋolyanakini iŋes ŋiboro ŋulu alalak, nai nyemitakinit, epupete ŋaki keŋ, nai nyiiranari ŋakiro.”

Yer. 17:21

Alimu Ekapolon ŋakiro nu; ‘Aŋuna ka akiyar kus, tocoito, nyiwok idiobore akoloŋit ŋina a Sabato, nyitorunioto daŋ idiobore lopukei a Yerusalem.

Luk. 8:18

“Tocoito robo ikwaŋina iiraryata; anerae ituŋanan daadaŋ ŋini eyakar ibore einakinio ŋini elal, nai ŋini daadaŋ emam ibore eyai, edemaryo tari ŋinidio cici ŋini etami iŋes atemar ayakar.”

Ŋiep. 6:4

Atapapa, nyitoŋoa ŋidwe kus; nai akilo, kitopoloutu ikes alopitesyo a ŋulu ajokak ka anakitatam ŋuna ke Ekapolon.

Ŋikis. 11:19

Kitatama ŋidwe kus ŋakiro ŋun, kirworo alorerya kus ka aneni daadaŋ iyakaunosi iyes, kirworo ŋun apaki ŋina iperyoto iyes ka ŋina ikyenyuniata.

Ŋikis. 12:1

Erae nu ŋakiro ŋuna etubunitoe ka ŋikisila ŋulu emaikina iyes kiwuapa ejok anakwap a ŋina ikiinak iyes Ekapolon kus, Akuj atapapaa kus akiboiyo ŋirwa daadaŋ ŋulu ka akiyar kus anakwap.

Ŋikis. 16:3

Ani inyamete iyes amuronot ŋin, nyinyama iŋes ka idiobore ŋini eyakar ŋakinyalet. Emaikina iyes tonyama ŋamugati ŋuna emam ŋakinyalet ka akiriŋ a amuronot a ŋin ŋirwa ŋikanikaarei, anerae ipotu iyes tolomut anakwap a Ijipit ikirikirasi nooi, aŋun emaikina iyes ŋirwa a akiyar kus daadaŋ totamunito akoloŋit ŋina irotokinioto iyes anakwap a Ijipit.

Ŋikis. 17:19

Idoŋi ekitaabo ŋol neni keŋ, tosyomenene iŋes ŋirwa daadaŋ ŋulu ka akiyar keŋ, ikotere eyenuni akitopoloorit Ekapolon Akuj keŋ, iwuapit ejok ŋikisila ŋul ka ŋakiro ŋuna etubunitoe,

Ŋikis. 29:29

Erae ŋakiro ŋuna imunono ŋuna ke Ekapolon Akuj yok, nai ŋakiro ŋuna isileereunitoe, erae ŋuna yok ka ŋuna a ŋidwe yok ŋikaru ka ŋikaru, emaikina iwon ewuapa ŋakiro daadaŋ ŋuna a ŋikisila a ŋul.”

Ŋikis. 31:19

Aŋun, kigir tokona eete lo ka kitatam Ŋisirael toanyut aeo eete lo, ikotere eruwor eete lo ŋolo elimorit ŋakiro kaŋ ŋuna etoroniyaritor ayoŋ Ŋisirael.

Ŋikis. 32:46

tolimok ikes tema, “Kirica alotai kus ŋakiro daadaŋ ŋuna akalimok ayoŋ iyes nakoloŋit na akisuuda ŋakiro kus; tolimokisi ikes erae akiciket neni a ŋidwe kus ikotere iwuapyata ikes ejok ŋakiro daadaŋ ŋuna a ŋikisila.

Ŋikis. 4:10

Totamunito epite ŋolo koloŋ iwuatar iyes alokiŋaren Ekapolon Akuj kus alo Oreb, apaki ŋina akalimokinia iŋes ayoŋ ebe, “Tocunak ŋituŋa aŋuna kaŋ, olimok ayoŋ ikes ŋakiro kaŋ, ikotere ayenunete akitopoloorit ayoŋ ŋirwa daadaŋ ŋulu eyariata ikes anakwap ka topedosi akitatam ŋidwe kec ŋakiro ŋun.”

Ŋikis. 4:15

Ikwaŋina pa iŋolikinitotor iyes ŋasima keŋ apaki ŋina erworor Ekapolon neni kus alo Oreb eyai narira, tocoito nu ka kiricunito akiyar kus,

Ŋikis. 4:23

Aŋun, tocoikinito nai, nyikimuryak acamunet ŋina ipotu iyes tocamunotor ka Ekapolon, nyitiyaut aŋuna kus etorube a akuj eyakar ŋasima a idiobore, awou Ekapolon Akuj kus iyes akitiya ŋun,

Ŋikis. 6:12

tocoito nyikimuryak Ekapolon ŋolo ikiyauni iyes anakwap a Ijipit, anakwap a ŋina ka apitoonut.

Ŋikis. 6:2

Ikotere iyes ka ŋidwe kus ta ŋidwe a ŋidwe kus, itopoloorito Ekapolon Akuj kus ŋirwa ŋulu ka akiyar kus daadaŋ, kiwuapa ŋakiro ŋuna etubunit iŋes daadaŋ ka ŋakiciketa keŋ ŋuna ekeciki ayoŋ iyes akiwuap, ikotere tolalata ŋirwa a akiyar kus.

Ŋikis. 6:20

Ani ikiŋisete iyes ŋidwe kus alorwa a ŋulu epote ebe, “Nyo apolou a ŋikisila, a ŋakiro a ŋuna etubunitoe ka ŋakiciketa ŋuna ikicik iyes Ekapolon akiwuap?”

Ŋikis. 6:7

Tolimonokisi ikes neni a ŋidwe kus, kirworo ŋakiro ŋun neni kec alorerya kus ka aneni daadaŋ iyakaunosi iyes, kirworo ŋun apaki ŋina iperyoto ka ŋina ikyenyuniata.

Ŋikis. 8:11

Tocoito nai nyikimuryak Ekapolon Akuj kus, anakimyekin akiwuap ŋakiciketa keŋ, ŋikisila ka ŋakiro keŋ ŋuna etubunit iŋes ŋuna akalimok ayoŋ iyes nakoloŋit na.

Ŋikis. 8:14

nyiturokinosi aŋun, ikimuryak Ekapolon Akuj kus, ŋina ikiyauni iyes anakwap a Ijipit a ŋina iraakatar iyes ŋipi,

Ŋibur. 2:1

Aŋuna a ŋakiro a ŋun, itemokino ericakisi ejok ŋuna ikidau akiirar, ikotere nyikioliyo.

Ŋibur. 2:3

Ikikokini nai iwon ikibucari anakisicanio ai, erae kikijamak aiuno ŋina epol ŋina etya na? Ekapolon koloŋ esyauni erwor ŋakiro ŋuna ka aiuno a ŋin ka apotu ŋulu eirarito ikitunupa atemar erae ŋakiro ŋun ŋuna a kire.

Yak. 2:22

Nyeanyuna tokona iyes atemar anupit ka ŋiticisyo keŋ etiyaete etic epei a? Abu anupit keŋ toruwor ŋina iyookino aŋuna a ŋiticisyo keŋ.

Yos. 1:18

Ituŋanan daadaŋ ŋini eŋeri ŋakiro kon, kori nyiwuapi ŋuna ilimu iyoŋ, earyo, nai togogoŋior iyoŋ ka totitinyor.”

Yos. 23:11

Aŋun nai, torubakisi iminasi Ekapolon Akuj kus nooi, anerae namina iŋes iyareta iyes.

Yos. 4:21

Tolimok iŋes Ŋisirael tema, “Ani moi ikiŋisete iyes ŋidwe kus apolou ŋina a ŋamoru a ŋun,

Akis. 3:3

Totamu nai ŋuna aponi ikitatami ka ikisiirar iyoŋ, kiricak ikes ka toki! Ani pa kikienyu iyoŋ, abuni ayoŋ neni kon ikwa ekokolan ka nyiyeni iyoŋ apaki ŋina abunio ayoŋ.

Ŋikat. 3:7

Apotu Ŋisirael kitiyata ŋakiro ŋuna aronok nooi aneni ke Ekapolon, kimuryak ikes Ekapolon Akuj kec ka kilipa neni ata Baal ka neni ata Asera.

Ŋikat. 8:34

Apotu Ŋisirael tojoŋoto atamunit Ekapolon Akuj kec ŋolo abu toiu ikes alomoe kec a daadaŋ a ŋulu erikaunito ikes alowaetin a daadaŋ