Ŋikis. 4:8 - Ebaibul

⁸ Emam ŋituŋa a akwap ka adio ŋulu eyakar ŋakiro ŋuna etubunitoe, ŋikisila ŋulu iyookino ikwa ŋakiciketa nu ŋuna tokona alosi ayoŋ ainakin iyes nakoloŋit na.

Ŋikis. 4:8 Iomraidhean Croise

Neem. 9:13

Ibu daŋ iyoŋ totiyaun kidiama emoru Sinai, kirwor neni kec alokidiama, ido iinaki ikes ŋakiro ŋuna iyookino, ŋikisila ŋulu a kire, ŋakiro ŋuna itubunit iyoŋ ŋuna ajokak ka ŋakiciketa,

Ŋikiru. 119:138

Iyookino ŋakiro ŋuna idau iyoŋ atubun; erae ŋuna ikinyoma nooi.

Ŋikiru. 119:144

Iyookino ŋikaru ka ŋikaru ŋakiro ŋuna itubunit iyoŋ; inakinae ayoŋ apiiryanut, ikotere oyar.

Ŋikiru. 119:160

Erae ŋakiro kon daadaŋ ŋuna a kire; erae ŋikisila kon daadaŋ ŋulu iyookino ka ŋulu a ŋikaru ka ŋikaru.

Ŋikiru. 119:86

Erae ŋakiciketa kon daadaŋ ŋuna ikinyoma; kiŋarakinae ayoŋ, ekesudete ayoŋ ŋituŋa ŋakiro koŋin.

Ŋikiru. 119:96

Adau ayoŋ ayenun atemar eyakar ŋinibore daadaŋ asalunet, nai nyesalunete jik ŋakiciketa kon.

Ŋikiru. 89:14

Itogogoŋito apukan kon akiyookino ka akitub ŋakiro a akiyookino eyakasi neni kon amina ŋina nyiryaŋiryaŋa ka akikinyoma.

Ŋikiru. 97:2

Eyakasi nawaetin keŋ ŋidouwon ka akiryonut ŋina iryono cuc ipukat iŋes alotooma akiyookino ka ŋuna a kire.

Isa. 42:21

Abu Ekapolon tolakar aŋuna a ŋituŋa keŋ a ŋulu eyookino, abu iŋes kitopoloo nooi ŋikisila keŋ ka ŋakitatameta keŋ.

Osea 8:12

Tari kainak ayoŋ ikes ŋikisila ŋulu alalak igiritae lokitaabo, iteete ikes ŋikisila ŋul esibit ibore ŋini egelaana.

Ŋirom. 3:2

Eyai kire epoida lowaetin daadaŋ! Ŋuna iŋarenete, abu Akuj kicikak ŋakiro keŋ neni a Ŋiyudayan akiyok.

Ŋikis. 26:19

ikotere ikituruwori iŋes iyes ŋituŋa ŋulu iloito ŋituŋa a ŋakwapin a daadaŋ ŋulu asubuni iŋes, iruworosi iyes ŋulu ikipuritoe, ŋulu arwok ka ŋulu ikitopolooritae ka iruworosi iyes ŋituŋa ŋulu asegak aneni ke Ekapolon Akuj kus, lopite ŋolo eikinitor iŋes.