Ŋikis. 4:6 - Ebaibul

⁶ Emaikina iyes kiwuapa ikes ejok, anerae itoodiunete ŋun aosou kus ka apedor ŋinayenunet ŋakiro aneni a ŋituŋa a ŋakwapin, ido ani iirarete ikes ŋuna a ŋikisila a ŋul, etemarete ikes, “Kire jik erae ŋituŋa lu ŋulu aosok ka ŋulu eyakatar apedor ŋinayenunet ŋakiro!”

Ŋikis. 4:6 Iomraidhean Croise

1 Ŋirw. 4:34

Aponeneete ŋituŋa ŋice anakwapin a daadaŋ akiirar ŋuna ka aosou a Solomon, arae ŋul ŋulu eyakuunito ŋirwosi kec ŋulu keris kiirasi ŋakiro a aosou a Solomon anakwapin a daadaŋ anakwap.

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Ŋikiru. 111:10

Akitopoloorit Ekapolon, iŋes erae akisyakinet ŋina ka aosou; ŋituŋa daadaŋ ŋulu iwuapito ŋakiciketa ke Ekapolon, eyakatar ayenut ŋina ajokan. Kipuroe Ekapolon ŋikaru ka ŋikaru!

Ŋikiru. 19:7

Iyookino ŋikisila ŋulu ke Ekapolon, ikisimukyanakinete anakiyar. Ikinyoma ŋakiciketa ŋuna ke Ekapolon, einanakinete aosou neni a ŋulu emam ŋuna eyenete.

Ŋikiru. 19:8

Iyookino ŋikisila ŋulu ke Ekapolon, einakinito alakara neni a ŋulu iwuapito ikes. Ileerete ŋakiciketa ŋuna ke Ekapolon, itacaununeete ŋatameta.

Ŋakit. 1:4

Itatamete ituŋanan ŋini sek ebaŋaana toruwor ŋini ejokak ŋipitesyo; itatamete ŋisorok toruwor ŋulu eosok ka ŋulu ejokak ŋipitesyo.

Ŋakit. 1:5

Emaikina ŋikaosok daŋ kiirasi ŋakiro nu, ido kiyatakis neni a ŋuna isisaete ikes, emaikina ŋulu epatana ayenun ŋuna ajokak ka ŋuna aronok toryamut anakiro a nu apiiryanut,

Ŋakit. 1:7

Erae akitopoloorit Ekapolon akisyakinet ŋina ka aosou; nai ejamuwarito ŋibaŋaanotin aosou ka ŋipitesyo ŋulu ajokak ŋulu itatamyo ikes.

Ŋakit. 14:34

Itopoloori nooi akiyookino akwap, nai elemari asecit ajokis aneni a ŋinituŋanan.

Ŋakit. 14:8

Aosou a ŋituŋa a ŋulu eyakatar ayenut, iŋes itoodianakini ikes neni emaikina ikes toloto, nai itooliyori abaŋao ŋibaŋaanotin.

Isa. 42:21

Abu Ekapolon tolakar aŋuna a ŋituŋa keŋ a ŋulu eyookino, abu iŋes kitopoloo nooi ŋikisila keŋ ka ŋakitatameta keŋ.

Yer. 8:9

Isurumyo ŋikaosok ŋileec, itakadakinio ikes ka eyaaryo ikes, anerae aŋero ikes akirot ŋina ke Ekapolon, aniosou nai eyai neni kec?

Esek. 5:5

Ŋakiro ŋuna irworo Ekapolon Akuj ikes nu, “Kiŋolikisi mono iyes Yerusalem. Adau ayoŋ asekin iŋes kidiŋ ŋakwapin, eya ŋakwapin ŋunace nawaetin keŋ daadaŋ.

Dan. 1:20

Anakiro a daadaŋ ka aosou ta anayenut daadaŋ ŋuna iŋisi erwosit ikes, abu erwosit toryamu atemar eloito ikes nooi ŋarwa ŋatomon ŋimurok ŋulu edwarete daadaŋ ka ŋimurok ŋulu a akwap keŋ.

Dan. 4:9

‘Okoe Balitesasar, ekapolokiniton a ŋikekukujak, ayeni ayoŋ atemar eyai etau a ŋakujo a ŋuna asegak neni kon, ido mam ŋakiro ŋuna imunono ŋuna etyoko aneni kon. Kiira ŋakiro ŋuna abu ayoŋ eruja; tolimokinae ayoŋ apolou kec.

Osea 8:12

Tari kainak ayoŋ ikes ŋikisila ŋulu alalak igiritae lokitaabo, iteete ikes ŋikisila ŋul esibit ibore ŋini egelaana.

Mal. 3:12

Etemarete nai ŋituŋa a ŋakwapin a ŋuna alalak ebe, ‘ Irae iyes ŋituŋa ŋulu ilakara,’ anerae eruwor akwap kus ŋina ejok akiboiyo.”

Ŋikis. 29:9

Aŋun, kiwuapa ejok ŋakiro ŋuna ka acamunet, ikotere itiyaete a aosou ŋakiro daadaŋ.

Ŋikis. 32:46

tolimok ikes tema, “Kirica alotai kus ŋakiro daadaŋ ŋuna akalimok ayoŋ iyes nakoloŋit na akisuuda ŋakiro kus; tolimokisi ikes erae akiciket neni a ŋidwe kus ikotere iwuapyata ikes ejok ŋakiro daadaŋ ŋuna a ŋikisila.

Ŋikis. 32:47

Nyerae ŋakiro ŋun ŋakoŋinae, erae ŋakiro ŋuna ka akiyar kus, ŋakiro ŋun iŋes ipedoryata iyes akiyar apaki ŋina aoyan anakwap a ŋina idokarete iyes alokekwaye a ŋolol Yorodan akituruwor ŋina kus.”

2 Tim. 3:15

Itamunit iyoŋ atemar ameun ŋinapei eriŋa iyoŋ irae ikoku, iyeni iyoŋ ŋakiro ŋuna igiritae Nakigireta, ŋuna epedorete ainakin iyoŋ aosou ŋina ikirikori naiuno alotooma anupit Yesu Kristo.

Yak. 3:13

Ŋae alokidiŋ kus eyakar aosou ka ayenut? Itemokino iŋes kitoodiu alopitesyo keŋ a ŋulu ajokak atemar adau aosou alomar lopitesyo keŋ ŋulu ka akiyapara.