Ŋikis. 4:45 - Ebaibul

⁴⁵ Erae nu ŋakiro ŋuna elimunitoe ka ŋuna etubunitoe ta ŋikisila, ŋakiro ŋuna abu Moses tolimok Ŋisirael apaki ŋina aponiata alo Ijipit,

Ŋikis. 4:45 Iomraidhean Croise

1 Ŋirw. 2:3

kiwuap ŋuna ikicik Ekapolon Akuj kon, tolosi alorotin keŋ ka kiwuap ŋikisila keŋ, ŋakiciketa keŋ ka ŋuna etubunit iŋes ka ŋakiteyenikineta keŋ, lopite ŋolo igiritere Lokisila a Moses, ikotere nai irereŋier iyoŋ anakiro a daadaŋ a ŋuna itiyae iyoŋ ka aneni daadaŋ ilosi iyoŋ.

Ŋikiru. 119:111

Ŋakiro ŋuna itubunit iyoŋ ikes ainakinet kon neni kaŋ ŋikaru ka ŋikaru; ikes erae alelyanu ŋina ke etau kaŋ.

Ŋikiru. 119:14

Aryamunit ayoŋ alakara anakiwuapit ŋakiro ŋuna itubunit iyoŋ, lopite ŋolo elakaror ituŋanan alobari a daadaŋ.

Ŋikiru. 119:2

Elakara ŋituŋa ŋulu iwuapito ŋakiro ŋuna etubunit iŋes, ŋulu iwarito Ekapolon a ŋitai kec a daadaŋ,

Ŋikiru. 119:22

Tolema aneni kaŋ ajamuwarit ka ŋiyany kec, anerae ewuapit ayoŋ ŋakiro ŋuna itubunit iyoŋ.

Ŋikiru. 119:24

Ŋakiro ŋuna itubunit iyoŋ ikes erae alakara kaŋ, ikes eketatamete ayoŋ.

Ŋikiru. 119:5

Okoe elipi ayoŋ opedo arubakin anakiwuapit ŋakiro kon!

Ŋikiru. 119:7

Ekepuri ayoŋ iyoŋ ke etau a ŋolo iyookino, apaki ŋina ayenunia ŋikisila kon ŋulu iyookino.

Ŋikis. 4:1

Aŋun, nai tokona, iyes Ŋisirael kiirasi, kiwuapa ŋakiro ŋuna etubunitoe ka ŋikisila ŋulu eketatami ayoŋ iyes, ikotere iyes iyarete, ido tolomasi ka kiboikinos nakwap ŋina ikiinit iyes Ekapolon Akuj atapapaa kus.

Ŋikis. 4:44

Erae lu ŋikisila ŋulu abu Moses inak Ŋisirael.

Ŋikis. 4:46

eriŋa eya ekekwaye Yorodan nakadipaalat ŋina iteosi ka Bes-Peor, anakwap a erwosit Sikon a ŋolo a Ŋiamori, a ŋolo epukat alo Esibon, a ŋolo abu Moses ka Ŋisirael kilout apaki ŋina aponiata alo Ijipit.

Ŋikis. 6:17

Emaikina iyes kiwuapa ejok ŋakiciketa ke Ekapolon Akuj kus, kiwuapa ŋakiro ŋuna etubunit iŋes ka kiwuapa ŋikisila ŋulu ikicik iŋes iyes akiwuap.

Ŋikis. 6:20

Ani ikiŋisete iyes ŋidwe kus alorwa a ŋulu epote ebe, “Nyo apolou a ŋikisila, a ŋakiro a ŋuna etubunitoe ka ŋakiciketa ŋuna ikicik iyes Ekapolon akiwuap?”