Ŋikis. 4:40 - Ebaibul

⁴⁰ Kiwuapa ŋakiro keŋ ŋuna etubunitoe ka ŋakiciketa keŋ ŋuna ekecik ayoŋ iyes nakoloŋit na akiwuap, kiwuapa ikes aŋuna ka alakara kus ka aŋuna ka alakara a ŋiletok kus, ikotere iyes iboiyete akaoyan anakwap a ŋina elosi Ekapolon Akuj kus ainakin iyes toruwor ŋina kus ŋikaru ka ŋikaru.

Ŋikis. 4:40 Iomraidhean Croise

Ŋikiru. 105:45

Abu Akuj kitiya ŋun, ikotere iwuapete Ŋisirael ŋakiro ŋuna etubunit Akuj ka ŋikisila keŋ. Kipuroe Ekapolon!

Awos. 20:12

“Tokerite ŋinituŋanan papa keŋ ka toto keŋ, ikotere tolalata ŋirwa ŋulu iboiyoto iyes anakwap a ŋina ikiini Ekapolon Akuj kus.

Awos. 23:26

Mam aberu ebwaŋun akook, kori ituŋanan eruwor ikolupanot anakwap kus; etalalae ayoŋ ŋirwa ŋulu ka akiyar kus.

Ekal. 8:12

Tari daŋ kitiyaete ŋulu aronok ŋuna nyiyookino ŋakitiyaet tari amiat, ido torubakinito iboiyete apaki ŋina aoyan, ayeni ayoŋ atemar ejokyata ŋakiro aneni a ŋulu itopoloorito Akuj.

Isa. 65:20

Nyeyakaun nabo tooma keŋ ŋiŋwea ŋulu eyarete ŋirwa ŋidikudyo, kori ŋimojoŋi ŋulu nyikoŋikoŋete, anerae ŋini etwani erae ŋikaru keŋ amiat etamakinio atemar ariŋa esorokana, ido ŋini nyedolete ŋikaru keŋ amiat etamakinio atemar ilamitae iŋes.

Yer. 11:4

a ŋina abu ayoŋ olimok atapapaa kus apaki ŋina ayaunia ayoŋ ikes anakwap a Ijipit, anakwap a ŋina aryamunitotor ikes ŋican. Abu ayoŋ olimok ikes atemar kiirasi ŋakiro kaŋ ka kitiyata daadaŋ ŋuna akalimokini ayoŋ iyes. Aŋuna nai aruworotor ikes ŋituŋa kaŋ ka aruwor ayoŋ Akuj kec,

Yer. 35:18

“Nai abu Yeremia tolimok ŋituŋa a ateker a Rekab atemar alimu Ekapolon ŋolo a ŋajoresyo, Akuj a Ŋisirael ebe, ‘Aŋuna iwuapyata iyes ŋakiro ŋuna ikicikit papaa kus Yonadab ka aŋuna iwuapyata ŋakiro ŋuna alimuni iŋes daadaŋ ka kitiyata daadaŋ ŋuna abu iŋes ikicik iyes,

Yer. 7:23

Nai abu ayoŋ oinak ikes akiciket na ebe, ‘Kiwuapa ŋakiro kaŋ, ido aruwor ayoŋ Akuj kus ka iruworosi iyes ŋituŋa kaŋ; ido kiwuapa ŋakiro kaŋ bon, ikotere ejokyata ŋakiro aneni kus.’

Yer. 7:7

ŋakiro ŋun nai abunio ayoŋ akiboi kaapei ka iyes anakibois a na, anakwap a ŋina abu ayoŋ koloŋ oinak neni atapapaa kus toruwor ŋina kec ŋikaru ka ŋikaru.

Ŋilep. 22:31

“Alopite a ŋol, iwuapete iyes ŋakiciketa kaŋ ka iricete ikes. Arae ayoŋ Ekapolon.

Ekim. 10:29

Kirwor Moses neni ka Obab a lokoku a Reuel a ŋolo arae lokamuran a Moses a ŋolo abunit anakwap a Midian tema, “Awotokin tokona isua nakwap ŋina ikilimokinit isua Ekapolon ebe, ‘Akainakini ayoŋ iyes,’ bua orukosi ka isua, itiyao isua ejok neni kon; anerae iikinit Ekapolon ajokis neni a Ŋisirael.”

Yoa. 14:15

“Ani kikiminasi iyes ayoŋ, iricakinete ŋakiciketa kaŋ.

Ŋiep. 6:3

ikotere ejokyar akiyar kon, ido kiboi iyoŋ ŋikaru ŋulu alalak anakwap a na.”

Ŋikis. 11:9

ka ikotere iboiyete ekaoyan anakwap a ŋina abu Ekapolon kikoŋ neni atapapaa kus ainakin ikes ka ŋiletok kec, akwap ŋina elelyaata ŋakile ka ao,

Ŋikis. 12:25

Nyinyama jik ŋaokot, ikotere iyakaunosi emam ŋace, iyes kaapei ka ŋidwe kus ŋulu epote ekaku kus, anerae ipotu iyes kitiyata ŋuna iyookino alokiŋaren Ekapolon.

Ŋikis. 12:28

Tocoikisi akiwuap ŋakiro ŋun daadaŋ ŋuna adau ayoŋ alimokin iyes, ikotere emamukaun ŋace ŋikaru ka ŋikaru aneni kus ka aneni a ŋidwe kus a ŋulu epote ekaku kus, anerae ipotu iyes kitiyata ŋuna ajokak ŋuna iyookino alokiŋaren Ekapolon Akuj kus.

Ŋikis. 22:7

Kimyek toto a ŋicwi tolot, ido iya iyoŋ ŋicwi make, ikotere ejokyata ŋakiro aneni kon ka ikotere irubakini iyoŋ iyari apaki ŋina aoyan.

Ŋikis. 25:15

Emaikina iyes toyakatar akipimet apei bon ŋina ileleba ŋina ipimi ejok, toyakatar akipimet ŋina ipimi ibore ŋini itemokino, ikotere elalaketa ŋirwa ka akiyar kus anakwap a ŋina ikiinakini Ekapolon Akuj kus iyes,

Ŋikis. 32:47

Nyerae ŋakiro ŋun ŋakoŋinae, erae ŋakiro ŋuna ka akiyar kus, ŋakiro ŋun iŋes ipedoryata iyes akiyar apaki ŋina aoyan anakwap a ŋina idokarete iyes alokekwaye a ŋolol Yorodan akituruwor ŋina kus.”

Ŋikis. 33:25

Elipi toruworos ŋikekya ŋulu egolere ŋitaunio kec ŋulu itiyaunitae a ŋasuwa ka eburonis, ka elipi torubak agogoŋu kec ŋirwa daadaŋ ŋulu ka akiyar kec.

Ŋikis. 4:1

Aŋun, nai tokona, iyes Ŋisirael kiirasi, kiwuapa ŋakiro ŋuna etubunitoe ka ŋikisila ŋulu eketatami ayoŋ iyes, ikotere iyes iyarete, ido tolomasi ka kiboikinos nakwap ŋina ikiinit iyes Ekapolon Akuj atapapaa kus.

Ŋikis. 4:2

Nyemaikina iyes kiyatakis ŋakiro ŋadi nakiro ŋuna ekecik ayoŋ iyes, kori tolemasi ŋakiro ŋadi anakiro a ŋun, nai kiwuapa ŋakiciketa a Ekapolon Akuj kus, ŋuna tokona ekeciki ayoŋ iyes.

Ŋikis. 4:5

Kiirasi, lopite ŋolo ekecikia ayoŋ Ekapolon Akuj kaŋ, eketatami ayoŋ iyes tokona ŋikisila ka ŋakiro ŋuna etubunitoe, ikotere iyes iwuapete ŋun anakwap a ŋina eapi iyes alomar ka akiboikin.

Ŋikis. 4:6

Emaikina iyes kiwuapa ikes ejok, anerae itoodiunete ŋun aosou kus ka apedor ŋinayenunet ŋakiro aneni a ŋituŋa a ŋakwapin, ido ani iirarete ikes ŋuna a ŋikisila a ŋul, etemarete ikes, “Kire jik erae ŋituŋa lu ŋulu aosok ka ŋulu eyakatar apedor ŋinayenunet ŋakiro!”

Ŋikis. 5:10

nai etoodikini amina kaŋ ŋina nyiryaŋiryaŋa neni a ŋanyameta a ŋulu akaminasi ayoŋ, ido kiricito ŋakiciketa kaŋ.

Ŋikis. 5:16

“Tokerite ŋinituŋanan papa keŋ ka toto keŋ, lopite ŋolo ikicikia Ekapolon Akuj kus iyes, ikotere tolalata ŋirwa ŋulu iboiyoto iyes, ido tomam ŋace aneni kus anakwap a ŋina ikiini Ekapolon Akuj kus.

Ŋikis. 5:29

Okoe kerae ca toyakatar ikes atametait ŋina ikoni ŋin, ŋina ka amina ayoŋ ka akiwuapit ŋakiciketa kaŋ daadaŋ jwi jwi, ikotere ejokyata ŋakiro aŋuna kec ka aŋuna a ŋidwe kec ŋikaru ka ŋikaru!

Ŋikis. 5:33

Emaikina iyes kiwuapa jik ŋakiro ŋuna ikicik iyes Ekapolon Akuj kus akiwuap, ikotere iboiyete emam ŋace ka ikotere iboiyete apaki ŋina aoyan anakwap a ŋina ipote iyes akituruwor ŋina kus.

Ŋikis. 6:18

Kitiyata ŋuna ejokak ka ŋuna iyookino alokiŋaren Ekapolon kus, ikotere ejokak ŋakiro aneni kus ka ikotere ilomarete ka ituruworete akwap ŋina ajokan ŋin ŋina kus, akwap ŋina abu Ekapolon kikoŋ neni atapapaa kus ainakin iyes.

Ŋikis. 6:3

Aŋun, kiirasi, okoe Ŋisirael ka kiwuapa ŋakiro ka Akuj ejok, ikotere tomamukaun aneni kus ŋace ka ikotere ipitunete nooi anakwap a ŋina elelyaata ŋakile ka ao, lopite ŋolo ikiikinia iyes Ekapolon Akuj atapapaa kus.

1 Tim. 4:8

Ejok akitiya etic edio aŋuna ka akuwan toryamunia agogoŋu, nai ejok alowaetin a daadaŋ arubakin itatama akiboi anakiyar a ŋina ecamit Akuj, anerae ikiikinete ŋun akiyar ŋina a tokona ka ŋina a rwanu.