Ŋikis. 4:34 - Ebaibul

³⁴ Kori eya mono ŋituŋa a akwap adio ŋulu abu Akuj tolemu anakwap a ace aŋuna keŋ a ŋakikatanakineta, a ŋakitoodyanakineta, a ŋaumonokineta, a ejie, a apedor a ŋina etiron, agogoŋu ka a ŋiticisyo a ŋulu apolok nooi a ŋulu etubulok, lopite ŋolo etiyaa Ekapolon Akuj kus ŋun daadaŋ aŋuna kus alo Ijipit, iteete iyes a?

Ŋikis. 4:34 Iomraidhean Croise

Ŋikiru. 136:12

Abu iŋes yau ikes ka apedor a ŋina etiron, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 24:8

Ŋae mono Erwosit ŋolo apolon nooi ŋol? Erae Ekapolon ŋolo egogoŋ ka ŋolo etiron, Ekapolon ŋolo etiron alojie.

Ŋikiru. 78:12

Abu Akuj kitiya ŋakujuwuanisya iteete atapapaa kec, anakwap a Ijipit, anakibois a ŋina a Soan.

Awos. 1:9

Tema erwosit ŋol neni a ŋituŋa keŋ, “Kiirasi mono iyes ŋakiro nu, ‘Alalata tokona Ŋisirael nooi a ne, ido egogoŋ akilo iwon.’

Awos. 10:21

Tema nai Ekapolon neni a Moses, “Kikyaa akan kon kidiama, ikotere toburusiya akwap a Ijipit akiryonut ŋina epedori ainakin ŋituŋa ekabule.”

Awos. 10:7

Kiŋita ŋulu epukatotor Parao iŋes temasi, “Tari ori erubakinit ekile lo ikiteryamunit iwon ŋican? Emyekisi ŋituŋa toloto, ikotere ilipete neni ke Ekapolon Akuj kec. Eriŋa mono iyoŋ nyiŋolikina atemar enyasun Ijipit a?”

Awos. 13:3

Tema nai Moses neni a Ŋisirael, “Totamunito akoloŋit na, akoloŋit ŋina iponiata iyes anakwap a Ijipit, aneni iboiyoto irae ŋipi. Abu Ekapolon ikiyau iyes a nen a apedor keŋ, nyemaikina iyes tonyama amugati adio ŋina eya ŋakinyalet akoloŋit ŋin.

Awos. 14:30

Abu Ekapolon toiu Ŋisirael akoloŋit ŋin anakan a Ŋijipitian. Kiŋolikis Ŋisirael Ŋijipitian ileeuyete etwakito alokipetot ka Anam.

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Awos. 19:4

Idaut iyes akiŋolikin ŋuna abu ayoŋ etiya neni a Ŋijipitian ka epite ŋolo abunio ayoŋ okodakunia iyes ikwa edakunia egole ŋicwi keŋ a ŋabebenuk keŋ. Abu ayoŋ okoyau iyes neni kaŋ.

Awos. 3:10

Ekeyakiyari ayoŋ iyoŋ tokona neni a Parao iyau ŋituŋa kaŋ, Ŋisirael anakwap a Ijipit.”

Awos. 6:6

Aŋun, ape tolimok Ŋisirael ebe, ‘Arae ayoŋ Ekapolon, akalakuni ayoŋ iyes anakisicaneta a Ŋijipitian, akalakuni ayoŋ iyes anapitoonut aneni kec. Akalakuni ayoŋ iyes a apedor kaŋ ka esicani ayoŋ ikes nooi.

Awos. 7:3

Nai eturuwori ayoŋ iŋes ŋolo egogoŋ akou, ido etiyakini ayoŋ ŋakujuwuanisya ka ŋaumonokineta ŋuna alalak nakwap a Ijipit.

Isa. 51:9

Okoe apedor a Ekapolon, tonyou, tonyou kitoodiu agogoŋu kon. Tonyou ikwaŋina ibunio tonyounio koloŋ sek, ikwaŋina ibunio tonyounio ananyameta a ŋuna a koloŋ. Meere mono iyoŋ inyilinyiliyari Raab toruwor ŋanyile ka meere iyoŋ ibu kicum etyaŋ ŋolo adedeŋan a?

Yer. 21:5

Ayoŋ elope eketiji iyoŋ a agogoŋ kaŋ ka apedor kaŋ, anaŋoit, anadedeŋu ka ananyunyura a ŋina apolon.

Yer. 32:21

Ibu iyoŋ iyau ŋituŋa kon Ŋisirael anakwap a Ijipit itoodianakini ikes ŋakujuwuanisya ka ŋaumonokineta ka a apedor kon a ŋina apolon ka a akan kon a ŋina agogoŋon ka anakiro a ŋuna ikitubulete,

Ekim. 20:16

ido ani ikaloikinio isua Ekapolon, abu kiira akigworo kosi, tosodi kiyaku emalaika keŋ, ŋolo abu ikiyau isua anakwap a Ijipit, ikiya tokona isua ne Kades, lotaun ŋolo eyai lokukoru a akwap kon.

Ŋikis. 1:30

Ekapolon Akuj kus ŋolo ikiŋarenikini iyes, iŋes ebuni ajiore aŋuna kus, lopite ŋolo abunio kitiyaa aŋuna kus alo Ijipit iteete iyes

Ŋikis. 10:21

Ekapolon iŋes erae akipuro kus, iŋes erae Akuj kus, ŋina etiya aŋuna kus ŋakiro ŋuna apolok ka etubulok ŋun ŋuna iŋolikis iyes a ŋakonyen kus.

Ŋikis. 11:2

Totamutu nakoloŋit na atemar pa arae ŋidwe kus (eŋolikinito ka aryamunito ŋakiciketa ŋuna ke Ekapolon Akuj kus ŋuna ikitatamia iyes Ekapolon Akuj kus), nai arae iyes ŋulu emaikina tocamut iŋolikinito ailiil keŋ, apedor keŋ ŋina etiron ka agogoŋu keŋ,

Ŋikis. 26:8

Abu Ekapolon ikiyau isua alo Ijipit a apedor keŋ a ŋina etiron ka akiŋarakinet ka a ŋiticisyo a ŋulu apolok nooi a ŋulu etubulok ka ŋakitoodyanakineta ka ŋaumonokineta,

Ŋikis. 29:3

ipotu iyes kiŋolikis ŋakikatanakineta ŋuna apolok, ŋakujuwuanisya ka ŋaumonokineta ŋuna apolok.

Ŋikis. 33:29

Irereŋ iyes, okoe Ŋisirael, alutuŋa ikwaanatar iyes? Irae iyes ŋituŋa ŋulu ikiiunit Ekapolon ŋolo erae ekaiunan kus ka ekeŋarakinan kus, iŋes ikiinakini iyes akiloun ŋimoe kus. Epote ŋimoe kus akirworo alyokonu neni kus, ido imunaarete iyes ŋaduketa kec ŋuna ka apukan.

Ŋikis. 34:12

Mam ituŋanan ice abu kitiya ŋiticisyo ŋulu ka apedor, kori ŋulu etubulok ŋulu abu Moses kitiya iteete Ŋisirael daadaŋ.

Ŋikis. 5:15

Totamunito atemar irae koloŋ iyes ŋipi anakwap a Ijipit, ido abu Ekapolon Akuj kus ikiyau iyes anakwap a ŋin ka apedor keŋ a ŋina etiron ka agogoŋ. Aŋun, abu Ekapolon ikicik iyes atamunit akoloŋit ŋina a Sabato.

Ŋikis. 6:21

Ilimokinete iyes ŋidwe kus ebe, “Araakae paaran isua ŋipi a Parao alo Ijipit, nai abu Ekapolon ikiyau isua alo Ijipit ka apedor keŋ a ŋina etiron.

Ŋikis. 7:19

totamunito ŋakikatanakineta ŋuna apolok, ŋuna ipotu iyes kiŋolikis a ŋakonyen kus, totamunito ŋakujuwuanisya ŋaumonokineta ka apedor keŋ ŋina etiron ta agogoŋu keŋ ŋina abunio Ekapolon Akuj kus ikiyaunia iyes alo Ijipit. Itiyae Ekapolon Akuj kus ŋunapei neni a ŋituŋa a daadaŋ a ŋulu ikuryaka iyes aŋuna kec.

Ŋikis. 9:29

Erae ikes ŋituŋa ŋulu kon a elope ŋulu ibu iyoŋ iyau ka apedor kon a ŋina apolon ka agogoŋu kon.”

Yos. 24:7

Nai apotu atapapaa kus kikaloikis Ekapolon akiŋarakin ikes, tosodi abu Ekapolon kiwuak akiryonut kidiŋ ŋisigarya a Ijipit ka iyes, tomunya Ŋijipitian a ŋakipi a ŋuna ka anam. Iyenete iyes ŋilopeyek ŋuna abu ayoŋ etiya lotuŋa a Ijipit. Ekaku, ipotu iyes kiboiyoto apaki ŋina aoyan analoŋisat.

1 Pet. 5:6

Aŋun, kitiditeunos iyes anakan a ŋina ka apedor a ŋina ka Akuj, ikotere nai ikitopoloori iŋes iyes apaki ŋina ecamitor iŋes.