Ŋikis. 4:32 - Ebaibul

³² Kiŋitanaros tokona ŋakiro ŋuna a akanuwan eriŋa iyes nyidouno, kiŋitanaros ŋuna akoloŋ sek ŋinapei anakoloŋit a ŋina asubunia Akuj ituŋanan anakwap, kiŋitanaros ameun alokisal a epei a akwap tari ŋoloce, eya mono ŋakiro ŋuna apolok nooi ŋuna ikote nu ŋuna atakanut, kori eya mono ŋakiro ŋuna ikwaan ka nu ŋuna eiraritae a?

Ŋikis. 4:32 Iomraidhean Croise

Akisy. 1:27

Tosub Akuj ŋituŋa eyakatar ŋasima keŋ, alopite a ŋolo eyakatar ŋasima keŋ, abu tosub ikes. Tosub ekile ka aberu.

2 Sam. 7:23

Ata ŋae ŋituŋa ikwaan ka ŋituŋa kon, Ŋisirael? Eya mono ŋituŋa ŋice ikwaanatar ikes anakwapin a akwap ŋulu abu Akuj kec tolot alakun ikwapei ŋituŋa keŋ, ido toruunio ekiro keŋ a? Eya mono ŋituŋa ŋulu abu Akuj kitiya ŋuna ka aumokin neni kec anakiritanar ŋituŋa a ŋakwapin ka ŋakujo kec alokiŋaren kec a?

Yob 8:8

“Ekemaimai ayoŋ iyoŋ, kiŋitanar mono iyoŋ ŋakiro ŋuna a ŋanyameta a ŋuna alunyar, totamak ŋakiro ŋuna koloŋ apotu atapapaa kec toryamut anakiŋitanar ŋakiro,

Ŋikiru. 44:1

Okoe Akuj ikidau isua akiirar a ŋaki kosi, adaut atapapaa kosi alimokin isua ŋuna kibu iyoŋ kitiya alorwa kec, alorwa a ŋulu koloŋ.

Awos. 34:10

Tema nai Ekapolon, “Tokona, ewuakini ayoŋ Acamunet kaŋ ka iyes. Etiyae ayoŋ ŋakiro ŋuna ka aumokin itete ŋituŋa daadaŋ, ŋakiro ŋuna nyitiyakina ŋinapei koloŋ anakwap a daadaŋ neni a ŋakwapin a daadaŋ. Eanyuwarete ŋituŋa daadaŋ ŋulu iboiyete iyes aneni kec ŋuna itiyakini Ekapolon, anerae ŋuna eapi ayoŋ akitiyakin, erae ŋuna etubulok.

Isa. 45:12

Ayoŋ asubuni akwap ka abu osub ŋituŋa ŋulu eya nakwap; ayoŋ abu opetak kidiama ka abu olimu atemar toyakaun nen ŋisubuna ŋulu eya kidiama.

Yoel 1:2

Ŋikasikou, kiirasi ŋakiro nu, kiirasi iyes ŋituŋa daadaŋ ŋulu iboiyete anakwap a na. Atakanunito mono ŋakiro nu neni kus ŋinapei a? Kori alorwa atapapaa kus a?

Amos 3:2

Alimu Ekapolon ŋakiro nu ebe, ‘Iyes bon abu ayoŋ okoyenu ka ekeric alokidiŋ ŋituŋa a ŋakwapin a daadaŋ, aŋun, ekesicani ayoŋ iyes aŋuna a ŋasecisya kus.’

Mat. 24:31

Iyakuuni iŋes ŋimalaikan keŋ apaki ŋina ekutakinere arupepe ŋina apolon, tocunakis ŋiseuna keŋ alowaetin ka akwap a daadaŋ, ameun anakisyakinet tari nasalunet.

Mar. 13:27

Ebuni iŋes akiyakiyar ŋimalaikan acunakin ŋituŋa daadaŋ ŋulu seuna alowaetin ka akwap a daadaŋ, ameun anakisyakinet tari nasalunet.”

Ŋikis. 28:64

Ikielari Ekapolon iyes nakwapin, idolete iyes nakisaleta ŋuna ka akwap, itiyanakinete iyes a nen ŋakujo ŋuna itiyaunitae a ŋakito ka ŋamoru, ŋakujo ŋuna nyeyenuna iyes ŋinapei, kori atapapaa kus.

Ŋikis. 30:4

Tari kikirikoritae nakisaleta a akwap, ikicununi iyes Ekapolon Akuj kus, ikinyaku iyes nakwap kus,

Ŋikis. 32:7

Totamutu ŋirwa ŋulukoloŋ, totamatamata ŋuna a ŋikaru a ŋulu alunyarosi, kiŋit ŋinituŋanan papa keŋ kiteyenik iŋes, kiŋita ŋikasikou kus ikilimokinete ikes iyes.

Ŋikis. 33:29

Irereŋ iyes, okoe Ŋisirael, alutuŋa ikwaanatar iyes? Irae iyes ŋituŋa ŋulu ikiiunit Ekapolon ŋolo erae ekaiunan kus ka ekeŋarakinan kus, iŋes ikiinakini iyes akiloun ŋimoe kus. Epote ŋimoe kus akirworo alyokonu neni kus, ido imunaarete iyes ŋaduketa kec ŋuna ka apukan.

Ŋikis. 4:7

Emam ŋituŋa ŋulu ka akwap ka adio ŋulu itopolooritae, ŋulu eyakatar akuj ŋina eapi aneni kec lopite ŋolo eapiya Ekapolon Akuj yok aneni yok apaki daadaŋ ŋina enyaraere iwon iŋes.