Ŋikis. 4:31 - Ebaibul

³¹ Aŋuna eraakar Ekapolon Akuj kus Akuj ŋina esyonon, nyikimyekini iŋes iyes, kori nyikimunyari, kori nyimuryakini iŋes acamunet ŋina abunio iŋes tocamunotor ka atapapaa kus, ŋina abu iŋes kikoŋ neni kec.

Ŋikis. 4:31 Iomraidhean Croise

1 Ŋakiro a ŋirwa 28:20

Tema nabo Daudi neni a Solomon alokoku keŋ, “Togogoŋior ka totitinyor, kitiya etic. Nyikuryaniar, kori nyicamu ikikadakini, anerae irukito iyoŋ ke Ekapolon Akuj kaŋ. Nyikimyekini iŋes iyoŋ, mati jik kirikakin etic daadaŋ ŋolo ka Akai ke Ekapolon.

2 Ŋakiro a ŋirwa 30:9

Ani kiboŋut iyes neni ke Ekapolon, epedorete nai ŋulu erikorito ŋikaitotoi ka ŋidwe kus akisyon ikes kitoboŋut nakwap na, anerae ejok ka isyoniono Ekapolon Akuj kus, nyikimyekini iŋes iyes erae kiboŋut iyes neni keŋ”

Neem. 1:5

Abu ayoŋ otema anakilip kaŋ, “Okoe Ekapolon, Akuj ŋina anakuj, Akuj ŋina etiron ka ŋina ikitubuli, ŋina iricit acamunet ka amina ŋina nyiryaŋiryaŋa aŋuna a ŋulu ikiminasi iyoŋ ka aŋuna a ŋulu iwuapito ŋakiciketa kon,

Neem. 9:31

Kikote neni daŋ, alotooma akisyon kon ŋina apolon, ibu iyoŋ nyimyek ikes emunyaryo jik, kori nyimyekina iyoŋ ikes, anerae irae iyoŋ Akuj ŋina ijok ka ŋina isyoniono.

Ŋikiru. 103:8

Isyoniono Ekapolon ka erimaana nyepatana iŋes akiŋo, epol amina keŋ ŋina nyiryaŋiryaŋa.

Ŋikiru. 105:8

Etamunit iŋes acamunet keŋ ŋikaru ka ŋikaru, acamunet keŋ ka ŋituŋa ŋina abu iŋes tolimu aŋuna a ŋanyameta a aliput.

Ŋikiru. 111:4

Nyecamit Ekapolon iwon ikimuryakis ŋiticisyo keŋ ŋulu ka aumokin; erimaana Ekapolon ka isyoniono.

Ŋikiru. 111:5

Einanakini akimuj neni a ŋulu itopoloorito iŋes; etamunit iŋes jik acamunet keŋ.

Ŋikiru. 111:9

Abu Ekapolon tolaku ŋituŋa keŋ; kiwuak acamunet ŋina a ŋikaru ka ŋikaru ka ikes. Erae iŋes ŋolo eseg ka ŋolo ekerer.

Ŋikiru. 116:5

Ejok Ekapolon ka iyookino; isyoniono Akuj yok.

Ŋikiru. 86:15

Nai iyoŋ, okoe Ekapolon, irae ŋolo esyonon ka Akuj ŋina arimaanan, ŋina nyiŋoi atipei, ŋina elal amina ŋina nyiryaŋiryaŋa ka akikinyoma.

Ŋikiru. 86:5

Irimaana ka isyoniono iyoŋ, okoe Ekapolon, elal amina kon ŋina nyiryaŋiryaŋa aŋuna a daadaŋ a ŋulu ilipete neni kon.

Awos. 6:8

Akayauni ayoŋ iyes nakwap ŋina abu ayoŋ ekoŋ ainakin Aburaam, Isaka ka Yakob; akainakini ayoŋ iyes akwap ŋin toruwor ŋina kus. Arae ayoŋ Ekapolon.’ ”

Yer. 14:21

Aŋuna a ekiro kon, nyikijamuwa isua, nyisirum ŋileec etaun kon, Yerusalem neni eyai ekicoloŋ kon ŋolo ka apolou, totamu ŋakiikineta kon, ido nyilema acamunet kon ka isua.

Yer. 30:11

Ikirukit ayoŋ ka iyes ikotere akaiuni iyes. Amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Ŋilep. 26:42

atamuni nai ayoŋ acamunet kaŋ ka Yakob; atamuni daŋ ayoŋ acamunet kaŋ ka Isaka ka acamunet kaŋ ka Aburaam, ido otamu nai akwap kec;

Ŋilep. 26:44

Tari daŋ kikote ŋakiro nen, ani apaki ŋina eyakatar ikes nakwapin a ŋimoe kec, nyawouni ayoŋ ikes, oŋer ikes ikotere amunyarya ikes daadaŋ, todaunor acamunet kaŋ ka ikes. Arae ayoŋ Ekapolon Akuj kec.

Ŋilep. 26:45

Nai aŋuna kec, atamuni ayoŋ acamunet kaŋ ka atapapaa kec ŋulu abu ayoŋ oyau alo Ijipit iteete ŋituŋa a ŋakwapin, ikotere oruwor Akuj kec. Arae ayoŋ Ekapolon.’ ”

Yona 4:2

Kilip Yona neni ka Akuj tema, “Okoe Ekapolon, meere mono ŋakiro nu alimunit ayoŋ eriŋa ayai nakwap kaŋ a? Meere mono ikes apotu eketodokis ayoŋ Tarisis ekiŋaren a? Anerae ayeni ayoŋ atemar irae iyoŋ Akuj ŋina ka ajokis, ŋina esyonon, ŋina nyiŋoi atipei, ŋina epol arimao ka ŋina epatana akimyekin akisican.

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Ekim. 14:18

nyepatana ayoŋ Ekapolon akiŋo, epol amina kaŋ ŋina nyiryaŋiryaŋa, esyoniyene aronis ka akisyaanu a ŋituŋa, esicani ŋidwe aŋuna ka asecit atapapaa kec akitodol nanyemet ŋina a ŋauni ka ŋina a ŋaomwon.

Luk. 1:72

Etoodik iŋes atapapaa yok akisyon keŋ ka atamu Acamunet keŋ ŋina asegan.

Ŋikis. 31:6

Togogoŋ ka totitiny, nyikuryaketa, kori nyikibul aŋuna kec, anerae irukito iyes ke Ekapolon Akuj kus, nyikimyekini iŋes iyes, kori nyikiŋeri.”

Ŋikis. 31:8

Ekapolon iŋes ikiŋarenikini iyoŋ. Eyakaun Ekapolon ka iyoŋ, nyikimyekini iŋes iyoŋ, kori nyikiŋeri iŋes iyoŋ. Nyikuryaniar, kori nyikibul.”

Ŋibur. 13:5

Nyiraakasi ŋulu iminasi ŋisiliŋa, kimwonikina a ŋiboro a ŋulu iyakatar iyes. Anerae alimu Akuj atemar, “Nyakaesikini ayoŋ iyoŋ jik, nyakacakari ayoŋ iyoŋ jik.”

Yos. 1:5

Emam ituŋanan ŋini epedori akiloun iyoŋ eriŋa iyari. Ikiruki ayoŋ ka iyoŋ lopite ŋolopei sek ikirukitor ka Moses. Nyatyakar jik ayoŋ aneni kon, kori nyakaŋeri jik ayoŋ iyoŋ.