Ŋikis. 4:30 - Ebaibul

³⁰ Apaki ŋina iyakaunotor iyes locan, ŋina itiyakinotor ŋakiro ŋun daadaŋ neni kus alorwa a ŋulu eponito, iboŋunete iyes neni ke Ekapolon kiwuapa ŋakiro keŋ.

Ŋikis. 4:30 Iomraidhean Croise

Akisy. 49:1

Tonyarau nai Yakob ŋidwe keŋ ŋulusapa, tema neni kec, “Tocununos ne, ikotere akalimokini ayoŋ iyes ŋakiro ŋuna etakanunete neni kus alorwa a ŋulu eponito.

Neem. 1:9

nai ani kiboŋut iyes neni kaŋ, ido kiwuapa ŋakiciket kaŋ kitiyata ikes, tari keyakasi ŋituŋa kus ŋulu aponi torikoroe nakwapin ŋuna alwanak, acununi ayoŋ ikes aina, enyaku ikes nakibois ŋina aseu ayoŋ atemar kilipere neni kaŋ.’

Ŋikiru. 107:13

Apotu nai ikes kikaloikis Ekapolon alocan kec, ido abu Ekapolon toiu ikes anatyokisyo kec.

Ŋikiru. 107:6

Apotu nai ikes kikaloikis Ekapolon alocan kec, ido abu Ekapolon tolaku ikes anatyokisyo kec.

Ŋikiru. 18:6

Abu ayoŋ alocan kaŋ onyara Ekapolon, abu ekalou neni ka Akuj kaŋ akiŋarakino, Abu Akuj alo Kai keŋ kiira etoil kaŋ, abu iŋes kiira akigworo kaŋ.

Ŋikiru. 59:16

Nai aeikini ayoŋ etojokit agogoŋu kon, aeikini ayoŋ a ŋinataparacu nooi etojokit amina kon ŋina nyiryaŋiryaŋa; anerae irae iyoŋ aduketait kaŋ ŋinajiet, neni kon aiunor ayoŋ anapakio a ŋuna a ŋican.

Awos. 18:8

Kitatamik nai Moses lokamuran keŋ ŋakiro daadaŋ ŋuna etiya Ekapolon neni a Parao ka neni a Ŋijipitian aŋuna a Ŋisirael. Kitatamik tari ŋatyokisyo ŋuna kepotu Ŋisirael toryamut alorot ka epite ŋolo abunio Ekapolon toiunia ikes anatyokisyo a ŋun.

Isa. 1:19

Ani ca kicamut iyes, ido kiwuapa ŋakiro kaŋ, imujete iyes ŋamuja ŋuna ajokak anakwap;

Yer. 23:20

Nyimyekini Ekapolon anaŋoit keŋ akisican, akitodol ŋina isiyookinio ka itiyakinia ŋakiro ŋuna eya natameta keŋ. Alorwa a ŋulu esidyok, iyenunete iyes ŋakiro ŋun ejok.

Yer. 4:1

Irworo Ekapolon ebala, “Okoe ŋituŋa a Isirael, ani kiboŋut iyes neni kaŋ, ani kilemasi iyes asiilyo kus alokiŋaren kaŋ ka pa kikimyekis iyes nabo ayoŋ,

Yer. 4:2

ido kikoŋo itemasi, ‘Ikwapei eyarya Ekapolon,’ anakiro a ŋuna a kire, anakiyookino ka anajokis, iterereŋi Ekapolon ŋituŋa a ŋakwapin ka iturokinosi ikes aŋuna a Ekapolon.”

Yer. 7:23

Nai abu ayoŋ oinak ikes akiciket na ebe, ‘Kiwuapa ŋakiro kaŋ, ido aruwor ayoŋ Akuj kus ka iruworosi iyes ŋituŋa kaŋ; ido kiwuapa ŋakiro kaŋ bon, ikotere ejokyata ŋakiro aneni kus.’

Aum. 3:40

Emaikina iwon eŋolikisi make ŋipitesyo yok, ido oboŋosi akiwuap ŋuna ke Ekapolon.

Dan. 10:14

ido abu ayoŋ neni kon akiŋarakin iyoŋ toyenu ŋakiro ŋuna epote akitiyakin neni a ŋituŋa kon alorwa a ŋulu esidyok, anerae eyai akisileerekinet ace aŋuna a ŋirwa a ŋul.”

Osea 3:5

Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.

Sakar 6:15

Emaikina ŋituŋa ŋulu eya neni alwanan potu ikiŋarakis iyes akiduk Akai ke Ekapolon, neni iŋes iyenuniata iyes atemar Ekapolon ŋolo Etiron iŋes akeyakiunit ayoŋ neni kus. Itiyakin ŋakiro ŋun erae kiwuapa iyes imukekinito ŋakiro a Ekapolon Akuj kus.

Ekim. 24:20

Kiŋolik nai Balaam anakitoodikinet a Akuj Ŋiamaleki ŋituŋa a Ses, tosodi tolimu ŋakiro nu: “Arae Ŋiamaleki esyaunete akipukakin bon anakwapin a daadaŋ nai inyasunio akwap kec.”

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

Ŋikis. 30:10

Itiyakin ŋun erae kiwuapa iyes ŋakiro ŋuna ke Ekapolon Akuj kus, anakiricit ŋakiciketa keŋ ka ŋikisila ŋulu igiritae lokitaabo lo ŋolo a ŋikisila, anerae iboŋut iyes neni ke Ekapolon Akuj kus a ŋitai kus a daadaŋ ka a akiyar kus a daadaŋ.”

Ŋikis. 30:2

ido toboŋut neni ke Ekapolon Akuj kus, tosodo iyes kaapei ka ŋidwe kus kiwuapa ŋakiro ŋuna ka Akuj a ŋitai kus a daadaŋ ka a akiyar kus a daadaŋ, lopite ŋolo ekecikia ayoŋ iyes nakoloŋit na,

Ŋikis. 31:17

Ani itiyakinete ikes ŋun, aŋoikini ayoŋ ikes akoloŋit ŋinapei ŋin. Aŋeri ayoŋ ikes, ido ewa ereet kaŋ aneni kec, emunyaryo ikes ka atipei, edolokinete ŋican ŋulu aronok nooi ikes. Akoloŋit ŋin etemarete ikes, ‘Meere mono aŋuna nyeyakar Ekapolon Akuj yok kaapei ka iwon, iŋes atakanuniata ŋican lu neni yok a?’

Ŋikis. 31:21

Ani etakanunete neni kec ŋican ŋulu alalak ŋulu apipilak, isitakinete ŋakiro a eete a lo ikes, anerae nyimuryakini ŋiletok kec eete lo. Ayeni ayoŋ tari ŋuna ecamito ikes akitiya tari tokona eriŋa ayoŋ nyeyauna ikes nakwap ŋina abu ayoŋ eik ikes anakikoŋ.”

Ŋikis. 31:29

Ayeni ayoŋ atemar ekaku katwana ayoŋ, isyakinete iyes akitiya ŋuna aronok, iŋerete iyes ŋakiro ŋuna ekecik ayoŋ iyes akiwuap. Alorwa a ŋulu epote iryamunete iyes ŋican, anerae itiyaete iyes ŋuna aronok alokiŋaren Ekapolon, tosodi itoŋoyete iyes iŋes aloticisyo a ŋulu itiyaete iyes.”

Ŋibur. 1:2

nai ŋirwa ŋulu esidyok lu erwor iŋes neni yok alotooma Lokoku keŋ. Iŋes abunio Akuj tosubunia akwap, toseu iŋes aryamun ŋiboro daadaŋ ekaku.

Ŋibur. 5:9

Ani kituruwor iŋes ŋolo iyookino kire, abu toruwor ŋolo eyauni aiuno ŋina nyedaun neni a ŋulu daadaŋ ekerito iŋes;