Ŋikis. 4:29 - Ebaibul

²⁹ Iwarete iyes aina Ekapolon Akuj kus ka iryamunete iyes iŋes erae kiwara iyes iŋes a ŋitai kus a daadaŋ ka a akiyar kus a daadaŋ.

Ŋikis. 4:29 Iomraidhean Croise

2 Ŋirw. 10:31

Tari kikote neni daŋ, abu Yeu nyepedo akiwuap ŋikisila a Ekapolon Akuj a Isirael. Abu iŋes nyeki akitiya ŋasecisya ŋuna ekote ŋuna a Yeroboam a ŋolo arikokini Ŋisirael nasecit.

2 Ŋirw. 23:3

Towo erwosit Yosia alodiyete epir, kikoŋ alokiŋaren Ekapolon akiwuapit iŋes, akiricakinit ŋakiciketa keŋ, ŋakiro keŋ ka ŋikisila keŋ a etau keŋ a daadaŋ ta akitiya ŋuna daadaŋ igiritae lokitaabo ŋol. Tosodo ŋituŋa daadaŋ kiikis akiwuap Acamunet ŋin.

2 Ŋakiro a ŋirwa 15:12

Tocamunos ikes akilip a ŋitai kec a daadaŋ ka anakiyar kec a daadaŋ neni ke Ekapolon Akuj atapapaa kec.

2 Ŋakiro a ŋirwa 15:15

Tolelyana ŋituŋa a Yudaya daadaŋ aŋuna ka akikoŋ a ŋin, anerae apotu ikes kikoŋo a ŋitai kec a daadaŋ ka apotu kiwara Ekapolon alotooma acamit kec daadaŋ, ido apotu toryamut Ekapolon, inak Ekapolon ikes ekisil alowaetin a akwap kec a daadaŋ.

2 Ŋakiro a ŋirwa 15:2

Tolot Asaria neni ka Asa tema, “Kiirasi ŋakiro kaŋ, iyoŋ Asa ka ŋituŋa a Yudaya daadaŋ ta ŋulu a Benjamin. Irukito iyes ke Ekapolon erae ca kirukito iyes ka iŋes. Ani kiwara iyes iŋes, ikimyekini iŋes iyes toryamut iŋes, nai ani kimyekis iyes iŋes, ikimyekini iŋes daŋ iyes.

2 Ŋakiro a ŋirwa 15:4

Nai apotu ikes alocan kec toboŋut neni a Ekapolon Akuj a Ŋisirael, kiwara iŋes, ido apotu toryamut iŋes.

2 Ŋakiro a ŋirwa 31:21

Etic daadaŋ ŋolo abu iŋes kitiya aŋuna ka Akai ka Akuj ka anakiwuapit ŋikisila ta Ŋakiciketa, abu iŋes kitiya a etau keŋ a daadaŋ anakitopoloorit ka anainakina neni ka Akuj keŋ. Aŋun, abu apukan keŋ tolot kiŋaren ejok.

Neem. 1:9

nai ani kiboŋut iyes neni kaŋ, ido kiwuapa ŋakiciket kaŋ kitiyata ikes, tari keyakasi ŋituŋa kus ŋulu aponi torikoroe nakwapin ŋuna alwanak, acununi ayoŋ ikes aina, enyaku ikes nakibois ŋina aseu ayoŋ atemar kilipere neni kaŋ.’

Neem. 9:27

Aŋun, ibu iyoŋ kipotok ikes napedor a ŋimoe kec, ŋulu apotu kiteryamut ikes ŋican. Tosodi anapaki a ŋina ayakatar ikes locan, apotu ikes ikigworokis iyoŋ ka ibu iyoŋ kiira akigworo kec anakuj, alotooma akisyon kon ŋina apolon, ibu iyoŋ inak ikes ŋikaiunak ŋulu apotu toiut ikes anapedor a ŋimoe kec.

Ŋikiru. 119:10

Ekewarit ayoŋ iyoŋ ke etau kaŋ a daadaŋ; nyikimyek ayoŋ ooliyo anakiciketa kon.

Ŋikiru. 119:145

Anyara ayoŋ ke etau kaŋ a daadaŋ, toboŋokino ayoŋ, okoe Ekapolon, ikotere ewuapi ŋakiro ŋuna itubunit iyoŋ.

Ŋikiru. 119:2

Elakara ŋituŋa ŋulu iwuapito ŋakiro ŋuna etubunit iŋes, ŋulu iwarito Ekapolon a ŋitai kec a daadaŋ,

Ŋikiru. 119:58

Ekeŋisit ayoŋ iyoŋ ke etau kaŋ a daadaŋ ikiŋarak ayoŋ, kisyoni ayoŋ lopite ŋolo idaunia iyoŋ akiikin.

Yer. 3:10

Kikote neni daŋ apotu ŋituŋa a Yudaya nyeboŋut neni kaŋ a ŋitai kec a daadaŋ, nai anakitusubuna ŋulu kaŋ nyerae bo.”

Yer. 51:50

Iyes ŋulu iunosi alokileŋ toloto, nyirimirimo. Totamutu Ekapolon anakwap a ŋina alwanan, ka emaikina Yerusalem eyai natameta kus.

Esek. 6:9

Ikes ŋulu ebucarosi akatamunete ayoŋ anakwapin a ŋuna erikoryo erae ŋirikon. Etamunete ikes epite ŋolo abunio ayoŋ oŋoya aŋuna aponiata ikes tomalaaketa alotai kec toŋero anupit ayoŋ ka ŋuna aponiata ikes okoŋero ayoŋ toloto neni a ŋakujo kec. Nyepedorete nabo ikes acamun akitiya ŋuna aronok ŋuna etiyata ka ŋuna ka asiilyo daadaŋ ŋuna adaut ikes akitiya.

Yoel 2:12

Ebala Ekapolon ebe, “Tari tokona kikote neni daŋ, toboŋutu neni kaŋ a ŋikusitai a daadaŋ, kiredanakisi akiron, kigworos ka kiyaloloŋete.

Amos 5:4

Alimu daŋ Ekapolon ebe, ‘Toboŋutu neni kaŋ ikotere toyara,

Ŋikis. 10:12

Aŋun tokona, Okoe Ŋisirael, anukiro iitanit Ekapolon Akuj kus iyes kitiyata? Erae akitopoloorit Ekapolon Akuj kus, akiwuap ŋakiro keŋ daadaŋ, amina iŋes, akitiyanakin Ekapolon Akuj kus a ŋitai kus a daadaŋ ka a akiyar kus a daadaŋ

Ŋikis. 11:13

Ani ca kiwuapa iyes ŋakiciketa keŋ ŋuna ekecik ayoŋ iyes nakoloŋit na akiwuap, ŋakiciketa ŋuna ka amina Ekapolon Akuj kus ka akitiyanakin iŋes a ŋitai kus a daadaŋ a akiyar kus a daadaŋ,

Ŋikis. 26:16

Akoloŋit napei na ikicik iyes Ekapolon akiwuap ŋakiro ŋuna etubunitoe ŋun ka ŋikisila ŋul, kiwuapa ikes ejok a ŋitai kus a daadaŋ ka a akiyar kus a daadaŋ.

Ŋikis. 30:10

Itiyakin ŋun erae kiwuapa iyes ŋakiro ŋuna ke Ekapolon Akuj kus, anakiricit ŋakiciketa keŋ ka ŋikisila ŋulu igiritae lokitaabo lo ŋolo a ŋikisila, anerae iboŋut iyes neni ke Ekapolon Akuj kus a ŋitai kus a daadaŋ ka a akiyar kus a daadaŋ.”

Ŋikis. 6:5

Tominas Ekapolon Akuj kus a ŋitai kus a daadaŋ, a akiyar kus a daadaŋ ka agogoŋu kus a daadaŋ.

Yos. 22:5

Nai kiwuapa ejok ŋakiciketa ka Ŋikisila lu ŋulu abu Moses eketiyan a Ekapolon ikicik iyes akiwuap: Amina Ekapolon Akuj kus, akitiya daadaŋ ŋuna ecamit iŋes, akiwuapit ŋakiciketa keŋ, arubakinit iminasi iŋes ka akitiya etic keŋ a ŋitai kus a daadaŋ ka anakiyar kus a daadaŋ.”

1 Sam. 7:3

Abu nai Samuel tolimok Ŋisirael tema, “Ani kiboŋunito iyes neni ke Ekapolon a ŋitai kus a daadaŋ, tolemasi nai alokidiŋ kus ŋakujo ŋunagelae, ikwapei Asitaros. Totama alotai kus ŋuna ke Ekapolon, kitiyanakisi iŋes bon, ido ikiuni iŋes iyes anakan a Ŋipilistin.”